Morgunblaðið - 21.09.2017, Side 22

Ágúst Ingi Jónsson
aij@mbl.is
Minni afli línubáta frá Snæfellsnesi
hefur skapað erfiðleika í haust fyrir
þá sem beita í landi. Aflatregða og
smár fiskur bætast við lægra verð á
fiskmörkuðum, en á sama tíma hefur
tilkostnaður í landi aukist.
Bárður Guðmundsson,
útgerðarmaður í Ólafsvík og formað-
ur Samtaka smærri útgerða, segir að
á síðustu árum hafi afli farið minnk-
andi á línuveiðum. Sjórinn hafi verið
hlýrri en áður og fyrir Norðurlandi
muni nú heilum þremur gráðum mið-
að við síðasta haust. Í raun sé um
breytingar í náttúrunni að ræða, sem
erfitt sé að bregðast við. Fiskurinn
hafi meira æti og taki miklu verr, sér-
staklega stærri og verðmætari fisk-
urinn.
Ekki hagkvæmt að keyra
bjóðin langa leið daglega
„Þoskurinn tekur ekki beituna
þegar hann getur fengið nýtt og
ferskt síli,“ segir Bárður. „Ef við
veiðum eitthvað smávegis er það yfir-
leitt smár fiskur og þá lokar Fiski-
stofa svæðinu í tvær vikur. Að auki
gengur það þvert á áætlanir um upp-
byggingu þorsk-
stofnsins að veiða
bara smáfisk.
Meðan sú staða er
á miðunum, að
stærri fiskurinn
tekur ekki beitu,
þurfum við að fá
að veiða í önnur
veiðarfæri.“
Bárður segir
að staðan sé erfið
hjá þeim sem landbeita línuna en
Vilja fá að
veiða í fleiri
veiðarfæri
Kristinn SH Báturinn hefur undanfarin ár komið með um 1.400 tonn af bolfiski að landi og rúm 100 tonn af makríl.
Bárður
Guðmundsson
 Vandi línubáta sem beita í landi
 Stóri þorskurinn tekur treglega
töluverð útgerð er á landbeitta línu
frá Rifi og Ólafsvík, Norðurlandi
vestra og á Vestfjörðum. Bárður ger-
ir út línubátinn Kristin SH 812 ásamt
Þorsteini syni sínum og hafa þeir
undanfarin ár landað um 1.400 tonn-
um af bolfiski og rúmlega 100 tonn-
um af makríl. Fjórir eru í áhöfn báts-
ins og sjö vinna við beitningu í landi.
„Undanfarin 16 ár höfum við
flutt okkur norður fyrir land strax
um mánaðamótin ágúst-september
og róið þaðan þar til sjór fer að kólna
í Breiðafirði, sem er í lok nóvember,
byrjun desember. Aflabrögð hafa
verið talsvert betri fyrir norðan und-
anfarin ár. En nú bregður svo við að
sjávarhitinn í Húnaflóa er svipaður
og í Breiðafirði og það höfum við
aldrei séð áður. Þegar við gerðum út
fyrir norðan þurftum við að keyra á
hverjum einasta degi með bjóðin frá
Ólafsvík og aftur til baka með tilheyr-
andi kostnaði.
Það myndi gjörbreyta rekstrar-
umhverfi krókaaflamarksbáta ef
þeim yrði heimilt að veiða í net. Sam-
tök smærri útgerða hafa barist fyrir
því að krókaaflamarksbátar fái að
velja þau veiðarfæri sem best henta
hverjum og einum. Í aflamarkskerf-
inu hafa menn alla möguleika á að
bregðast við vandanum með því að
skipta um veiðarfæri.
Mikil hækkun veiðigjalda
Til okkar sem erum í krókaafla-
markinu eru gerðar sömu kröfur og
til annarra um að greiða enn hærra
veiðigjald en áður. Samt erum við
bundnir af stærð báta og við aðeins
eitt veiðarfæri, sem er orðið óhag-
kvæmt vegna hlýnunar sjávar. Af-
sláttur vegna kvótakaupa féll niður
með nýju fiskveiðiári og hjá okkar út-
gerð þýðir það að veiðigjöldin hækk-
uðu um 450% á milli ára,“ segir Bárð-
ur.
Útgerðir hafa mætt þessari
stöðu á ýmsan hátt og til dæmis
skipti Saxhamar SH frá Rifi yfir á
dragnót um fiskveiðiáramótin. Skipið
er í aflamarkskerfinu og hafði í ára-
raðir verið á netum og línu. Erfið
staða á Snæfellsnesi og víðar á síður
við um stóru línubátana sem beita um
borð og hafa meðal annars verið aust-
ur við Langanes í haust.
Snæfell, sem er aðildarfélag Landssambands smábátaeigenda á Snæ-
fellsnesi, hélt nýlega aðalfund. Þar voru meðal annars samþykktar
ályktanir um að krókaaflamarksbátar fái leyfi til veiða með þorskanet-
um og hins vegar að LS vinni að því að krókaaflamark verði sameinað
aflamarki.
Á aðalfundi Snæfells, sem haldinn var í Grundarfirði, var Örvar Már
Marteinsson frá Ólafsvík kosinn formaður félagsins. Örvar tekur við af
Guðlaugi Gunnarssyni sem gegnt hefur formennsku undanfarin tvö ár
en gaf ekki kost á sér áfram.
Fái að veiða í þorskanet
ÁLYKTUN SNÆFELLS
Sjálfstæðisflokkurinn www.xd.is
Opinn kosningafundur Sjálfstæðismanna með Bjarna Benediktssyni,
formanni Sjálfstæðisflokksins, nú á laugardaginn klukkan 11:00
á Hilton Reykjavík Nordica.
Húsið verður opnað klukkan 10:30. Kaffiveitingar í boði.
Hefjum
kosningabaráttuna
22 FRÉTTIRInnlent
MORGUNBLAÐIÐ FIMMTUDAGUR 21. SEPTEMBER 2017
Rangárþing eystra og landeig-
endur við Seljalandsfoss undirbúa
stofnun rekstrarfélags um innviði
við fossinn. Seljalandsfoss er í eigu
fjögurra jarða í Rangárþingi
eystra. Sveitarfélagið á svo jörðina
Hamragarða en fossinn Gljúfrabúi
er í landi hennar.
„Við vinnum að því að stofna
rekstrarfélag til að geta staðið að
uppbyggingu og rekstri á svæð-
inu,“ sagði Ísólfur Gylfi Pálmason,
sveitarstjóri Rangárþings eystra.
Næsti undirbúningsfundur verður
27. september. Ísólfur sagði að
væntanlega yrði félagið einkahluta-
félag. Hafin er innheimta þjónustu-
gjalda við Seljalandsfoss. Ísólfur
sagði að félagið mundi fá tekjurnar
og vinna að uppbyggingu á svæð-
inu.
„Fram að þessu hefur þetta verið
á könnu sveitarfélagsins,“ sagði Ís-
ólfur. „Við höfum greitt nánast allt
sem gert hefur verið þarna. Við
borgum hátt á sjöundu milljón á ári
fyrir að hafa þarna salernisaðstöðu,
sem þó er ekki mjög merkileg.“
Stefnt er að því að ljúka gerð
deiliskipulags svæðisins. Ísólfur
sagði að ekki hefði enn náðst sam-
komulag við alla landeigendur um
deiliskipulagið.
„Deiliskipulagið er grundvöllur
þess að við getum hafist verulega
handa,“ sagði Ísólfur. „Í fyrsta lagi
stendur til að gera stórt sameig-
inlegt bílastæði. Hugmyndin er að
hafa alla þessa aðstöðu sem lengst
frá sjálfum fossinum. Einnig eru
menn að velta fyrir sér gerð var-
anlegra malbikaðra göngustíga.“
Bændur á Seljalandi hafa að
mestu séð um landvörslu á svæðinu
eftir að innheimta hófst. Rekstr-
arfélagið mun síðan taka við land-
vörslunni. gudni@mbl.is
Félag um fossinn
 Undirbúa
rekstrarfélag um
Seljalandsfoss
Morgunblaðið/Árni Sæberg
Seljalandsfoss Mjög vinsæll við-
komustaður ferðamanna.