Morgunblaðið - 05.10.2017, Page 18

Daglegt líf
MORGUNBLAÐIÐ FIMMTUDAGUR 5. OKTÓBER 2017
Skeifunni 8 | Sími 588 0640 | casa.is
Componibili hirslur
3ja hæða
Verð frá 17.900,-
Til í fleiri litum
Battery borðlampi
Verð frá 19.900,-
Til í fleiri litum
BOURGIE borðlampi
Verð frá 34.900,-
Til í fleiri litum
Take borðlampi
Verð 10.900,-
Til í fleiri litum
Cindy borðlampi
Verð 32.900,-
Til í fleiri litum
Erna Ýr Öldudóttir
ernayr@mbl.is
Capoeira bardagalistin ernánast óþekkt á Íslandi enhún er mjög vinsæl víðasthvar í heiminum. Hún er
stunduð í meira en 160 löndum,“
segir María Beatriz García Mart-
ínez, lögfræðingur og capoeira-
kennari.
Beatriz er kúbversk, fæddist
árið 1982 í Havana á Kúbu. Níu ára
gömul flutti hún til Ekvador með
föður sínum.
„Ég fór síðar í háskóla í Evrópu
og kláraði nám í lögfræði í Hollandi
og Bretlandi og vann um tíma hjá
Alþjóðaglæpadómstólnum í Haag,
bjó síðan nokkur ár í Kína áður en ég
flutti til Íslands. Í Kína var ég m.a.
að vinna fyrir góðgerðarsamtökin
Shanghai Sunrise, sem hjálpa snauð-
um börnum að komast í skóla, ásamt
því að kenna bardagalistina capo-
eira. Ég flutti frá Shanghai til Pek-
ing 2011 og stofnaði capoeira-skóla
þar sem ég rak í fjögur ár áður en ég
flutti til Íslands með manninum mín-
um sem er íslenskur.
Ég er núna í námi í íslensku
sem annað tungumál í Háskóla Ís-
lands. Það er eðlilegt fyrir mig að
byrja að læra tungumálið þegar ég
flyt á milli landa. Ég hef því lagt á
mig að læra tungumálin allsstaðar
þar sem ég hef búið,“ segir Beatriz,
en hún talar kínversku, frönsku,
portúgölsku, spænsku, hollensku og
íslensku, finnst íslenska vera erfið-
ust af þeim öllum en talar hana þó
vandræðalaust.
Beatriz segir börnin hafa kennt
sér mjög mikið í tungumálinu. „Það
er svo auðvelt að læra af börnunum,
þau kenna manni svo mikið. Börnin
dæma mann ekki þó maður segi eitt-
hvað vitlaust. Það var því mjög gott
fyrir mig að byrja að vinna með
börnum þegar ég flutti til Íslands,“
segir Beatriz.
Capoeira-bardagalistin er frá
Brasilíu, það voru upphaflega þræl-
ar sem þróuðu hana, það byrjaði í
Baia í Norður-Brasilíu. Afrískir
þrælar frá ýmsum svæðum þar
þróuðu hana sem sjálfsvörn og til að
styrkja sig, en líka sem list og af-
þreyingu. Þrælahaldararnir máttu
nefnilega ekki vita að þrælarnir
væru í laumi að æfa bardagalist,
þess vegna reyndu þeir að fela hana
sem dans. Í Afríku voru dansar oft
stríðsdansar og af þessum ástæðum
er capoeira blanda af bardagatækni
og dansi.
Menningararfur mannkyns
Árið 2014 var capoeira lýst
brasilísk menningararfleifð. Síðan
þá hafa brasilísk capoeira-samfélög
skipulagt og komið saman til að
kynna capoeira utan Brasilíu, það sé
mikilvægt fyrir mannkynið í heild.
Sameinuðu þjóðirnar(UNESCO)
hafa lýst capoeira óefnislegan menn-
ingararf mannkyns og viðurkenndu
þannig sögulega og félagslega þýð-
ingu þess.
„Í Hollandi kynntist ég capoeira
fyrst. Þegar við fluttum hingað þá
var enginn að kenna capoeira. Það
hafði verið capoeira-hópur hérlendis
þegar ég heimsótti Ísland áður en
hann var hættur þegar ég flutti
hingað. Ég byrjaði svo í september
2014 að kenna capoeira á Íslandi, en
ég fór að kenna í Hjallastefnunni og
kenndi börnum capoeira þar og á
frístundaheimilunum í Vesturbæj-
arskóla og Melaskóla. Í skólanum
sem ég stofnaði var fyrst bara full-
orðinskennsla, en síðan byrjaði ég að
kenna börnum þar,“ segir Beatriz.
„Capoeira er brasilísk bardaga-
list sem lítur út eins og dans. Þar
blandast fimleikaæfingar og dans,
þetta er eins konar flæði á milli bar-
daga og dans. Við köllum þetta „að
leika saman.“
Capoeira er hægt að nota í
sjálfsvörn, en það er ekki beinlínis
markmiðið. Þetta eru styrktar- og
liðleikaæfingar sem veita aukið
sjálfstraust. Það tekur tíma að verða
góður en maður þarf ekki að vera í
góðu formi eða góður strax, þetta
kemur allt með tímanum. Árangur
er síðan einstaklingsbundinn. Ég er
t.d. mun sterkari en ég var og hef
þyngst um sex kíló af vöðvamassa.
Það tekur ekki langan tíma að læra
hreyfingarnar en það tekur langan
tíma að gera hreyfingarnar að hluta
af líkamanum og því hvernig maður
hreyfir sig.“
Hún segir að markmið hennar
þegar hún er að kenna börnum sé
ekki endilega að kenna þeim tækni,
heldur frekar að kenna þeim hug-
myndina að baki. „Þau læra að vinna
saman, það er ekki hægt að hugsa
bara um sjálfan sig í capoeira, held-
ur líka félagann sem er andstæðing-
urinn og alla sem eru í kring. Við
notum hljóðfæri, langa hljóðfærið
sem heitir berimbau, tambúrínu sem
kallast pandeiro á portúgölsku og
einnig trommu sem heitir atabaque.
Svo klöppum við og byggjum upp
orku í leiknum sem á að vera list og
fallegar hreyfingar. Áskorunin felst
í að búa til fallegt sjónarspil en á
sama tíma að fást við andstæðing-
inn. Því þarf að vera samvinna en á
sama tíma þarf að vara sig á and-
stæðingnum sem gæti gefið manni
spark eða fellt mann. Ég er að kenna
yngri og eldri hópum barna en líka
fullorðnum. Þegar við æfum þá spila
ég tónlist, en þegar við æfum capo-
eira þá spilum við tónlistina sjálf á
hljóðfærin og hópurinn klappar og
syngur,“ segir Beatriz sem kennir
capoeira í Kristalhofinu í DanceCen-
ter Reykjavík í Háteigskirkju.
Morgunblaðið/Hanna
Capoeira Mandinga Beatriz Garcia með börnum sem hún kennir brasilíska bardagalist.
Talar sex tungumál
Beatriz er kúbverskur
lögfræðingur sem talar
fjölmargar tungur og
kennir börnum og full-
orðnum brasilíska bar-
dagalist, capoeira. Hún
er hluti af menningararfi
mannkyns og er upp-
runnin frá afrískum
þrælum í Brasilíu fyrir
um það bil 500 árum.
Æfing Lögð er áhersla á mismunandi hreyfingar í bardagalistinni.
Hljóðfæri Beatriz heldur á berimbau.