Morgunblaðið - 05.10.2017, Síða 58

Grafinn lax
- Láttu það eftir þér
Söluaðilar:10-11,Hagkaup,Kostur,Icelandverslanir,Kvosin,Melabúðin,
Nettó, Samkaup, Pure Food Hall flugstöðinni Keflavík, Sunnubúðin.
Það var sambýlismaður hans, Albert
Eiríksson, matgæðingur og bloggari
með meiru, sem sá um matinn sem
var undir ítölskum áhrifum eins og
vera ber. Albert og Bergþór eru
ekki þekktir fyrir hálfkák og því var
matseðillinn eins og best verður á
kosið. Boðið var upp á lambahrygg
með krydduðu brauðraspi ásamt
ofnbökuðu grænmeti með Dijon,
hunangi og oregano. Annað meðlæti
var kartöflumús með hvítlauk og
parmesan-osti en punkturinn yfir i-
ið var síðan Tosku óperuterta sem
gerði stormandi lukku.
Albert segir að þetta hafi verið
sérlega vel heppnað og hann hafi
haft sérstaklega gaman af því að fá
matgæðinginn Kristján Jóhannsson
í mat en hann lumi á miklum fróðleik
þegar kemur að ítalskri matargerð.
Til dæmis hafi hann ráðlagt honum
að setja parmesan-ostinn út í kart-
öflumúsina sem hafi verið ein-
staklega bragðgott.
Lambahryggur með
krydduðu brauðraspi
Lambahryggur
2/3 b brauðrasp
2 msk matarolía
1 msk Dijon sinnep
1 msk timían
1 msk rósmarín
rifinn börkur af einni sítrónu
safi úr hálfri sítrónu
2 msk söxuð steinselja
salt og pipar
Blandið saman brauðraspi, olíu,
sinnepi, timían, rósmarín, sí-
trónuberki, sítrónusafa salti og pip-
ar. Setjið hrygginn í ofnskúffu, saltið
og piprið neðri hluta hans. Dreifið úr
raspkryddblöndunni á hrygginn og
eldið á 50°C í 4-5 klst. Aukið hitann í
120° síðustu mínúturnar.
Ofnbakað grænmeti með Dijon,
hunangi og oreganó
4 msk olía
4 hvítlauksrif
1 tsk Dijon sinnep
1 msk hunang
1/2 tsk oreganó
salt og pipar
4 b niðurskorið grænmeti að eigin vali
(gulrætur, sætar kartöflur, blaðlaukur,
rófur, rauðlaukur, baunir....)
Brúnið grænmetið í olíunni í potti
eða á pönnu, bætið við hvítlauks-
rifjum, sinnepi, hunangi, oreganói,
salti og pipar.
Bakið annaðhvort í ofni eða áfram
á pönnunni/pottinum í ca 15 mín.
Það er svo ágætt að spjalla um
mat við óperusöngvara. Fyrir utan
að hafa mikinn áhuga á tónlist, eðli-
lega, hafa þeir einnig mikinn áhuga
á mat og matargerð. Kristján stór-
tenór Jóhannsson gaukaði því að
mér einhverju sinni að hann setti
bæði hvítlauk og parmesanost sam-
an við kartöflumús.
Kartöflumús með hvítlauk
og parmesan
8 bökunarkartöflur
150 g smjör
4 hvítlauksgeirar, saxaðir
1/2 bolli rifinn parmesan-ostur
1 b matreiðslurjómi
salt og pipar
Sjóðið kartöflurnar. Hellið vatn-
inu af þeim, flysjið og merjið. Bætið
við smjöri, hvítlauk og parmesan.
Saltið og piprið. Takið ca 2/3 af mús-
inni og maukið í matvinnsluvél og
blandið saman við restina að nýju.
Tosku marengs óperuterta
Marengs:
8 stórar eggjahvítur
1 tsk salt
1 ½ tsk edik
350 g sykur
1 ½ tsk vanillusykur
50 g kókosflögur
Setjið bökunarpappír á 2 plötur og
merkið tvo hringi á hvora örk með
diski og bitlausum hníf.
Hitið ofninn í 100°C.
Setjið sykur í matvinnsluvél í 1-2
mín. Þannig verður hann fínni og
leysist betur upp í hvítunum.
Stífþeytið eggjahvítur, salt, edik,
sykur og vanillu. Breiðið út ¼ af
deiginu á einn hring á pappírinn.
Blandið kókosflögum saman við
afganginn með sleikju og breiðið út á
hina þrjá hringina.
Bakið í 2 klst. í miðjum ofni.
Slökkvið á ofninum, látið kólna í
honum.
Eggjakrem:
½ l rjómi
8 eggjarauður
100 g sykur
1 tsk vanillusykur
40 g hveiti
Hitið rjóma að suðu í með-
alstórum potti. Takið pottinn af
hellunni.
Þeytið rauður á meðan með sykri
og vanillu. Sigtið hveiti út í og þeytið
aðeins áfram. Hellið helmingnum af
heitum rjómanum út í og blandið vel.
Hitið afganginn af rjómanum aft-
ur að suðu. Hellið rauðublöndunni út
í pottinn og þeytið stanslaust með
handpísk. Hitið áfram og þeytið þar
til kremið þykknar, takið pottinn af
hitanum, en þeytið áfram í 3 mín.,
svo að ekki myndist kekkir. Kælið
og geymið undir plastfilmu.
Samsetning:
½ l rjómi
1 msk sérrý
1 ½ l fersk hindber
fersk mintulauf í skraut
Þeytið ¼ l rjóma og setjið sérrý út í.
Kókosmarengs er settur á tertu-
disk, en síðan er röðin þessi: Helm-
ingur af eggjakreminu, hindber,
kókosmarengs, sherrýrjómi, kók-
osmarengs, eggjakrem, hindber og
efsta lagið er möndlulausi marengs-
inn.
Geymið í kæli í nokkrar klukku-
stundir.
Þeytið ¼ l rjóma og setjið ofan á,
áður en kakan er borin fram.
Skreytið með hindberjum, bróm-
berjum og mintulaufum.
Morgunblaðið/Kristinn Magnússon
Óperustjörnur Greg Eldridge, Steinunn Birna Ragnarsdóttir, Kristján Jóhannsson, Claire Rutter, Egill Árni Pálsson,
Þorsteinn Sigurðarson, Fjölnir Ólafsson, Eva Þyrí Hilmarsdóttir, Ágúst Ólafsson, Albert Eiríksson og Bergþór Pálsson.
Óperuboð Berg-
þórs og Alberts
Toska verður frumsýnd þann 21. október og af því
tilefni bauð Bergþór Pálsson, sem syngur í sýningunni,
valinkunnum mannskap í hádegisverðarboð en hefð hefur
skapast fyrir slíku hjá Bergþóri.
Liðtækur Bergþór bar fram matinn
með glæsibrag.
Íslenskt lamb Boðið var upp á íslenskt lamb undir mjög svo ítölskum áhrifum.
Morgunblaðið/Kristinn Magnússon
Alvöru óperuterta Hver fær staðist þessa dásemdarköku? Marengsinn var
sérlega glæsilegur enda sannkölluð óperuterta.
Sælkeramús Það var sjálfur
Kristján Jóhannsson sem ráðlagði
Alberti með kartöflumúsina.