Morgunblaðið - 13.10.2017, Síða 10

10 FRÉTTIRInnlent
MORGUNBLAÐIÐ FÖSTUDAGUR 13. OKTÓBER 2017
Helgi Bjarnason
helgi@mbl.is
Dælt hefur verið liðlega 2,6 milljón-
um rúmmetra af sandi upp úr sjón-
um í og við Landeyjahöfn frá því
höfnin var tekin í notkun fyrir sjö ár-
um, samkvæmt upplýsingum frá
Vegagerðinni. Magnið samsvarar
rúmmáli um 10 tónleikahúsa eins og
Hörpunnar í Reykjavík.
Unnið hefur verið að viðhalds-
dýpkun í Landeyjahöfn frá því
skömmu eftir að höfnin var tekin í
notkun á árinu 2010. Tilgangurinnn
er að tryggja að Vestmannaeyjaferj-
an Herjólfur geti notað hana sem
lengst. Það hefur ekki dugað til og
hefur höfnin verið ófær fyrir skipið
yfir háveturinn.
Mestu dælt á árinu 2015
Mestum sandi var dælt á árunum
2015 og 2016 en þá var reynt að
hreinsa frá hafnarmynninu til að
auðvelda viðhaldsdýpkun. Þannig
var 217 þúsund rúmmetrum dælt
upp í október 2015 og 215 þúsund
rúmmetrum í apríl 2016. Nýlega
kom fram í Morgunblaðinu að kostn-
aður við dýpkun, eftirlit og rann-
sóknir sé orðinn um 2,4 milljónir
króna frá upphafi.
Dýpkunarskip hefur verið að
störfum í höfninni undanfarna daga
og heldur eitthvað áfram, eftir því
sem veður leyfir.
Breytingar undirbúnar
Vegagerðin undirbýr að breyta
hausum hafnargarðanna og koma
þar fyrir búnaði til að dæla upp efni.
Kemur það til viðbótar viðhalds-
dýpkun með skipum. Sigurður Áss
Grétarsson, framkvæmdastjóri sigl-
ingasviðs Vegagerðarinnar, segir að
tvennt vinnist með dýpkun frá garð-
hausum, hægt verði að hreinsa betur
frá görðunum en unnt er með skip-
um og að hægt verði að dýpka í verri
veðrum.
Vegagerðin hefur fjárveitingar til
að ráðast í þessar framkvæmdir.
Stefnt er að því að breyta garðhaus-
unum á næsta ári.
Þess má geta að á næsta ári á að
taka í notkun nýja Vestmannaeyja-
ferju sem verður mun grunnristari
en gamli Herjólfur og á sandburður
því að valda minni truflum á ferðum
hennar.
Magnið á við tíu Hörpur
 Dælt hefur verið 2,6 milljónum rúmmetra af sandi úr
Landeyjahöfn  Dælubúnaði komið fyrir á garðhausum
413
537
638
225
270252
308
Dæling á sandi úr Landeyjahöfn
Samtals frá 2011
2,6 milljónir rúmmetra *Janúar til
september
625
500
375
250
125
0
þúsundir rúmmetra
2011 2012 2013 2014 2015 2016 2017*
Morgunblaðið/RAX
Vilhjálmur A. Kjartansson
vilhjalmur@mbl.is
„Ég er að koma hingað í þriðja sinn
sem þátttakandi í Norðurslóða-
ráðstefnunni (e. Arctic Circle),“ segir
Ségolène Royal, fyrrverandi um-
hverfis- og orkumálaráðherra Frakk-
lands og fyrrum forsetaframbjóð-
andi, við Morgunblaðið, en Royal
varð fyrst kvenna til að komast í aðra
umferð frönsku forsetakosninganna
árið 2007 þar sem hún tapaði naum-
lega fyrir Nicolas Sarkozy.
Royal segist heilluð af Íslandi og
frumkvæði Íslendinga í loftslags-
málum, sem hún telur vera til fyrir-
myndar.
„Fyrst þegar ég sótti Norðurslóða-
ráðstefnuna var ég forseti Cop21, en
nú kem ég sem sendiherra Samein-
uðu þjóðanna fyrir norðurpólinn og
Suðurskautslandið enda sterk tengsl
milli loftslagsmála og ástands pól-
anna tveggja,“ segir hún og bendir á
að hækki hitastig almennt um þrjár
gráður þýði það sjö gráðu hækkun á
pólunum.
„Slík hækkun hitastigs hefur gífur-
lega mikil áhrif á öll lönd í heiminum
og með því að varpa ljósi á það sem er
að gerast á norðurslóðum, þar sem
áhrifanna gætir enn meira, getum við
vonandi fengið lönd heimsins til að
leggja harðar að sér í baráttunni við
loftslagsvandann.“
Vill efla vísindasamstarf
Vettvangurinn sem Norðurslóða-
ráðstefnan hefur skapað er mikil-
vægur, að sögn Royal, bæði fyrir þau
lönd sem eiga fast sæti í Norður-
skautsráðinu og áheyrnarríki á borð
við Frakkland.
„Þetta er góður vettvangur þar
sem fulltrúar fjölda ríkja koma sam-
an, ekki síst vísindamenn,“ segir Ro-
yal og bendir á að vísindin þurfi að
vera í forgrunni í allri umræðu um
málefni norðurslóða.
„Ég heimsótti, ásamt sendiherra
Frakklands hér á Íslandi, Jöklasafnið
og með í för voru bæði íslenskir og
franskir vísindamenn. Það hefur ver-
ið góð samvinna milli Íslands og
Frakklands á sviði vísinda enda mik-
ilvægur þáttur í samstarfi þjóðanna,
en við þurfum að styrkja hann enn
frekar, sérstaklega í loftslagsrann-
sóknum,“ segir hún.
Ólíkir heimar en sterk tengsl
Þó töfrandi veröld norðurslóða
kunni að þykja órafjarri í hugum
Frakka og suðrænar strendur og
gjöfular vínekrur Frakklands í hug-
um Íslendinga minnir Royal á að
tengsl landanna séu sterk og ekki
nema þriggja tíma flug á milli okkar.
„Vegalengdin kann að vera löng í
huga fólks, en áhugi Frakka á Íslandi
og norðurslóðum er mikill,“ segir hún
og þakkar það m.a. íslenskum bók-
menntum sem hún segir vinsælar í
Frakklandi og að sjálfsögðu ævintýri
Jules Verne um Leyndardóma Snæ-
fellsjökuls, sem einnig hefur verið
þýtt sem Ferðin að miðju jarðar á Ís-
lensku en á frummáli nefnist Voyage
au centre de la terre.
„Jules Verne kom aldrei til Íslands
en saga hans er þjóðþekkt í Frakk-
landi og er hluti af áhuga okkar á
norðurslóðum.“
Hefur trú á mannkyninu
Þrátt fyrir að Bandaríkin, undir for-
ustu Donald Trump, stefni út úr Par-
ísarsamkomulaginu, þar sem ríki
heims hafa skuldbundið sig til að
draga úr losun gróðurhúsalofttegunda,
segist Royal horfa til þess sem vel er
gert, ekki til þeirra sem rífi niður.
„Ég er bjartsýn á framtíðina. Bar-
áttan vinnst á vettvangi bæjar- og
borgarstjórna, fyrirtækja og stofn-
anna. Sífellt fleiri eru að átta sig á því
hvað er í húfi og ég hef mikla trú á
hæfileikum mannkynsins til að takast
á við erfið verkefni og finna lausn á
flóknum málum,“ segir Royal og
bendir á Ísland sem dæmi um að
stærðin skipti ekki máli heldur frum-
kvæði og áhrif sem ríki geti haft.
Norðurslóðir skipta Frakka máli
 Ségolène Royal, fyrrverandi umhverfisráðherra Frakklands, telur Arctic Circle ráðstefnuna mikil-
vægan vettvang um loftlagsmál  Telur að efla þurfi enn frekar vísindasamstarf Íslands og Frakklands
Morgunblaðið/Hanna
Umhverfismál Ségolène Royal er hér á landi vegna Arctic Circle, en hún segir mikilvægt að varpa ljósi á málefni
norðurslóða enda hafi hækkandi hitastig vegna loftslagsbreytinga mikil áhrif á svæðin í kringum pólana tvo.
Pétur Hreinsson
peturhreins@mbl.is
Fólk af 40 þjóðernum úr opinbera og
einkageiranum sótti Rakarastofu-
ráðstefnu í UN City í Kaupmanna-
höfn í gær en fyrir henni stóð nor-
ræna ráðherranefndin ásamt
utanríkisráðuneytinu. Guðlaugur Þór
Þórðarson utanríkisráðherra setti
ráðstefnuna sem hefur það að mark-
miði að hvetja karla til þess að tala um
jafnréttismál og koma þeirri hugsun á
framfæri að jafnréttismál séu hags-
munamál fyrir samfélagið í heild
sinni. Fulltrúar frá stórfyrirtækjum á
borð við IKEA og Volvo tóku til máls.
Frá Íslandi hélt Bjarni Bjarnason,
forstjóri Orkuveitu Reykjavíkur,
kynningu um góðan árangur fyrir-
tækisins í jafnréttismálum.
Guðlaugur Þór segir aðrar þjóðir
líta til Íslendinga þegar kemur að
jafnréttismálum og að mikil eftir-
spurn sé eftir framtaki á borð við
Rakarastofuna sem er hluti af
HeForShe-herferð UN Women.
„Sumt höfum við Íslendingar gert
vel. Jafnréttismálin eru án nokkurs
vafa eitt af því,“ sagði Guðlaugur Þór
við Morgunblaðið á ráðstefnunni.
Dagfinn Høybråten, fram-
kvæmdastjóri Norrænu ráðherra-
nefndarinnar, sagði að Íslendingar
væru ekki enn orðnir heimsmeistarar
í knattspyrnu, en þegar kæmi að jafn-
réttismálum, þá tæki enginn þann titil
af Íslendingum.
„Þetta snýst um það í mínum huga
að allir einstaklingar fái að njóta sín,
óháð því hvers kyns þeir eru,“ sagði
Guðlaugur Þór.
Heimsmeistar-
ar í jafnrétti
 Allir fái að njóta sín, segir ráðherra
Morgunblaðið/Pétur Hreinsson
Jafnrétti Guðlaugur Þór Þórðarson utanríkisráðherra setti ráðstefnuna.