Morgunblaðið - 13.10.2017, Page 34

34 ÍSLENDINGAR
MORGUNBLAÐIÐ FÖSTUDAGUR 13. OKTÓBER 2017
Núna er menningarhátíð hjá okkur á Seltjarnarnesi, en hún hófstí gær. „Margt spennandi er á dagskránni og ég mun að sjálf-sögðu fara á einhverja viðburði þótt ég sé á kafi í kosningabar-
áttunni fyrir alþingiskosningarnar, og ég hef t.d. mikinn áhuga á að
fara á heiðursdagskrá um Jóhönnu Kristjónsdóttur,“ segir Margrét
Lind Ólafsdóttir, bæjarfulltrúi á Seltjarnarnesi og oddviti fyrir Sam-
fylkinguna. Hún á 50 ára afmæli í dag og hún og maðurinn hennar, sem
einnig varð hálfrar aldar gamall á árinu, ætla að fagna í kvöld með
vinum og ættingjum.
Margrét Lind tók við formennsku í framkvæmdastjórn Samfylking-
arinnar á árinu, en framkvæmdastjórn stýrir málefnum flokksins í um-
boði landsfundar og flokksstjórnar. Það er því nóg að gera þessa dag-
ana enda stutt til kosninga. „Pólitíkin hefur lengi verið áhugamál hjá
mér og eins og gefur að skilja þá tekur hún mest af mínum frítíma. Þá
er ég svo heppin að eiga tvö yndisleg barnabörn og það jafnast ekkert á
við að eiga gæðastund með þeim.“
Margrét Lind starfar sem sérfræðingur hjá Vinnumálastofnun í upp-
lýsinga- og kynningarmálum. „Ég sé um heimasíðuna, ársskýrslu stofn-
unarinnar og útgáfu efnis á vegum hennar og ýmissa sérverkefna.“
Eiginmaður Margrétar Lindar er Jóhann Pétur Reyndal, fram-
kvæmdastjóri hjá Kaupþingi. Börn þeirra eru Ólafur Alexander, Tómas
Gauti og Daði Már Patrekur.
Hjónin Margrét Lind og Jóhann Pétur bæði orðin hálfrar aldar gömul.
Menningarhátíð á
Seltjarnarnesi í gangi
Margrét Lind Ólafsdóttir er fimmtug í dag
S
igurður Þór Sigurðsson
fæddist á Selfossi 13.10.
1957, ólst þar upp og hef-
ur átt þar heima alla tíð.
Hann var í Barna- og
Gagnfræðaskóla Selfoss 1964-74 og
lauk skipstjórnarprófi frá Stýri-
mannaskóla Vestmannaeyja 1978.
Sigurður var sjómaður í Þorláks-
höfn og á Eyrarbakka 1974-82, varð
skipstjóri 1979, þá 22 ára, var skip-
stjóri og stýrimaður til 1982, fram-
kvæmdastjóri SG búðarinnar –
byggingarvöruverslunar, 1982-98,
og samhliða framkvæmdastjóri SG
einingahúsa 1991-98.
Sigurður var framkvæmdastjóri
Húsgagna og innréttinga hf. á Sel-
fossi 1998-99, framkvæmdastjóri
Idex ehf. í Reykjavík 1999-2004, sér-
fræðingur í fyrirtækjaviðskiptum
hjá Landsbankanum 2004-2013 en
frá 2013 hefur hann verið starfandi
stjórnarformaður TRS ehf., fyrir-
tækis á sviði tölvu- og fjarskipta-
búnaðar.
Sigurður var stjórnarfomaður
Gesthúsa hf. 1993-98 og SG húsa hf.
1995-2002, framkvæmdastjóri veit-
ingahússins Gjárinnar 1984-85 og
framkvæmdastjóri Fossnestis og
Inghóls um nokkurra mánaða skeið
árið 1990. Hann hefur setið í stjórn
TRS frá 2000, var stjórnarformaður
Ræktunarsambands Flóa & Skeiða
hf. 2014-2015 og hefur verið stjórn-
arformaður Fiskiðjunnar Bylgju hf.
í Ólafsvík frá 2013
Sigurður gegndi trúnaðarstörfum
fyrir Sjálfstæðisflokkinn á Selfossi
og Suðurlandi, sat m.a. í stjórn Fé-
lags ungra sjálfstæðismanna í Ár-
nessýslu 1982-90 og formaður þess í
fimm ár, sat í stjórn kjördæmisráðs
sjálfstæðisfélaganna á Suðurlandi
og í stjórn sjálfstæðisfélagsins Óðins
á Selfossi um árabil, var á framboðs-
listum Sjálfstæðisflokksins fyrir all-
ar bæjarstjórnarkosningar á Sel-
fossi á árunum 1986-2002 og vara-
bæjarfulltrúi 1998-2002. Sigurður
var formaður Íbúðalánasjóðs Selfoss
1986-90, formaður atvinnumála-
Sigurður Þór Sigurðsson, stjórnarform. TRS ehf. – 60 ára
Frá sextugsafmæli Kristínar Sigurður Þór og Kristín við Hótel Glym með börnum, tengda- og barnabörnum.
Sunnlendingur og veiði-
maður í húð og hár
Veiðimaður Sigurður Þór í Víðidalsá
með 80 cm hrygnu sem var sleppt.
Mosfellsbær
Karen Lilja fædd-
ist 13. október
2016 og á því
eins árs afmæli í
dag. Hún vó
3.605 g og var
50 cm löng. For-
eldrar hennar eru
Árni Geir
Valgeirsson og
Sigríður Ólöf
Guðmundsdóttir.
Nýr borgari
Bræðurnir Steinar Máni og Sölvi Þrándarsynir ákváðu, að í stað þess að henda
súkkulaði sem þeim fannst ekki gott, að ganga í hús í Norðlingaholtinu og bjóða
súkkulaði til sölu. Þeir söfnuðu 5.000 kr. sem þeir færðu Rauða krossinum á
Íslandi að gjöf.
Hlutavelta
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.