Morgunblaðið - 01.11.2017, Side 4

4 FRÉTTIRInnlent
MORGUNBLAÐIÐ MIÐVIKUDAGUR 1. NÓVEMBER 2017
Ágúst Ingi Jónsson
aij@mbl.is
Nýr ísfisktogari í eigu Samherja,
Björg EA 7, lagði að bryggju á
Akureyri í hádeginu í gær. Skipið
var smíðað í Cemre-skipa-
smíðastöðinni í Tyrklandi og er
fjórða í röð systurskipa sem komið
hafa til landsins á árinu. Um er að
ræða mikla endurnýjun ísfisktog-
ara viðkomandi fyrirtækja og má
áætla að heildarfjárfesting við
smíði skipanna fjögurra og við að
gera þau tilbúin á veiðar nemi um
níu milljörðum króna.
Guðmundur Freyr Guðmunds-
son er skipstjóri á Björgu og
sigldi skipinu heim. Yfirvélstjóri
er Kjartan Vilbergsson. Kristján
Vilhelmsson, framkvæmdastjóri
útgerðarsviðs Samherja, segist
reikna með að skipið fari á veiðar
upp úr áramótum. Eftir er að
setja niður aðgerðarbúnað og
kælibúnað um borð í Björgu.
Slippurinn á Akureyri annast það
verkefni, en búnaður kemur m.a.
frá Marel og norskum framleið-
endum. Kælikerfi frá Frost er
komið um borð í skipið.
Bjögúlfur og Kaldbakur, sem
Samherji og ÚA fengu fyrr á
árinu, eru bæði fyrir nokkru kom-
in á veiðar. Kristján segir að skip-
in hafi reynst ágætlega og í sam-
ræmi við væntingar, t.d. um
sjóhæfni og eldsneytisnotkun.
„Stefni skipanna hefur vakið at-
hygli, en það segir okkur aðeins
að það stefni sem aðallega hefur
verið notað í áratugi er ekki rétt.
Þó svo að slík skip kunni að vera
fallegri þá er þetta ekki spurning
um það, heldur miklu fremur um
hagkvæmni, sem við teljum okkur
fá með nýju hönnuninni,“ segir
Kristján. Þrír nýir ísfisktogarar
HB Granda eru með sams konar
stefni og systurskipin fjögur á
Norðurlandi og segir Kristján að
aðrir, hvort sem er hérlendis eða
erlendis, hafi ekki farið svo langt
með stærð stefnis.
Skipin eru 62,5 metra löng og
mesta breidd 13,5 metrar. Skipin
eru hönnuð af verkfræðistofunni
Skipatækni og Bárði Hafsteins-
syni í samvinnu við eigendur og
sérfræðinga útgerðarfyrirtækj-
anna.
Níu milljarða fjárfesting
í fjórum systurskipum
 Björg EA 7, nýr ísfisktogari Samherja, lagði að bryggju á Akureyri í gær
Morgunblaðið/Hafþór Hreiðarsson
Björg EA 7 Nýja skipið siglir fánum prýtt inn Eyjafjörðinn um miðjan dag í gær, en lagt var af stað frá Istanbúl í Tyrklandi 15. október.
Í stól skipstjórans Björg Finnbogadóttir, móðir Þorsteins Más Baldvins-
sonar, forstjóra Samherja, og Guðmundur Freyr Guðmundsson skipstjóri.
Hinn nýi ísfisktogari Samherja ber einmitt nafn Bjargar.
Endurnýjun
» Kaldbakur EA 1, nýr ísfisk-
togari Útgerðarfélags Akureyr-
inga, var fyrstur í röð systur-
skipanna, en hann kom til
Akureyrar í byrjun mars í vetur.
» Björgúlfur EA 312 var annar
í röðinni, en hann kom til Sam-
herja á Dalvík 1. júní í sumar.
» Drangey SK 2 kom síðan til
heimahafnar á Sauðárkróki í
ágúst, en FISK Seafood er eig-
andi skipsins.
» Björg EA bættist síðan í flot-
ann er landfestar voru bundnar
á Akureyri í gær.
Afar hlýr októ-
bermánuður hef-
ur kvatt. Meðal-
hiti í Reykjavík
verður líklega 6,9
stig, og verður
hann þá einn af
10 hlýjustu októ-
bermánuðum
allra tíma, sam-
kvæmt upplýs-
ingum Trausta
Jónssonar veðurfræðings.
Mánuðurinn er þó talsvert svalari
en október í fyrra. Þá var október-
mánuður sérlega hlýr og víða á land-
inu sá hlýjasti síðan mælingar hóf-
ust. Meðalhiti í Reykjavík mældist
7,8 stig og var þetta næst hlýjasti
október í 146 ára sögu mælinga.
Úrkoma í nýliðnum október er að-
eins helmingur meðallags og mán-
uðurinn sá þurrasti frá 2005, en þá
var úrkoma svipuð og nú. Sólskins-
stundir eru nærri meðallagi. Líklega
verður meðalhiti á Akureyri um 6,0
stig, sá áttundi hlýjasti október frá
upphafi mælinga þar. Úrkoma á Ak-
ureyri er ekki fjarri meðallagi.
Föstudagur 27. október varð
nokkuð merkilegur. Hámarkshiti fór
í 21,3 stig í Kvískerjum í Öræfum og
22,1 stig á stöð Vegagerðarinnar á
svipuðum slóðum. Á báðum stöðv-
unum er þetta hæsti hiti ársins. Það
er óvenjulegt að hæsti hiti á veður-
stöð mælist í október, að sögn
Trausta Jónssonar. Spáð er svölu
veðri þegar nær dregur helgi.
sisi@mbl.is
Október var
afar hlýr
Kvísker Þar varð
methiti í október.
Fjárfestirinn
Vincent Tchengu-
iz hefur náð sátt
við Kaupþing
vegna málsóknar
sem felur í sér
greiðslur Kaup-
þings til
Tchenguiz og
tengdra fyrir-
tækja en upp-
hæðir og önnur
skilyrði eru trúnaðarmál.
Sáttin þýðir að málsókn Tchengu-
iz á hendur endurskoðunar-fyrir-
tækinu Grant Thornton, tveggja
starfsmanna þess, Kaupþingi og lög-
fræðingi á vegum Kaupþings, verði
dregin til baka. Tchenguiz höfðaði
mál á hendur fyrirtækjunum og Jó-
hannesi Rúnari Jóhannssyni, með-
limi í slitastjórn Kaupþings, haustið
2015 vegna tjóns sem hann segist
hafa orðið fyrir. Fór Tchenguiz fram
á 2,2 milljarða punda í skaðabætur
vegna málsins, en upphæðin nemur
um 308 ma. kr.
Sættist við
Kaupþing
Vincent
Tchenguiz
Guðni Einarsson
gudni@mbl.is
Stjórn VR, fjölmennasta stéttar-
félags landsins, ætlar að leggja fram
tillögur að breytingum á kosn-
ingalögum félagsins á aðalfundi VR á
næsta ári.
Breytingatillögurnar eru sjö tals-
ins og miða að því að kosið verði í fé-
laginu annað hvert ár í stað þess að
kjósa á hverju ári. Lagt er til að kjör-
tímabil lengist úr tveimur árum í
fjögur.
Ragnar Þór Ingólfsson, formaður
VR, sagði stjórn VR standa einhuga
að baki breytingartillögunum. Nán-
ast sömu tillögur hafi verið lagðar
fram árið 2014 en ekki hlotið braut-
argengi þá. Fé-
lagsmenn töldu þá
að kynna þyrfti
tillögurnar betur.
„Félagsmönn-
um finnst mikið
að kjósa á hverju
einasta ári. Þess-
ar tillögur eru því
lagðar aftur fram
nánast óbreytt-
ar,“ sagði Ragnar.
Hann sagði að reifaðar hefðu verið
ýmsar hugmyndir um nýtt fyrir-
komulag á kjöri stjórnar og for-
manns. Niðurstaðan hefði orðið að
kjósa um helming stjórnarmanna
annað hvert ár. Þannig væri tryggt
að reynsla af stjórnarstörfum væri
ávallt fyrir hendi. Breytingatillög-
urnar snúa m.a. að kjöri formanns
VR og stjórnar. Gert er ráð fyrir að
formaður verði kjörinn fjórða hvert
ár í einstaklingskosningu, en ekki
annað hvert ár eins og nú. Annað
hvert ár verði sjö stjórnarmenn kosn-
ir til fjögurra ára og fimm varamenn
til tveggja ára í einstaklingsbundinni
kosningu. Nú eru kjörnir þrír vara-
menn til eins árs.
Þá er lagt til að breyta fyrir-
komulagi varðandi röð frambjóðenda
á kjörseðli. Einnig að annað hvert ár
verði kosinn 41 fulltrúi í trúnaðarráð
til fjögurra ára í senn. Varamenn
verði kjörnir til tveggja ára í senn.
Kjörtímabil stjórna deilda VR verði
fjögur ár
Tillaga stjórnar um breytt
fyrirkomulag kosninga í VR
 Kosningar verði annað hvert ár  Kjörtímabilin lengist
Ragnar Þór
Ingólfsson