Morgunblaðið - 01.11.2017, Side 62

MORGUNBLAÐIÐ MIÐVIKUDAGUR 1. NÓVEMBER 2017
VETUR
Verumgáfuð ogborðum
fisk
Plokkfiskur
- Hollur kostur tilbúinn á 5mín.
Kveðja Grímur kokkur • www.grimurkokkur.is
Hollt og
fljótlegt[ ]
ÁNMSG
P
R
E
N
T
U
N
.IS
Veturinn er líka líflegur hjá Samtök-
unum ‘78 og mun Sólveig hafa í nógu
að snúast. Vetrardagskráin er fjöl-
breytt og reynt að höfða til sem
flestra. „Öll fimmtudagskvöld er opið
hús og breytileg dagskrá í hvert sinn.
Stundum horfum við á kvikmynd,
fáum til okkar góða gesti eða bjóðum
einfaldlega upp á kaffi, te og notalegt
spjall við kertaljós,“ segir Sólveig en
sjálfboðaliðar sjá um skipulagið. „Á
þriðjudögum breytast Samtökin ‘78 í
félagsmiðstöð fyrir unglinga og oft
glatt á hjalla hjá ungliðahópnum. Á
föstudögum stendur síðan Q – félag
hinsegin stúdenta fyrir samkomum
fyrir fólk á aldursbilinu 18 til 30 ára.
Á mánudögum er svo jóga en það er
gjaldfrjálst og opið öllum.“
Þau sem vilja sökkva sér ofan í
bókmenntirnar finna líka hóp við sitt
hæfi hjá Samtökunum ‘78, og kjörið
að nota rökkrið til að renna í gegnum
bitastæð verk hinsegin höfunda.
„Bókmenntaklúbburinn hittist einu
sinni í mánuði og tekur fyrir alls kyns
verk með hinsegin þema, jafnt skáld-
sögur sem ljóðabækur, og ákaflega
gaman þegar hópurinn hittist til að
skrafa og skeggræða.“
Hér áður fyrr var jólaball Samtak-
anna einn af hápunktum hinsegin
ársins en núna fær fólk útrás fyrir
djammþörfina annars staðar. Jóla-
bingóið er hinsvegar fastur punktur í
skemmtun og fjáröflunarstarfsemi
Samtakanna. „Í fyrra prófuðu Sam-
tökin að efna til fögnuðar á að-
fangadagskvöld og mættu um 10 til
15 manns til að eiga saman gleði-
stund. Sum sem þangað koma eiga
ekki í nein önnur hús að venda, eru
hælisleitendur eða hafa misst tengsl-
in við fjölskylduna, og svo eru líka
þeir sem einfaldlega finnst gaman að
fagna komu jólanna með fjöl-
breyttum og stórum hópi fólks. Við
vonum að þessi hefð muni festa sig í
sessi því hún er einstaklega skemmti-
leg.“
Morgunblaðið/freyjagylfa
Áhugaverð dagskrá í vetur
Gleði Allir eru
velkomnir í Sam-
tökin í vetur.
Ásgeir Ingvarsson
ai@mbl.is
Það stefnir í óvenju skemmtilegan
vetur hjá Sólveigu Rós, fræðslu-
stýru Samtakanna 78. Fyrir þremur
mánuðum bættist nefnilega við nýr
fjölskyldumeðlimur sem fær núna
að upplifa sinn allrafyrsta vetur:
„Ég reikna með að í kringum jólin
verði sú litla klædd í allt of stóran
kuldagalla og prufi að láta sig
plompa niður í snjóinn,“ segir hún.
Veturinn framundan verður líka
töluvert léttari en sá síðasti. „Vetu-
nn sem barnið var á leiðinni var ég
með mikla ógleði, og líka á fullu að
ljúka námi til viðbótar við vinnu.
Þetta haust er það fyrsta í að ég
held sex ár sem ég þarf ekki að setj-
ast á skólabekk. Það var mjög
furðuleg upplifun þegar september
gekk í garð og ekkert gerðist – eng-
ar stundaskrár eða próf.“
Notalegast heima
Á veturna er Sólveig gjörn á að
hreiðra um sig heima frekar en að
arka af stað út úr húsi. „Þegar ég
var yngri og virk í skátastarfinu var
ég dugleg að ganga á fjöll yfir vetr-
armánuðina en núna er ég hrifnari
af því að hanga heima í rólegheit-
unum.“
Sólveig getur samt ekki kveikt
upp í arni til að kóróna hugguleg-
heitin – örnum er ekki til að dreifa á
stúdentagörðum þar sem fjöl-
skyldan er nýflutt inn, en unnusti
Sólveigar er enn að mennta sig.
„Þegar veturinn kemur fyrir alvöru
verð ég vonandi búin að kaupa betri
lampa eða nóg af kertum því það
skiptir mig miklu máli að geta skap-
að þægilega birtu. Með rétta lýsingu
get ég vel hugsað mér að skríða und-
ir teppi uppi í sófa með góða bók, eða
einfaldlega kúra þar með barninu.“
Ekki er ráðgert að nota tækifærið
í rökkrinu til að horfa á sjónvarps-
þætti, og Sólveig ekki ein af þeim
sem stytta biðina eftir sumrinu með
því að kafa ofan í Netflix. „Ég horfi
fjarskalítið á sjónvarp. Það er sjón-
varpstæki í íbúðinni en við eigum
enn eftir að tengja það og fluttum
samt inn síðasta vor,“ segir hún.
„Ég nota veturinn þeim mun betur
til að éta mig í gegnum bækurnar á
heimilinu og sinna mínum yndisletri.
Sólveig hefur menntað sig mikið
og búið víða. Hún lauk meistara-
gráðu í Kanada og bjó um stund í
Belgíu þar sem hún starfaði fyrir
Evrópusamtök hinsegin félaga. Í út-
löndum tileinkaði hún sér ýmsa nýja
vetrarsiði, eins og við er að búast.
„Ég held ég hafi smitast rækilega af
hrifningu heimamanna í Kanada af
kalkúni og graskersbökum. Í Belgíu
var líka afskaplega gaman að heim-
sækja jólamarkaðina, smakka þar
alls konar sælgæti og drekka heitan
eplasíder.“
Þar sem hún er með barn á
brjósti getur Sólveig ekki látið það
eftir sér að njóta áfengu vetrar-
drykkjanna, en hún er mikill mat-
gæðingur og sælgætisgrís, og hlakk-
ar til aðventunnar með öllum þeim
kræsingum sem þá eru á borðum.
„Eitt það besta við jólin er að þá get
ég raðað í mig sætindunum eins og
mig lystir. Uppáhaldið mitt er app-
elsínumolinn í Quality Street öskj-
unum.“
Undarlegt að þurfa ekki að mæta í tíma
Í Kanada og Belgíu lærði
Sólveig Rós ýmsa góða
vetrarsiði og þykir ekki
amalegt að fá kalkún eða
heimsækja jólamarkað.
Appelsínumolarnir frá
Quality Street eru uppá-
haldsnammið á aðventunni.
Morgunblaðið/Eggert
Makindi Sólveig Rós og Ylfa Líf láta fara vel um sig í sófanum. Framundan eru ævintýri í snjónum fyrir litla barnið og jólakonfektmolar fyrir mömmuna.