Morgunblaðið - 01.11.2017, Side 25

FRÉTTIR 25Innlent
MORGUNBLAÐIÐ MIÐVIKUDAGUR 1. NÓVEMBER 2017
Guðni Einarsson
gudni@mbl.is
Útboðsgögn og allar verklýsingar
vegna viðgerðar á ytra byrði
Hegningarhússins við Skólavörðu-
stíg liggja nú fyrir. Verkið verður
þó ekki boðið út fyrr en ljóst er
hvort fjárheimildir til þess fást á
fjárlögum, að sögn Snævars Guð-
mundssonar, framkvæmdastjóra
Ríkiseigna.
„Þetta er mjög sérhæft og þeir
sem geta farið í svona verkefni
liggja ekki á lausu,“ sagði Snævar.
Bæði viðgerðin á þakinu og eins
viðgerðir á hlöðnum steinveggjun-
um krefjast mikillar sérhæfingar í
handverki og þekkingar. Þeir sem
kunna til verka eru dreifðir og það
þarf að ná til þeirra í útboðinu
með einhverjum hætti. Líklega
verður sett það skilyrði í útboðinu
að tilboðsgjafar geti sýnt fram á
reynslu og þekkingu á svona við-
gerðum, að sögn Snævars.
Auk ytra byrðis hússins, þaks,
veggja og glugga, verður boðin út
viðgerð á veggjum umhverfis garð-
inn og lagfæring á garðinum.
Leggja þarf nýjar drenlagnir í
kringum húsið. Einnig þarf að
ganga þannig frá lagnakerfum
hússins að þau verði til frambúð-
ar.
Ákvörðun um nýtingu Hegning-
arhússins, að lokinni viðgerð, hef-
ur ekki verið tekin, samkvæmt
svari frá fjármála- og efnahags-
ráðuneytinu. Starfshópur á vegum
innanríkisráðuneytisins skilaði í
fyrra skýrslu um framtíð hússins.
Hann taldi m.a. að hið opinbera
ætti að gera húsið upp í sem upp-
runalegastri mynd og af mynd-
arskap. Þá lagði hópurinn til að
eignarhald hússins yrði áfram op-
inbert og starfsemin í því í al-
mannaþágu.
Skýrsla tveggja skoðunarmanna
sem mátu ástand hússins sumarið
2015 fylgir skýrslu starfshópsins.
Þeir mátu heildarkostnað við lag-
færingar á ytra byrði hússins,
garðveggjum og öðru samtals upp
á 241 milljón króna á verðlagi í
júní 2015. Virðisaukaskattur var
innifalinn í heildarupphæðinni.
Viðgerð Hegningarhúss bíður
 Útboðsgögn
vegna viðgerðar á
ytra byrði eru tilbúin
Morgunblaðið/RAX
Hegningarhúsið Löngu er kominn tími á viðhald. Byrjað verður á ytra byrði
hússins. Ljóst er að vinnan við það verður vandasöm og krefst sérhæfingar.
Air Berlin hefur
greitt skuldir
sínar við Isavia
og er flugfélag-
inu nú frjáls að
sækja Airbus
320-farþegaþot-
una sem var
kyrrsett á Kefla-
víkurflugvelli
fyrir tæpum
tveimur vikum.
Farþegaþota Air Berlin var
kyrrsett á Keflavíkurflugvelli 20.
október vegna vangoldinna gjalda.
Félagið sótti um greiðslustöðvun í
ágúst og vinnur nú að því að selja
hluta starfseminnar til annarra
flugfélaga. Fyrst var greint frá
málinu á Víkurfréttum en í frétt-
inni segir að öflugir snjóplógar
hafi verið settir framan og aftan
við vélina. Nú hafa þeir verið fjar-
lægðir.
Air Berlin
frjálst að
sækja vélina
Isavia ohf. kyrr-
setti flugvélina.
Hörður Arnarson Hlutverk Landsvirkjunar – fjárhagsleg staða – endurnýjanleg orka
Úlfar Linnet Áhrif bráðnunar jökla á íslenska orkukerfið
Ásbjörg Kristinsdóttir Bætt nýting auðlindar við Búrfell
Ljósafossstöð – Endurnýjanleg orka í 80 ár
Einar Mathiesen Hvernig tryggjum við endingu aflstöðva?
Guðrún Ólafía Brynleifsdóttir Samspil orku og ferðamála
Kröflustöð – Vagga jarðvarma á Íslandi í 40 ár
Valur Knútsson Sjálfbær nýting jarðvarma á Þeistareykjum
Ragnheiður Ólafsdóttir Kolefnishlutlaus Landsvirkjun árið 2030
Fljótsdalsstöð – Orkuvinnsla og sjálfbærni í 10 ár
Þórólfur Nielsen Endurnýjanleg raforka á heimsvísu
Birna Ósk Einarsdóttir Markaðssetning endurnýjanlegrar raforku
Ragna Árnadóttir Endurnýjanleg orka er verðmætari
Verið öll velkomin
Skráning á www.landsvirkjun.is
#lvhaustfundur
Landsvirkjun hefur frá upphafi unnið endurnýjanlega orku. Vitundarvakning
um umhverfis- og loftslagsmál hefur aukið verulega verðmæti slíkrar raforku.
Á haustfundinum á morgun fjalla sérfræðingar okkar um þessi verðmæti frá
ýmsum hliðum. Greint verður frá því hver áhrif loftslagsbreytinga hafa verið
á orkuvinnslu og nýtingu íslenska kerfisins, hvernig endurnýjanleg orka er orðin
eftirsóttari og hvernig nýta má hana á ábyrgan og sjálfbæran hátt.
HAUSTFUNDUR LANDSVIRKJUNAR
Silfurberg í Hörpu
Fimmtudagur 2. nóvember kl. 8.30–10.00
Morgunhressing í boði frá kl. 8.00
Endurnýjanleg
orka er verðmætari