Morgunblaðið - 01.11.2017, Blaðsíða 64

64
MORGUNBLAÐIÐ MIÐVIKUDAGUR 1. NÓVEMBER 2017
VETUR
PLUSMINUS OPTIC
Smáralind
Sími 517 0317 | www.plusminus.is
TILBOÐ
Margskipt sjóngler
frá 49.900 kr.
Hágæða sjóngler frá NOVA
Jóel bjó á tímabili í Bandaríkjunum og stundaði þar nám samhliða því
að keppa í körfubolta. Þar vandist hann því að borða kalkún á þakkar-
gjörðardeginum, og þykir ágætt að fá eins og eina veglega kalkúna-
veislu hvern vetur. Hann segist ekki endilega halda þakkargjörðar-
daginn hátíðlegan, heldur fái kalkúnninn eftir öðrum leiðum: „Sú
hefð hefur skapast að móðir mín eldar dýrindis kalkún á gamlárs-
kvöld og fæ ég þá skammtinn minn.“
Erfitt að standast kalkúninn
Ásgeir Ingvarsson
ai@mbl.is
Jóel Ingi Sæmundsson leikari seg-
ist hvorki geta kallað sig sumar-
mann né vetrarmann. „Ég er hrif-
inn af öfgunum í báðar áttir og hef
gaman af tilbreytingunni sem
björtu sumarnæturnar veita frá
vetrarskammdeginu. Óneitanlega
tengi ég samt alltaf veturinn við
leikhúsið, enda er það annasamasti
tími ársins fyrir leikarastéttina.“
Jóel leikur um þessar mundir í
Hellisbúanum sem sýndur er í
bæði Gamla bíói og Bæjarbíói.
Sýningar hófust í september og
standa yfir fram til áramóta.
Oft er það hlutskipti leikarans
að þurfa að vinna þegar aðrir geta
slakað á. Jóel er því oft í þeim
sporum á veturna að vera á sviði
mörg kvöld í viku, og á ekki alltaf
auðvelt með að taka frí frá leiklist-
inni í kringum stórhátíðirnar. „Ég
myndi gjarnan vilja hafa betra
svigrúm til að fara sjálfur í leikhús
og fá innblástur frá því sem koll-
egar mínir í faginu eru að gera, en
oft hittist þannig á að mér tekst
ekki að finna tíma fyrir margar
þær sýningar sem ég hef áhuga
á.“
Raunar tekur Jóel skyldur sínar
sem leikari svo alvarlega að hann
reynir að forðast þær vetrar-
tómstundir þar sem hætta gæti
verið á slysum. „Ég hef gaman af
að fara á snjóbretti en hef ekki
treyst mér til þess síðustu tvö ár
því það hefur verið svo mikið að
gera í leiklistinni á veturna. Ég er
ekki skyldugur til að fara svona
varlega en finnst svo gaman að
vera á sviði að ég vil ekki taka
óþarfa áhættu.“
Þar með er ekki sagt að Jóel
láti það alveg vera að hreyfa sig á
veturna. „Ég læt nægja að skjót-
ast upp í íþróttahús í körfubolta
með félögunum,“ segir hann.
Með nammi undir teppi
Hvernig lætur leikarinn svo fara
vel um sig þegar hann vill eiga
notalegan vetrardag? Jóel segist
ekki búa svo vel að eiga arin til að
kveikja upp í, eða kött sem kúrir
hjá honum uppi í sófa. „En hins
vegar keypti ég mér á dögunum
rafmagnskerti til að geta skapað
huggulegt andrúmsloft – ég nenni
ekki hinu. Svo finnst mér gott að
fara undir hlýtt teppi sem systir
mín Hulda hefur prjónað handa
mér. Glas af köldu vatni, smávegis
nammi, og skemmtilegir þættir á
Netflix er mín uppskrift að nota-
legheitum að vetri til, og jafnvel
hægt að skipta vatninu út fyrir
bjór ef svo ber undir.“
Veturinn er líka tími til að
leggjast yfir bækur, en í tilviki Jó-
els eru það einkum handrit að
leikritum sem hann les af kappi.
„Ég mætti alveg lesa meira af
bókum, en áherslan er frekar á
greinar og handrit, stúderingar á
fólki og þessháttar.“
Ísferðir með börnunum
Síðast en ekki síst notar Jóel
veturinn til að eiga ánægjulegar
stundir með fjölskyldunni. Hann á
þrjú börn sem hann hefur í sinni
umsjá aðra hverja viku og getur
fjölskyldulífið litast af því hversu
mikið annríki er í leikhúsinu
hverju sinni. „Ef rólegt er að gera
þá vikuna þá dúllum við okkur við
ýmsilegt; förum í göngutúra eða
höngum einfaldlega uppi í sófa
eins og hrúgöld og borðum snakk.
Ferð í ísbúðina er líka alltaf
skemmtileg, eða heimsókn til
ömmu og afa,“ segir hann, „Vetr-
inum fylgir einnig alls kyns skóla-
starf og vitaskuld þarf að passa
upp á heimavinnuna.“
Undir teppi með nammi, vatnsglas og Netflix
Ef mikið er að gera í leik-
húsinu reynir Jóel að forð-
ast þær vetraríþróttir þar
sem möguleiki er á slysum.
Honum finnst svo gaman
að vera á sviði að honum
þætti ómögulegt að þurfa
að taka hlé eftir slæma
byltu á snjóbretti.
Morgunblaðið/Eggert
Huggulegt Jóel fjárfesti nýlega í rafmagnskerti sem má nota til að skapa notalegt andrúmsloft. Snakk og sjónvarpsgláp á vel við hann á veturna.
Morgunblaðið/Brynjar Gauti
Varkár Til að hætta ekki á að missa úr kvöld á sviðinu vegna mögulegra
meiðsla sneiðir Jóel hjá snjóbrettasportinu, sem hann hefur þó gaman af.