Morgunblaðið - 01.11.2017, Síða 6

SVIÐSLJÓS
Agnes Bragadóttir
agnes@mbl.is
Sennilega hafa línur eitthvað skýrst í
gær, hvað varðar mögulega stjórn-
armyndun, samkvæmt því sem við-
mælendur Morgunblaðsins úr mis-
munandi stjórnmálaflokkum sögðu í
gær. Ljóst er að ákveðins pirrings er
farið að gæta í garð Framsóknar af
hálfu VG og Sjálfstæðisflokksins,
þar sem viðmælendum úr þeim
flokkum finnst sem Framsókn sé að
leika tveimur skjöldum í þeim óform-
legu þreifingum sem átt hafa sér
stað undanfarna daga og daðri ýmist
til hægri eða vinstri.
Framsóknarfólk sem rætt var við
gefur lítið fyrir þessa gagnrýni og
segir sem svo að þau hafi gefið skýrt
til kynna hvaða stjórnarmynstur þau
telji að myndi reynast farsælast fyrir
land og þjóð, það sé ríkisstjórn Sjálf-
stæðisflokks, Framsóknar og VG, en
framsóknarfólk segir jafnframt að
flokkurinn hafi alls ekki viljað af-
skrifa þátttöku í ríkisstjórn stjórn-
arandstöðuflokkanna fjögurra.
Flokksforystan hafi einfaldlega ekki
mikla trú á að slíkar tilraunir muni
leiða til stjórnarmyndunar.
Líkt og kunnugt er lýstu þau
Bjarni Benediktsson, formaður
Sjálfstæðisflokksins, Katrín Jakobs-
dóttir, formaður VG, Sigurður Ingi
Jóhannsson, formaður Framsóknar,
og Sigmundur Davíð Gunnlaugsson,
formaður Miðflokksins, öll yfir
áhuga sínum við Guðna Th. Jóhann-
esson, forseta Íslands, í fyrradag, á
að fá umboðið til stjórnarmyndunar.
Guðni kaus, eins og fram kom í
Morgunblaðinu í gær, að bíða með að
afhenda umboðið og töldu viðmæl-
endur í gær með öllu óvíst að hann
afhenti umboðið í dag.
Alls konar fundahöld fóru fram í
Alþingi í gær auk þingflokksfunda.
Katrín Jakobsdóttir vill augljóslega
reyna myndun ríkisstjórnar með
Samfylkingu, Framsókn og Pírötum,
hugsanlega með Viðreisn einnig. Slík
ríkisstjórn hefði þingstyrk 36 þing-
manna og án Viðreisnar 32 þing-
manna styrk. En í þessum efnum er
einn galli á gjöf Njarðar: Framsókn
þvertekur fyrir hvers konar mála-
miðlun í Evrópusambandsmálum.
Lilja Alfreðsdóttir, varaformaður
Framsóknar, sagði á RÚV í gær-
morgun að ESB-mál væru ekki á
dagskrá og þjóðaratkvæðagreiðsla
um hvort taka ætti upp aðildarvið-
ræður við ESB á nýjan leik væri það
ekki heldur.
Sem sagt, það er ekkert um að
semja af hálfu Framsóknar þegar
kemur að ESB-málum og hvað segja
Samfylkingin, Píratar og Viðreisn
þá? Það getur vel verið að tilraunir
Katrínar steyti á skeri af þessum
sökum. Auk þess fullyrða ákveðnir
viðmælendur að hjá VG og Fram-
sókn sé afskaplega takmarkaður
áhugi á að mynda ríkisstjórn þar
sem Píratar séu innanborðs.
Líkt og fram kom í Morgun-
blaðinu í gær virðist mestur áhugi
innan raða Sjálfstæðisflokksins og
Framsóknar á að mynda breiða rík-
isstjórn, þar sem VG væri þriðji
flokkurinn, en þótt slíkt stjórnar-
mynstur njóti ákveðins stuðnings
innan raða VG er fullyrt að Katrín
Jakobsdóttir, vilji hún á annað borð
reyna þátttöku í slíkri stjórn, hafi
ekki þann styrk í eigin flokki að hún
geti fengið samþykki í flokknum.
Þrátt fyrir stuðning ákveðinna
landsbyggðarþingmanna VG við
slíkt stjórnarmynstur dugi það ekki
til, því ákveðin öfl í VG undir forystu
Svandísar Svavarsdóttur, muni berj-
ast gegn slíkum áformum af öllu afli.
Sjálfstæðisflokkurinn sé höfuðóvin-
urinn í augum svo margra VG-
manna.
Þá hafa bæði framsóknarmenn og
sjálfstæðismenn verið áhugsamir
um það í samtölum, að reyna sam-
starf Sjálfstæðisflokks, Framsókn-
arflokks og Miðflokksins, hugsan-
lega með fulltingi Flokks fólksins.
Slík stjórn hefði 35 þingmanna
styrk.
Viðmælendur virðast flestir sam-
mála um að það ætti ekki að þurfa að
taka langan tíma fyrir Sjálfstæðis-
flokk, Framsóknarflokk og Miðflokk
að ná þokkalegri sátt um stjórnar-
sáttmála. Það séu ekki málefnin sem
þvælist fyrir slíkri stjórnarmyndun,
heldur sé það heiftarlegur persónu-
legur ágreiningur á milli þeirra Sig-
urðar Inga Jóhannssonar og Sig-
mundar Davíðs Gunnlaugssonar.
Þessir fyrrverandi pólitísku sam-
herjar talist ekki við og algjör kuldi
sé á milli þeirra. Sumir hafa nefnt að
Lilja Alfreðsdóttir, varaformaður
Framsóknarflokks, gæti mögulega
sætt þá tvímenninga, en aðrir eru
ekki ýkja bjartsýnir á að það geti
orðið. Staðan sé einfaldlega þannig á
milli Sigurðar Inga og Sigmundar
Davíðs að aldrei muni gróa um heilt
á milli þeirra. En svo má minna á
ágætis orðtak: Aldrei að segja aldrei.
Strandar samstarf á per-
sónulegri andúð og heift?
 Pirringur í garð Framsóknarflokks, sem sagður er daðra til hægri og vinstri
Morgunblaðið/Eggert
Þrautin þyngri Það hefur reynst ljósmyndurum í kosningabaráttunni undanfarnar vikur erfitt að ná þeim saman á
mynd Sigurði Inga Jóhannssyni, formanni Framsóknar, og Sigmundi Davíð Gunnlaugssyni, formanni Miðflokksins.
6
MORGUNBLAÐIÐ MIÐVIKUDAGUR 1. NÓVEMBER 2017
Fararstjórar: Íris Marelsdóttir & Árni Ingólfsson
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Ramsau við Dachstein er með betri gönguskíðasvæðum
Alpanna. Skíðagöngubrautirnar teygja sig yfir þrjú
mismunandi hæðarsvæði og því er svo sannarlega hægt að
finna brautir við allra hæfi. Gist verður á ekta austurrísku
4 stjörnu alpahóteli með heilsulind. Í þessari ferð fer
saman útivist, hreyfing, góður matur og skemmtilegur
félagsskapur í sannkölluðu ævintýralandslagi.
Verð: 198.800 kr. á mann í tvíbýli. ÖRFÁ SÆTI LAUS
Mjög mikið innifalið!
sp
ör
eh
f.
27. janúar - 3. febrúar
SkíðagönguferðtilRamsau
Sigtryggur Sigtryggsson
sisi@mbl.is
Samkvæmt 22. grein stjórnarskrárinnar stefnir forseti
lýðveldisins Alþingi saman eigi síðar en tíu vikum eftir al-
mennar alþingiskosningar. Hins vegar liggur fyrir að nú
þarf að kalla Alþingi saman miklu fyrr. Eftir er að af-
greiða aðkallandi mál, svo sem fjárlög ársins 2018.
Mikið kapp er lagt á að afgreiða fjárlög hvers árs fyrir
áramótin enda segir í 41. grein stjórnarskrárinnar að rík-
ið megi ekkert gjald reiða af hendi nema heimild sé til
þess í fjárlögum eða fjáraukalögum.
Benedikt Jóhannesson fjármálaráðherra lagði fram
fjárlagafrumvarp á síðasta þingi, skömmu fyrir stjórnar-
slitin, en það var órætt. Í fyrra var kosið 29. október en
nýtt þing kom ekki saman fyrr en en rúmum fimm vikum
síðar, 6. desember. Ekki var búið að mynda nýja ríkis-
stjórn þegar þing var sett í fyrra.
Nöfn nýkjörinna þingmanna á vef Alþingis
Landskjörstjórn kemur saman til fundar þriðjudaginn
7. nóvember til að úthluta þingsætum á grundvelli kosn-
ingaúrslita í kjördæmum, samkvæmt frétt á vef Alþingis
í gær. Nöfn nýkjörinna alþingismanna hafa verið skráð
og birt á vef Alþingis með fyrirvara um afgreiðslu lands-
kjörstjórnar
Að loknum alþingiskosningum fá kjörnir þingmenn og
jafnmargir varaþingmenn kjörbréf sent frá landskjör-
stjórn. Áður en landskjörstjórn gefur út kjörbréf og birt-
ir úrslit fer hún yfir skýrslur yfirkjörstjórna um at-
kvæðatölur og úthlutar þingsætum.
Að loknum alþingiskosningum gegnir störfum forseta
Alþingis, nái forseti ekki endurkjöri, sá varaforseti sem
næst honum gengur í röð endurkjörinna varaforseta.
Hann gegnir embættinu frá kjördegi og fram til þing-
setningar, samkvæmt 2. mgr. 6. gr. þingskapa.
Þessi varaforseti er Steingrímur J. Sigfússon. Hann er
jafnframt starfsaldursforseti þingsins og mun stjórna
fundi þegar Alþingi kemur saman við þingsetningu. Sem
kunnugt er náði Unnur Brá Konráðsdóttir, forseti Al-
þingis, ekki kjöri að þessu sinni.
Fjárlög knýja á um að
Alþingi komi saman
 Landskjörstjórn mun úthluta þingsætum 7. nóvember
Morgunblaðið/Ófeigur
Þingsetning Alþingi kom saman 6. desember í fyrra.
Logi Már Einars-
son, formaður
Samfylkingar-
innar, tók dóttur
sína, á unglings-
aldri, með sér í
kjörklefann þeg-
ar kosið var til
Alþingis sl. laug-
ardag. Ólafur
Rúnar Ólafsson,
formaður yfir-
kjörstjórnar Norðausturkjördæmis,
segir kosningalögin skýr en þar
segir að þá er kjósandi hefur tekið
við kjörseðlinum fer kjósandi með
hann inn í kjörklefann, þar sem
kjósandinn einn má vera.
„Lögin eru nokkuð skýr hvað
þetta varðar, hins vegar getur það
auðvitað gerst að okkar fólk í undir-
kjörstjórn hafi ekki áttað sig á
þessu enda fjölmiðar og fleira fólk
sem fylgir þegar formaður stjórn-
málaflokks kemur á kjörstað,“ segir
Ólafur.
Spurður hvort starfsfólk kjör-
deilda fái sérstakt námskeið eða
leiðbeiningar segir hann það ekki í
höndum yfirkjörstjórnar.
„Þetta er oftast vant fólk sem sit-
ur í kjördeildum og passað er upp á
að óvant fólk raðist ekki saman.“
Jafnframt bendir hann á að farið
sé yfir helstu mál þó ekki sé haldið
sérstakt námskeið.
Fundað með fólki í Reykjavík
Kristín Edwald, formaður lands-
kjörstjórnar, vísar til ákvæða kosn-
ingalaga sem hún segir nokkuð
skýr. Spurð um leiðbeiningar til
starfsmanna í kjördeildum bendir
hún á að það hafi tíðkast í Reykja-
vík að funda með öllum sem komi að
kosningunni.
„Þá er farið yfir öll helstu mál en
síðan er þetta í höndum kjör-
stjórnar á hverjum stað að fram-
fylgja lögunum,“ segir Kristín.
Ljóst er að Loga var ekki heimilt
að taka dóttur sína með inn í kjör-
klefann.
Logi Már
braut kosn-
ingalög
 Verður að vera
einn inni í kjörklefa
Logi Már
Einarsson
KOSNINGAR 2017