Morgunblaðið - 02.12.2017, Síða 28

28 FRÉTTIRErlent
MORGUNBLAÐIÐ LAUGARDAGUR 2. DESEMBER 2017
Bogi Þór Arason
bogi@mbl.is
Múslímum gæti fjölgað úr tæpum
5% af íbúafjölda Evrópulanda í rúm
11% á næstu áratugum ef aðflutn-
ingur fólks helst álíka mikill og hann
er nú, samkvæmt rannsókn Pew-
rannsóknamiðstöðvarinnar í Banda-
ríkjunum.
Í nýrri skýrslu hugveitunnar kem-
ur fram að á síðasta ári bjuggu um
25,8 milljónir múslíma í 28 aðildar-
löndum Evrópusambandsins, auk
Noregs og Sviss. Þeir voru um 4,9%
af 521 milljón íbúa landanna þrjátíu.
Múslímum hafði fjölgað um 6,3 millj-
ónir frá árinu 2010.
Aðflutningur fólks til Evrópuland-
anna stórjókst árið 2014, einkum
vegna fjölgunar flóttafólks frá Sýr-
landi, Írak og Afganistan. Þegar að-
flutningurinn var í hámarki kom tæp
hálf milljón manna til Evrópuland-
anna á ári en hann tók að minnka
aftur um mitt síðasta ár.
Í skýrslu rannsóknamiðstöðvar-
innar er leitast við að meta hversu
mikið múslímum gæti fjölgað í Evr-
ópulöndunum til ársins 2050. Spá
hugveitunnar um fjölgunina er þrí-
þætt og fer eftir því hversu mikill að-
flutningur fólks verður á næstu ára-
tugum, þ.e. hvort hann verður
„enginn“, „í meðallagi“ eða „mikill“.
Eru yngri og eignast fleiri börn
Í fyrstu sviðsmyndinni er gert ráð
fyrir því að aðflutningur fólks stöðv-
ist algerlega næstu áratugina. Út frá
þeirri forsendu er talið að múslímum
haldi áfram að fjölga í Evrópulönd-
unum, eða úr 4,9% af íbúafjöldanum
í 7,4%. Ástæðan er sú að meðalaldur
múslímanna er þrettán árum lægri
en annarra íbúa landanna og þeir
eignast einnig fleiri börn að meðal-
tali en aðrir. Um 27% múslímanna
eru undir fimmtán ára aldri en með-
al annarra íbúa er hlutfallið 15%.
Múslímar eiga að meðaltali 2,6 börn
en aðrir íbúar 1,6.
Verði aðflutningur fólks enginn,
sem telst ólíklegt, verður hlutfall
múslíma áfram hæst í Frakklandi,
að Kýpur undanskilinni, en um
25,4% íbúa eyjunnar eru múslímar
þar sem margir þeirra eru af tyrk-
nesku bergi brotnir. Múslímum
myndi fjölga úr 8,8% í 12,7% í
Frakklandi frá 2016 til 2050 og úr
8,1% í 11,1% í Svíþjóð.
Gæti fjölgað í 20%
í Svíþjóð
Í annarri sviðsmyndinni er gert
ráð fyrir því að aðflutningur fólks
verði „í meðallagi“, þ.e. að „venjuleg-
ur aðflutningur“ haldist óbreyttur
og flóttamannastraumurinn minnki
og verði álíka mikill og hann var um
mitt síðasta ár. Hugtakið venjulegur
aðflutningur nær til allra þeirra sem
flytja búferlum til Evrópulandanna í
öðrum tilgangi en þeim að sækja um
hæli eða stöðu flóttamanns.
Þessi sviðsmynd virðist vera lík-
legust, að öllu óbreyttu, og verði hún
að veruleika telur rannsóknamið-
stöðin að múslímum fjölgi úr 4,9% í
11,2%. Gangi spá hugveitunnar eftir
myndi múslímum fjölga úr 8,1% í
20,5% í Svíþjóð og þeir yrðu hlut-
fallslega fleiri þar en í Frakklandi,
þar sem talið er að þeir verði um
17,4%. Í Bretlandi myndi hlutfallið
hækka úr 6,3% í 16,7% og í Finn-
landi úr 2,7% í 11,4%, svo dæmi séu
tekin.
Í þriðju sviðsmyndinni er gert ráð
fyrir því að aðflutningur fólks til
landanna verði mikill, þ.e. að venju-
legi aðflutningurinn haldist óbreytt-
ur og flóttamannastraumurinn verði
jafnmikill og hann var þegar hann
var í hámarki, frá 2014 og þar til um
mitt síðasta ár. Skýrsluhöfundarnir
benda á að flóttamannastraumurinn
var miklu meiri á þessu tímabili en
að meðaltali síðustu áratugina og
hann hefur minnkað vegna þess að
Evrópusambandið og mörg aðildar-
ríkjanna hafa breytt stefnu sinni til
að draga úr honum. Verði flótta-
mannastraumurinn eins mikill og ár-
in 2014-2015 samfleytt í rúma þrjá
áratugi er talið að múslímum fjölgi
úr 4,9% í 14%. Þeim myndi þá fjölga
í 30,6% í Svíþjóð, 19,7% í Þýskalandi
og 18% í Frakklandi. Hlutfall músl-
íma myndi þannig þrefaldast í þess-
um löndum en haldast mjög lítið í
löndum í austanverðri álfunni, t.a.m.
í Póllandi þar sem múslímum myndi
fjölga úr 0,1% í 0,2%.
Skýrsluhöfundarnir segja að
múslímar í Evrópu séu mjög fjöl-
breyttur hópur og mistrúræknir.
Sumir þeirra líti ekki á trúna sem
stóran þátt í daglegu lífi sínu en aðr-
ir telji hana hafa mikil áhrif á líf sitt.
Spá Pew-rannsóknamiðstöðvarinnar um fjölgun múslíma er þríþætt og fer eftir því hversu mikill aðflutningur fólks verður í Evrópu
Árið 2016
Árið 2050
Spá 1
„Enginn aðflutningur fólks“
Spá 2
„Aðflutningur fólks í meðallagi“
Spá 3
„Mikill aðflutningur fólks“
Fjöldi múslíma í Evrópuríkjum
Heimild: Pew-rannsóknamiðstöðin (e. Pew Research Center)
Hundraðshlutur múslíma í
einstökum Evrópulöndum
minni en 1% 1 til 5% 5 til 10%
10 til 15% 15 til 20% meiri en 20%
25,8 milljónir
4,9%
8,8%
8,1
6,1
4,8
2,6
6,3
12,7%
11,1
8,7
8,3
4,6
9,7
17,4%
20,5
10,8
12,4
6,8
16,7
18%
30,6
19,7
14,1
7,2
17,2
75,6 milljónir57,9 milljónir35,8 milljónir
14%11,2%7,4%
Múslímar
eða
495 milljónir
Fjöldi íbúa Evrópulanda
Fjöldi múslíma í ESB-
löndum gæti tvöfaldast
 Múslímum myndi fjölga þótt aðflutningur fólks stöðvaðist
Íbúunum gæti fækkað
» Í skýrslu Pew-rannsókna-
miðstöðvarinnar er bent á að
íbúum Evrópulandanna gæti
fækkað úr 521 milljón í 482
milljónir frá 2016 til 2050 ef
aðflutningur fólks stöðvast al-
veg.
» Verði aðflutningurinn í
meðallagi fækkar íbúunum í
517 milljónir. Verði hann mjög
mikill fjölgar íbúunum í 539
milljónir.
AFP
Á flótta Fjölskylda sem kom nýlega
með báti til grísku eyjunnar Samos.
Michael Flynn, fyrrverandi þjóðar-
öryggisráðgjafi Donalds Trumps
Bandaríkjaforseta, hefur játað sig
sekan um að hafa
logið að alríkis-
lögreglunni FBI
um samskipti sín
við sendiherra
Rússlands við
yfirheyrslur
vegna rannsókn-
arinnar á tilraun-
um Rússa til að
hafa áhrif á kosn-
ingabaráttuna í
Bandaríkjunum á síðasta ári.
Flynn kom fyrir dómara í Wash-
ington í gær tveimur klukkustund-
um eftir að Robert Mueller, sérstak-
ur saksóknari, birti ákæru á hendur
honum fyrir að hafa veitt alríkislög-
reglunni „rangar“ og „ósannar“ upp-
lýsingar um fund með sendiherran-
um í janúar sl., skömmu eftir að
Trump tók við forsetaembættinu.
Flynn neyddist til að segja af sér
sem þjóðaröryggisráðgjafi í febrúar,
aðeins 23 dögum eftir að hann tók við
embættinu, þegar í ljós kom að hann
hafði sagt Mike Pence varaforseta
ósatt um samræður sínar við sendi-
herra Rússlands, m.a. um hugsan-
legt afnám refsiaðgerða gegn land-
inu. Ákæran á hendur honum gæti
skaðað Trump sem er sagður hafa
reynt að fá yfirmann FBI, James
Comey, til að stöðva rannsóknina á
máli Flynns áður en forsetinn vék
Comey úr alríkislögreglunni.
Þrír aðrir fyrrverandi aðstoðar-
menn Trumps hafa verið ákærðir í
tengslum við rannsókn sérstaka sak-
sóknarans. Paul Manafort, sem var
kosningastjóri Trumps, og sam-
starfsmaður hans, Richard Gates,
hafa verið ákærðir fyrir samsæri
gegn hagsmunum Bandaríkjanna,
peningaþvætti og fleiri lögbrot.
Fyrrverandi ráðgjafi forsetans í
utanríkismálum, George Papado-
poulos, hefur játað að hafa logið að
FBI í tengslum við rannsóknina.
Flynn játar að
hafa logið að FBI
 Ný ákæra í Rússamálinu vestra
Michael Flynn
H
a
u
ku
r
0
1
.1
6
Viðskiptatækifæri á www.kontakt.is
• Arðsamt fyrirtæki með langa reynslu sem flytur inn og selur
véltæknibúnað aðallega tengdum sjávarútvegi, fiskeldi, en einnig
öðrum iðnaði. Velta undanfarin ár hefur verið á bilinu 150-200 mkr.
og EBITDA 25-40 mkr.
• Þekkt verslun með tölvur, síma og fylgihluti á frábærum stað. Velta
yfir 300 mkr.
• Vel innréttað kaffihús miðsvæðis í Reykjavík. Tækifæri fyrir öfluga
aðila að byggja enn frekar upp.
• Fjölskyldufyrirtæki sem vinnur að hönnun, prentun og framleiðslu
vara og lausna til fyrirtækja. Velta um 70 mkr. og hátt
hagnaðarhlutfall.
• Ráðandi hlutur í yfir 100 herbergja hótelkeðju í miðbæ Reykjavíkur.
Mjög góð og vaxandi velta.
• Sérhæfð fiskvinnsla í vönduðu 350 fm. leiguhúsnæði á
höfuðborgarsvæðinu. Velta um 260 mkr. Hagnaður af rekstri.
• Verslun sem byggir á erlendri skartgripalínu með tvær verslanir í
borginni. Stöðugur rekstur og góð afkoma.
• Gott fyrirtæki með áratuga sögu sem sérhæfir sig í vélaviðgerðum og
sölu varahluta sem það flytur sjálft inn. Velta nokkuð stöðug
undanfarin ár og jákvæð afkoma.
• Ungt og vaxandi þjónustu- og verslunarfyrirtæki í tæknigeiranum.
Fjögur stöðugildi. Velta er um 85 mkr. á ári og góður hagnaður.
• Nýtt, lítið og sérlega fallegt hótel í Reykjanesbæ. Fær mjög góða
dóma á bókunarsíðum. Yfir 90% nýting.
Guðni Halldórsson
lögfræðingur,
gudni@kontakt.is
Þórarinn Arnar Sævarsson
fasteignaráðgjafi,
thorarinn@kontakt.is
Gunnar Svavarsson
viðskiptafræðingur,
gunnar@kontakt.is
Brynhildur Bergþórsdóttir
rekstrarhagfræðingur,
brynhildur@kontakt.is
Sigurður A. Þóroddsson
hæstaréttarlögmaður,
sigurdur@kontakt.is