Morgunblaðið - Sunnudagur - 21.01.2018, Síða 2

Í FÓKUS
2 MORGUNBLAÐIÐ SUNNUDAGUR 21.1. 2018
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Inga Rún Sigurðardóttir ingarun@mbl.is Júlía Margrét Alexandersdóttir julia@mbl.is Orri Páll Ormarsson
orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Auglýsingar vegna bóndadagsins hrúguðust inn á samfélagsmiðla í vik-unni. Í þeim birtist ljóslifandi klassísk staðalímynd af karlmanni meðbjór í hönd, því allir karlmenn vilja jú alltaf vera að drekka bjór!
Hamborgarar og steikur eru líka ákaflega karlmannlegur matur þannig að
auðvitað hrundu inn tilboð frá veitingastöðum um slíkar kræsingar. Bjór og
burger virðist vera það sem karlmönnum „á“ að vera efst í huga á bóndadag-
inn.
Þótt þessi tiltekna staðalímynd, um bjórdrekkandi hamborgaraétandi
karlmannlega karlinn, sé kannski ekki sú allra versta í heimi þá er samt
ástæða til að leiða hugann að staðalímyndum og skaðsemi þeirra.
Ástæður þess að staðalímyndir
eru beinlínis hættulegar eru margar.
Ein er sú að þær ala á fordómum í
garð tiltekinna hópa.
Önnur er sú að þær koma í veg
fyrir að fólk nýti allan þann kraft
sem það hefur. Barn sem hefur svo
rótgróna mynd af því hvað kyn þess
„má“ gera og „á“ að gera er líklegra
til að hugsa framtíðarmöguleika sína
aðeins innan þess ramma, en hættir
sér síður út fyrir hann. Nám sem
gæti legið sérlega vel fyrir viðkom-
andi einstaklingi kemst ekki einu
sinni á blað yfir möguleikana í fram-
tíðinni, því það er jú bara fyrir stelp-
ur! Eða bara fyrir stráka!
Þótt margt hafi áunnist í því að
eyða staðalímyndum kynjanna þá eigum við langt í land á mörgum sviðum,
líka hér á Íslandi.
Lykillinn að því að berjast gegn staðalímyndum er opinn hugur. Allir
mega verða allt sem þeir vilja. Stelpur og strákar þurfa frá unga aldri að
fá þau skilaboð oftar og úr fleiri áttum. Þannig losnar smám saman
meira og meira um heftandi rammann sem staðalímyndir kynjanna
loka okkur inní.
Hamborgarar eru fínir, ekkert að þeim. Og karlar og konur
mega sannarlega háma í sig alla þá borgara sem þeir vilja;
vegaborgara eða veganborgara eftir því hvernig stemn-
ingin er. En festumst ekki um of í stöðluðum og úrelt-
um myndum af kynjunum.
Thinkstock
Skaðlegar
staðalímyndir
Pistill
Eyrún
Magnúsdóttir
eyrun@mbl.is
’Nám sem gæti legiðsérlega vel fyrir við-komandi einstaklingikemst ekki einu sinni á
blað yfir möguleikana í
framtíðinni, því það er jú
bara fyrir stelpur! Eða
bara fyrir stráka!
Brynjólfur Jóhann Bjarnason
Nei, ég bara sleppti því að drekka
vatn, drakk sódavatn í staðinn.
SPURNING
DAGSINS
Sauðstu
neysluvatn
þitt í
vikunni?
Berghildur Erla Bernharðs-
dóttir
Nei. Ég var ekkert hrædd við þessi
tíðindi.
Morgunblaðið/Ásdís
Hjördís Ósk Kristjánsdóttir
Nei, ég gerði ekkert, hélt bara
áfram að drekka kranavatnið.
Börkur Gunnarsson
Neinei. Ég hef drukkið vatn í Írak og
einhverjum draslkompum í Tékk-
landi sem var brúnt á litinn án þess
að verða meint af því.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Hvað er að frétta?
„Það er allt það létta. Ég var að koma frá
Flórída og er að vinna á fullu í Pistol Pony,
nýrri plötu sem er að koma út og einnig
plötu sem kemur út í mars með Völu Crunk
og heitir Bad Boys Bitches Blaze.“
Hvernig leggst nýja árið í þig?
„Ég held að þetta verði helvíti gott. Ég ætla að njóta, vera
svolítið róleg í maganum og taka lífinu eins og það kemur.“
Hvernig líst þér á stórtónleika hipp hopp
kvenna – að konum í bransanum sé hóað
saman?
„Mér finnst það mjög kúl. Ég held það hafi aldrei verið
gert svona áður og það verður gaman að spila þarna á
laugardaginn.“
Hvernig finnst þér þessi tónlistarsena í
dag hérlendis, hipp hopp og rappið?
„Hún hefur stækkað og þróast mjög mikið og er
mikið breytt frá því ég byrjaði að hlusta á rapp sem
unglingur. Fólk er að gera afar flott myndbönd, er
með stærri hópa í kringum sig svo þetta er orðin
alvöru hreyfing. Þótt ég sjálf sé að spila tónlist
innan þessarar senu og geri rapp núna þá skil-
greini ég mig fyrst og fremst sem tónlistarkonu
sem mun gera alls konar. En það er klárlega mjög
fínt að vera í þessari senu núna því hún er plássfrek.“
Af hverju eigum við að mæta á hipp
hopp stórtónleika kvenna?
„Því þetta verður geggjað gaman og það er fáránlega
mikið að gerast um helgina, fullt af tónleikum. Fólk á að
taka sig til og mæta á allt. Það er janúar og allir í geð-
veiku stuði.“
Stefnirðu á útlönd og heimsyfirráð?
„Já, auðvitað. Platan sem ég er að vinna í núna, ég stefni á
að það verði eitthvað sem ég nenni að hlusta á lengur en
einn mánuð og í augnablikinu heillast ég mikið af Aust-
ur-Evrópu og því svæði og planið er að halda útgáfu-
tónleika bæði hér heima og í Prag. Ég á hálftékk-
neska litlu systur og hef spilað þar áður og það er
eitthvað alveg sérstakt við að spila þar.“
ALVIA ISLANDIA
SITUR FYRIR SVÖRUM
Morgunblaðið/Kristinn Magnússon
Ætla að vera
róleg í
maganum
Forsíðumyndina tók
Árni Sæberg
Alvia Islandia er meðal þeirra sem spila á stórtónleikum hipp hopp kvenna í
Gamla bíói laugardagskvöldið 20. janúar en um daginn er málþing tengt
viðburðinum um sögu femínisma í hipp hopp heiminum. Auk Alviu spila
Reykjavíkurdætur, Cell7, Krakk & Spaghetti, Sigga Ey og Fever Dream.