Morgunblaðið - Sunnudagur - 25.03.2018, Blaðsíða 10

Í gær var tekist á um kosningarétt í sveitarstjórn-arkosningum og hvort lækka ætti aldurinn úrátján árum í sextán. Mér finnst það svo sjálfsagt
að það taki því varla að tala um það og það kemur
mér satt að segja pínulítið á óvart að hægt sé að vera
á móti því.
Sveitarstjórnarkosningar eru eins og kosningar í
húsfélagi. Hvort það eigi að mála þakið og í hvaða lit.
Pólitík í borg og bæjum snýst um nánasta umhverfi
okkar. Hraðahindranir, götusópun, leikskóla, holóttar
götur, samgöngur og margt fleira sem hefur áhrif á
daglegt líf. Í raun miklu frekar en það sem gerist á
Alþingi.
Þegar ég var sextán ára var ég óttalegur vitleys-
ingur. Ég hafði ekki hugmynd um hvað ég ætlaði að
verða og ekki mikinn áhuga á skólanum. Ég hafði
meiri áhuga á stelpum, var orðinn býsna spenntur fyr-
ir bílprófinu og svo var ég á kafi í tónlist, þótt ég hafi
aldrei haft snefil af hæfileikum í þá átt.
En það var eitt sem ég hafði, umfram marga vini
mína. Ég hafði brennandi áhuga á pólitík. Ekki hvaða
pólitík sem var, ég var það sem miðaldra ég myndi
kalla „gólandi kommúnisti“. Mér fannst gaman að
þrasa um pólitík við hina smáborgaralegu vini mína og
reyna að koma vitinu fyrir þá. Það tókst sjaldnast.
Ég gat hinsvegar ekki kosið. Þegar ég var sextán
ára var enn langt í að ég gæti kosið því þá var kosn-
ingaaldurinn 20 ár og ég var meira að segja ári eldri
en það þegar ég fékk fyrst að kjósa. Það var merkileg
stund. Síðan hef ég kosið í öllum kosningum sem hafa
boðist. Ekki einungis lít ég á það sem borgaralega
skyldu mína, heldur er það líka leið mín til að hafa
áhrif. Það er nefnilega fátt hallærislegra en fólk sem
rífur kjaft yfir stjórnvöldum en hefur ekki notað at-
kvæðið sitt.
Ég lagði það á mig að hlusta á andstæðinga frum-
varpsins tala niður til 16-18 ára krakka. Fyrirvarinn
væri of skammur og við værum ekki tilbúin. Um þetta
ræddu alþingismenn. Meðalaldur þeirra er um fimm-
tugt og það er eins og sumir þeirra hafi aldrei verið 16
ára.
Rökin voru allskonar en helst þau að þetta væru
bara of miklir vitleysingar til að fá að kjósa. Það þyrfti
að setja upp sérstaka námskrá og kynningarverkefni
til að kenna þeim að kjósa. Þau hefðu ekki fengið
kennslu um pólitík! Nú gæti ég sagt eitthvað sniðugt
um að sitthvað hafi gerst þótt það hafi ekki verið mikil
kynfræðsla í skólum en ég held að ég sleppi því.
Helsta vandamál lýðræðis okkar er að það eru of fá-
ir sem fá að kjósa og yngra fólk virðist hafa minni
áhuga á pólitík. Nú hef ég ekki lokið stjórnmála-
fræðinámi mínu en er þó nokkuð viss um að frelsi til
að kjósa og hafa áhrif muni auka áhuga þessara hópa
á stjórnmálum.
Jafnvel þó að við séum þeirrar skoðunar að 16-18
ára krakkar séu ekki með allt á hreinu þá ætti það
ekki að skipta máli. Þegar við hugsum um það, það er
ekki eins og allir fullorðnir séu með allt á hreinu. Ef
svo væri myndum við sennilega aldrei rífast um pólitík
og það er líklegt að kosningaþátttakan minnkaði enn
frekar.
16 ára vitleysingur
Logi Bergmann
logi@mbl.is
Á meðan ég man
’Þegar ég var sextán ára var enn langt í að ég gæti kosið því þá var kosn-ingaaldurinn 20 ár og ég var meira að segja ári eldri en það þegar ég fékkfyrst að kjósa. Það var merkileg stund. Síðan hef ég kosið í öllum kosningum semhafa boðist. Ekki einungis lít ég á það sem borgaralega skyldu mína, heldur er
það líka leið mín til að hafa áhrif. Það er nefnilega fátt hallærislegra en fólk sem
rífur kjaft yfir stjórnvöldum en hefur ekki notað atkvæðið sitt.
10 MORGUNBLAÐIÐ SUNNUDAGUR 25.3. 2018
VETTVANGUR
Kolfelldu samning
Nýr kjarasamningur grunnskólakenn-
ara og Sambands íslenskra sveitar-
félaga var kolfelldur. Hann kvað m.a.
á um 3% launahækkun og 71.500 kr.
eingreiðslu 1. apríl og 55.000 kr. ein-
greiðslu í byrjun næsta árs. Tæp 30%
kennara samþykktu samninginn en
68,52% voru á móti.
Farið um fæðingarveg
Ljósmæður settu upp „fæðingarveg“ fyrir
utan hús Ríkissáttasemjara í vikunni til að
vekja athygli á kjörum sínum en samningar
þeirra við ríkið hafa verið lausir síðan í
ágúst í fyrra og hvorki gengið né rekið í
kjaraviðræðum. Fjármálaráðherra var í vik-
unni afhentur listi með undirskriftum 5.800
manns sem sem skrifuðu undir stuðnings-
yfirlýsingu við kjarabaráttu ljósmæðra.
Ó Reykjavík, ó Reykjavík,
sú yndislega borg …
Sigurður Ingi Jóhannsson, samgöngu- og sveit-
arstjórnarráðherra, upplýsti í skriflegu svari á
Alþingi að opinbert nafn sveitarfélagsins þar
sem höfuðborg Íslands er staðsett væri Reykja-
vík. Björn Leví Gunnarsson þingmaður spurði
um það, og nöfn ýmissa annarra sveitarfélaga
víðs vegar um land. Björn Leví hefur lagt fram
72 fyrirspurnir á yfirstandandi þingi.
Ævintýraleg sigurkarfa
Landsliðsmaðurinn Kári Jónsson bauð áhorfendum í
Keflavík upp á tilþrif sem fólki gefst alla jafna ekki færi
á að sjá nema í myndskeiðum frá banda-
rísku NBA-deildinni. Staðan var jöfn
er hann gerði sigurkörfu Hauka, 85:82,
gegn heimamönnum með skoti yfir endi-
langan völlinn á lokasekúndunni!
Metsala á
lúxusíbúðum
Líklega var sett sölumet á íslensk-
um fasteignamarkaði þegar Eykt
seldi 42 íbúðir á samtals 2,3 millj-
arða í nýjum turni við Bríetartún
á rúmri viku. Tvær þær dýrustu
kosta 100 milljónir hvor.
Biblían í snjallforriti
Biblían er nú aðgengileg á íslensku
í snjallforritinu The Bible App. Nú
geta menn því gluggað í hina helgu
bók í símanum.
Morgunblaðið/Árni Sæberg
VIKAN SEM LEIÐ
UMMÆLI VIKUNNAR
Ný vefverslun: www.donna.is
Erum nú á Facebook: donna ehf Sími 555 3100 www.donna.is
„Veist þúað skilgreining
á sótthitabreytist eftir aldri?
Thermoscaneyrnahita-
mælirinnminnveit það.“
Braun Thermoscan
eyrnahitamælar fást í öllum
lyfjaverslunum
ThermoScan® 7
Bílar
Ekki meir
Hart var deilt á N1 eftir að í
ljós kom að mánaðarlaun for-
stjórans, Eggerts Þórs Krist-
óferssonar, höfðu hækkað
um eina milljón. Stjórn VR
lagði til að almennt starfsfólk
fengi sambærilega hækkun en
tillagan var felld með miklum
mun á aðalfundi
Morgunblaðið/Eggert
’Við rekum besta „lab“ í heimi áþessu sviði. Það viðurkenna allir.Kári Stefánsson forstjóri Íslenskrar erfðagreiningar
undrast að bein voru send utan til DNA-greiningar