Morgunblaðið - Sunnudagur - 25.03.2018, Blaðsíða 36

36 MORGUNBLAÐIÐ SUNNUDAGUR 25.3. 2018
LESBÓK
SJÓNVARP Efnisveitan Netflix hefur fengið skömm í
hattinn frá Truth Initiative, samtökum sem berjast gegn
reykingum í Bandaríkjunum, fyrir að gefa sígarettum
of mikið vægi í þáttum sínum. Samkvæmt úttekt sam-
takanna eru reykingaatriði helmingi fleiri á Netflix en
hjá sambærilegum veitum. Mest munar um hina geysi-
vinsælu þætti Stranger Things en reykt var í 182 atrið-
um í seinustu röð. Skýringin er mögulega sú að þætt-
irnir gerast snemma á níunda áratugnum þegar
reykingar voru bæði algengari og sýnilegri en í dag.
Aðrir Netflix-þættir á listanum eru Orange Is the
New Black (45 atriði), House of Cards (41), Fuller House
(22) og Making a Murderer (20). Talsmaður Netflix segir
veituna taka ábendinguna til sín.
Reykmökkur á Netflix
Vanessa Kirby
reykir í the
Crown á Netflix. Netflix
MÁLMUR Max Cavalera, stofnandi og fyrr-
verandi söngvari brasilíska málmbandsins
Sepultura, viðurkenndi í samtali við Broken
Neck Radio nýlega að hann dauðsjái eftir því
að hafa ekki tryggt sér réttinn á nafni hljóm-
sveitarinnar þegar hann yfirgaf hana árið
1996, eftir að hinir bandingjarnir þrír ráku
eiginkonu hans úr starfi umboðsmanns.
Sepultura er enn starfandi. „Nafnið var okk-
ar; við fundum upp á því,“ sagði hann og á
þar við þá bræður, sig og Iggor. Þegar Metal
Wani gekk á Andreas Kisser, sem stýrt hefur
Sepultura síðan, með þetta svaraði hann á þá
leið að eftirsjá þjónaði engum tilgangi.
Dauðsér eftir Sepultura-nafninu
Félagarnir í Sepultura í þá gömlu góðu daga.
Þann 29. júní 1967 ók bifreið afgerðinni Buick Electra 225aftan á tengivagn dráttar-
vélar á þjóðveginum í Louisiana í
Bandaríkjunum með þeim afleið-
ingum að þrennt, sem sat í fram-
sætum bifreiðarinnar, lést sam-
stundis. Þeirra frægust var
Hollywood-leikkonan Jayne Mans-
field en auk hennar týndu lífi ást-
maður hennar, lögmaðurinn Sam
Brody, og ungur bílstjóri, Ronnie
Harrison, en Mansfield var á leið til
New Orleans, þar sem hún átti að
skemmta um kvöldið.
Þrjú af fimm börnum Mansfield
sváfu í aftursæti bifreiðarinnar og
sluppu með minniháttar meiðsl úr
slysinu. Þetta voru Miklós, Zoltán
og Mariska Hargitay en sú síðast-
nefnda var aðeins þriggja ára. Hún
man að vonum ekkert eftir slysinu
en ber þó ör á höfði allar götur síð-
an. Jayne Mansfield var aðeins 34
ára gömul þegar hún lést.
Löngu síðar fetaði Mariska Harg-
itay í fótspor móður sinnar, ef svo
má að orði komast, en ólíkari týpur
eru nefnilega vandfundnar í kvik-
myndum eða sjónvarpi. Hargitay er
þekktust fyrir að hafa leikið hina
eitilhörðu en mannlegu rannsókn-
arlögreglukonu Oliviu Benson í
tæpa tvo áratugi í sjónvarpsþátt-
unum Law & Order: Special Vic-
tims United en Mansfield sérhæfði
sig í hlutverki „ljóskunnar“ í Holly-
wood á sjötta og sjöunda áratugi
liðinnar aldar.
Eftir slysið ólst Hargitay upp hjá
föður sínum, ungverska vaxtar-
ræktarmanninum, fyrirsætunni og
leikaranum Miklós „Mickey“ Harg-
itay sem kjörinn var „herra alheim-
ur“ árið 1955. Þau Mansfield voru
eitt af glanspörum Hollywood á ár-
unum í kringum 1960 en leiðir
skildu 1964 þegar Mariska var á
fyrsta árinu.
Sumpart verið byrði
„Það hefur sumpart verið byrði að
vera dóttir Hollywood-goðsagnar,“
sagði Mariska Hargitay við banda-
ríska tímaritið Closer Weekly á síð-
asta ári, þegar hálf öld var liðin frá
bílslysinu, en hún tjáir sig afar
sjaldan um móður sína opinberlega
og hefur alla tíð frábeðið sér sam-
anburð við hana. „Ég var vön að
hata samanburðinn við móður mína
vegna þess að ég vildi hasla mér
völl á mínum forsendum. Þess utan
er ég með ör á sálinni eftir að hafa
misst móður mína svona ung.“
Hargitay ræddi einnig um móð-
urmissinn í samtali við tímaritið
Redbook fyrir níu árum. „Þegar
upp er staðið hefur hann gert mig
að þeirri manneskju sem ég er í
dag. Ég skil þetta ferðalag sem við
köllum líf og þurfti að ganga í gegn-
um það sem ég gerði til að komast á
hingað sem ég er í dag.“
Hargitay var sjálf komin á fimm-
tugsaldurinn þegar hún eignaðist
sitt fyrsta barn. Eftir það hefur hún
ættleitt tvö til viðbótar, ásamt eig-
inmanni mínum, leikaranum Peter
Herrman, sem hún kynntist við tök-
ur á Law & Order: SVU. „Það er líf
mitt og yndi að vera eiginkona og
móðir; ekkert færir mér meiri gleði.
Núna skil ég móður mína betur og
það færir mér frið. Ég skil líka ást-
ina og umhyggjuna sem hún bjó yf-
ir og það færir mig nær henni,“
sagði Hargitay við Closer Weekly
en eins og gefur að skilja man hún
sama og ekkert eftir móður sinni.
Gekkst upp í ljósku-
hlutverkinu
Jayne Mansfield sló ung í gegn í
kvikmyndum á borð við The Girl
Can’t Help It (1956) og The Way-
ward Bus (1957). Hún gekkst upp í
ljóskuhlutverkinu, innan tjalds sem
utan, sem fyrirmynd hennar, Mari-
lyn Monroe, hafði gert ódauðlegt
skömmu áður og lifði, að minnsta
kosti á yfirborðinu, áþekku og glys-
kenndu lífi. Hún elti Monroe inn á
síður Playboy og hermt er að hún
hafi líka átt í ástarsambandi við þá
Kennedy-bræður, John F. og Ro-
bert. Það hefur þó aldrei fengist
staðfest. Illar tungur nefndu hana
gjarnan „Monroe verkamannsins“.
Mikla athygli vakti þegar Mans-
field kom fram nakin í kvikmynd-
inni Promises! Promises! árið 1963
en fram að því tíðkaðist ekki að
Hollywoodstjörnur létu sjá sig á
Evuklæðunum á hvíta tjaldinu.
Mansfield lifði einnig skrautlegu
einkalífi; gifti sig þrisvar, skildi
jafnoft og átti í ástarsamböndum
við ýmsa menn. Slúðurblöðin gerðu
sér að vonum ríkulegan mat úr því
öllu saman og fékk Mansfield á sig
ímynd gálunnar. „Einkalíf hennar
var mun skrautlegra en nokkurt
hlutverk sem hún tók að sér,“ skrif-
aði kvikmyndagagnrýnandinn
Whitney Williams í tímaritið Var-
iety að Mansfield genginni en leik-
konan gætti þess vel og vandlega að
útidyrnar stæðu fjölmiðlum alltaf
opnar. Og oftar en ekki höfðu brjóst
hennar tilhneigingu til að gægjast
fram í dagsljósið við ólíklegustu
tækifæri. Sumum til gleði, öðrum til
armæðu.
Ætla að fá steik og svo
hávaxna gaurinn þarna
Fræg er sagan af því hvernig
Mansfield og Miklós Hargitay
kynntust á klúbbi í New York árið
1956. „Ég ætla að fá steik og svo
hávaxna gaurinn þarna á vinstri
hönd,“ á hún að hafa sagt við þjón-
inn. Hargitay var þarna að
Jayne Mansfield á hátindi ferils síns á ofanverðum sjötta áratugnum.
Ljóskan og
töffarinn
Leikkonurnar Mariska Hargitay og Jayne Mansfield gætu varla verið ólíkari
týpur. Það kann því að koma einhverjum á óvart að þær eru mæðgur.
Hargitay svaf þriggja ára gömul í aftursætinu þegar Mansfield lést í bílslysi
árið 1967 og hefur alla tíð átt erfitt með að ræða um móður sína.
Orri Páll Ormarsson orri@mbl.is