Morgunblaðið - Sunnudagur - 25.03.2018, Blaðsíða 29

Hermenn við vaktaskipti inni í minnismerkinu mikla á Mamayev Kurgan-hæð.
AFP
ar er enn stærsta stytta Evrópu og
stærsta stytta af konu í veröldinni.
Volgograd er mikil iðnaðarborg og
íbúar um ein milljón. Lúðvík Arnar-
son, deildarstjóri hjá ferðaskrifstof-
unni Vita, sem farið hefur tvisvar til
borgarinnar vegna undirbúnings fyr-
ir HM, nefnir fyrst, eins og Berglind,
hve minnismerki um heimsstyrjöld-
ina síðari eru áberandi í borginni.
„Íbúarnir eru mjög stoltir af því að
þeirra fólk snéri stríðinu í raun með
miklum mannfórnum í orrustunni um
borgina,“ segir hann.
„Miðbærinn í Volgograd er
skemmtilegur og lítur nokkuð vel út.
Minnisvarðinn stórbrotni er auðvitað
mjög áberandi og allt sem tengist
seinna stríðinu mikið sjónarspil. En
þetta er láglaunasvæði og þegar
komið er rétt út fyrir miðbæinn verð-
ur maður áþreifanlega var við
ákveðna eymd. Við fengum þó mjög
hlýjar móttökur og fólkið er mjög
áhugasamt um HM og stolt af að spil-
að sé í borginni,“ segir Lúðvík. Hann
segir HM augljóslega munu hafa
mikil fjárhagsleg áhrif. „Þetta verða
mikil uppgrip fyrir samfélagið.“
Lúðvík segir að enn sé býsna erfitt
að gera sér grein fyrir því hve margir
Íslendingar leggi leið sína suður til
Volgograd og Rostov til að sjá leikina
gegn Nígeríu og Króatíu. „Ég hef
hvergi séð hve marga miða Íslend-
ingar hafa keypt á þessa leiki og
vandinn við Volgograd, og reyndar
Rostov líka, er að gistirými í borg-
unum er ekki sérlega mikið. Að því
leyti eru borgirnar ekki í stakk búnar
að taka við mjög mörgum og ég hef
heyrt að fólk hefur verið í vandræð-
um með að finna sér gistingu. Ég
held þó að þarna gætu orðið á milli 2
og 3 þúsund Íslendingar. Ég held að
tvær leiguvélar, að minnsta kosti, fari
frá Íslandi til Volgograd. Ég veit að
Icelandair flýgur þangað og WOW
líka að ég held.“
Mikill áhugi fyrir Íslandi
Lúðvík segist hafa fundið fyrir mikl-
um áhuga á íslenska landsliðinu,
bæði í Rostov og Volgograd. „Fólk er
mjög þakklátt fyrir að okkar lið skuli
spila þar og Rússar munu pottþétt
styðja Ísland í leikjunum. Þeir, eins
og aðrir, hafa gaman af hinu óvænta
og finnst merkilegt að lið þessarar fá-
mennu þjóðar skuli spila þarna.“
Spurður hvers Íslendingar megi
vænta í mat og drykk nefnir Lúðvík
að í Volgograd hafi hann fengið einn
besta fiskrétt sem hann hafi borðað á
ævinni. „Ég hef verið á ferð með
Rússum og öðrum sem þekkja vel til
og við fengum alls staðar mjög góðan
mat. Verðlagið bæði í Volgograd og
Rostov er svo auðvitað mjög lágt á
okkar mælikvarða og gífurlegur
munur á verðinu þar og í Moskvu.
Það má búast við að verð á öllu hækki
fyrir HM en þarna suður frá þyrfti
það að hækka um mörg hundruð pró-
sent til að Íslendingum þætti verð-
lagið hátt.
Stórfljótið Volga setur eðlilega
mikinn svip á borgina eins og aðra
staði á þeirri 3.700 km leið sem hún
rennur frá upptökunum í norðri að
Kaspíahafi. Berglind Ásgeirsdóttir
sendiherra nefnir til dæmis að sér
hafi þótt merkilegt að koma á bað-
strönd í Volgograd; það hafi hún ekki
upplifað áður í Rússlandi og sé ekki
það fyrsta sem fólki detti í hug svona
langt inni í landi. „Þá eru góðir
göngustígar meðfram ánni þar sem
var óhemjugaman að ganga. Það
kom sér vel því mjög heitt var í veðri
þá daga sem við vorum í Volgograd –
allt að því of heitt – og því gott að
vera mikið á hreyfingu og skoða sig
um!“
Berglind segir svæðið frá flugvell-
inum inn í borgina ekki tilkomumikið
„en þegar komið er inn í borgina er
mjög margt sem gaman er að skoða“.
Sendiherrann segist í fyrsta skipti
á ævinni hafa smakkað steikta loðnu í
Volgograd og það hafi verið herra-
mannsmatur. „Á veitingastað í borg-
inni fékk ég mér svo hamborgara,
sem er alls ekki í frásögur færandi
nema vegna þess að mér voru afhent-
ir einhvers konar skurðstofuhanskar
áður en ég fór að borða. Þar var mikil
áhersla lögð á hreinlæti. Það eru oft
svona hlutir sem maður man eftir úr
ferðalögum!“
Íslenskir túristar eru ekki óvanir því á ferðum erlendis að hitta fyrir listamenn sem bjóðast til að teikna af þeim andlits-
mynd. Hér bíður einn slíkur verkefnis við eitt margra minnismerkja um heimsstyrjöldina síðari í Volgograd.
AFP
Rússneskur sóldýrkandi á bakka stórfljótsins Volgu sem borgin er kennd við.
Ferðalangar geta nokkurn veginn gengið að góðu veðri vísu í Volgagrad í júní.
AFP
’Safnið er svo tæknilegtað fólk upplifir hrein-lega að það sé statt í miðriorrustunni um borgina.
Það er varla hægt að lýsa
upplifuninni.
25.3. 2018 MORGUNBLAÐIÐ SUNNUDAGUR 29
Ólöf Erla Bjarnadóttir
Guðrún Borghildur Valdís Harrysdóttir
Íslensk hönnun - Íslenskt handverk
Vesturgötu 4, 101 Reykjavík, s. 562 8990
www.kirs.is,
Kirsuberjatréð Íslensk Hönnun
Opið: Mán.-fös. 10-18, lau. 10-17, sun 10-17
Ármúli 7, Reykjavík | Sími 568 0708 | www.fako.is
Tilvalin fermingarg jöf
aHEAD
Þráðlaus heyrnatól í
nýjum litum 14.990 kr.
aFUNK
Þráðlaus hátalari þar
sem hljóðið heyrist allan
hringinn 15.990 kr.
aCHARGE
Nýr og öflugur hleðslusteinn
sem hleður símann hraðar
6.990 kr.
aGROOVE
Þráðlaus hátalari
í nýjum litum
8.990 kr.
Orrustan um Stalíngrad, eins og
Volgograd hét á þeim tíma, er
talin einn mesti hildarleikur sög-
unnar og var vendipunktur í
seinni heimsstyrjöldinni.
Umsátur Þjóðverja um borg-
ina hófst 23. ágúst 1942 og lauk
ekki fyrr en í byrjun febrúar, eftir
að Friedrich Paulus marskálkur í
þýska hernum gafst formlega
upp í rústum stórverslunar í
miðborginni, þar sem Þjóð-
verjar höfðu komið sér upp
bækistöð, og var tekinn til fanga
af Sovétmönnum ásamt 90.000
öðrum hermönnum. Tvennum
sögum fer reyndar af því hvort
Paulus gafst formlega upp eður
ei, en látum það liggja á milli
hluta hér.
Mannfall var gríðarlegt í Stal-
íngrad; talið er að um það bil
630.000 úr hópi Þjóðverja og
bandamanna þeirra – hermanna
frá Rúmeníu, Ítalíu, Ungverja-
landi og Króatíu – hafi látið lífið,
særst eða verið saknað, þegar
hildarleiknum lauk . Ætlað var
að allt að ein og hálf milljón Sov-
étmanna, hermenn og almennir
borgarar í Stalíngrad, hefði látið
lífið meðan á orrustunni um
borgina stóð. Þær tölur eru þó
vissulega á reiki.
Sovéskir hermenn í baráttu við þá þýsku veturinn 1942-1943 í Stalíngrad.
AFP
SÍÐARI HEIMSSTYRJÖLDIN
Hrikalegur hildarleikur