Morgunblaðið - 09.05.2018, Síða 14
14 FRÉTTIRInnlent
MORGUNBLAÐIÐ MIÐVIKUDAGUR 9. MAÍ 2018
Agnes Bragadóttir
agnes@mbl.is
Fullnaðarhönnun rannsóknahúss í
Hringbrautarverkefninu hefst í
sumar og fjögur hönnunarteymi
munu taka þátt í útboði vegna fulln-
aðarhönnunar rannsóknahússins,
samkvæmt því sem kemur fram í
fréttatilkynningu frá Nýjum Land-
spítala ohf. (NLSH).
Þar kemur fram að NLSH, í sam-
starfi við Ríkiskaup og Fram-
kvæmdasýslu ríkisins hafi afhent
fjórum hönnunarteymum útboðs-
gögn vegna fullnaðarhönnunar nýs
rannsóknahúss. Teymin sem staðist
hafi kröfur sem gerðar voru í forval-
inu séu Grænaborg (Arkstudio ehf,
Hnit verkfræðistofa, Landmótun,
Raftákn, Yrki arkitektar), Mannvit
og Arkís arkitektar, Corpus3 (Basalt
arkitektar, Hornsteinar arkitektar,
Lota ehf og VSÓ ráðgjöf) og Verkís
og TBL.
Rannsóknahúsið er hluti af heild-
aruppbyggingu Nýs Landspítala við
Hringbraut. Aðrar byggingar eru
meðferðarkjarninn, sem er stærsta
byggingin í uppbyggingu Hring-
brautarverkefnisins, nýtt sjúkrahót-
el, sem verður tekið í notkun á árinu
og bílastæða-, tækni- og skrifstofu-
hús.
Mun skapa mikið hagræði
Gunnar Svavarsson, fram-
kvæmdastjóri NLSH, segir í frétta-
tilkynningu: „Fullnaðarhönnun nýs
rannsóknahúss í Hringbrautarverk-
efninu er enn einn áfanginn í verk-
áætlunum NLSH. Nýtt rannsókna-
hús mun skapa mikið hagræði hjá
Landspítalanum vegna sameiningar
allrar rannsóknastarfsemi spítalans
á einn stað. Þá eru samlegðaráhrif
við Háskóla Íslands mikil, en skólinn
mun reisa glæsilegt nýtt hús heil-
brigðisvísindasviðs sem verður tengt
rannsóknahúsinu. Samkvæmt okkar
áætlunum mun nýtt rannsóknahús
verða tekið í notkun á árinu 2024 í
samræmi við fjármálaáætlun ríkis-
stjórnarinnar.“
Verður 15,5 þúsund fermetrar
Í rannsóknahúsi Nýs Landspítala,
sem verður 15.550 fermetrar, mun
öll rannsóknastarfsemi spítalans
sameinast á einn stað. Starfseining-
ar í rannsóknahúsi verða meina-
fræði, rannsóknakjarni, klínísk líf-
efnafræði og blóðmeinafræði,
frumuræktunarkjarni, frumumeð-
höndlun, erfða- og sameindalæknis-
fræði, ónæmisfræði, rannsóknastofa
í gigtsjúkdómum og sýkla og veiru-
fræði. Einnig mun starfsemi Blóð-
banka flytjast í nýtt rannsóknahús.
Rannsóknahúsið mun tengjast
meðferðarkjarna og öðrum bygging-
um spítalans með sérstökum sjálf-
virkum flutningskerfum, einnig með
tengigöngum og tengibrúm. Á hús-
inu verður einnig þyrlupallur sem
tengdur verður meðferðarkjarnan-
um. Opnun tilboða verður hjá Rík-
iskaupum hinn 11. júní nk.
Fullnaðarhönnun í sumar
Tölvumynd/NLSH
Hagræði Rannsóknahúsið mun tengjast meðferðarkjarna og öðrum bygg-
ingum spítalans með sérstökum sjálfvirkum flutningskerfum.
Fjögur hönnunarteymi metin hæf til að taka þátt í útboði vegna rannsóknahúss
NLSH Á húsinu verður þyrlupallur sem tengdur verður meðferðarkjarnanum
Ómar Friðriksson
omfr@mbl.is
Heildarlaun félagsmanna VR voru
um 668 þúsund kr. á mánuði að
meðaltali í janúar á þessu ári. Í
sama mánuði í
fyrra voru þau
um 630 þúsund
og hækkuðu því
um 6,1%. Kjara-
samnings-
bundnar launa-
hækkanir á
þessum tíma
voru 4,5%.
Þetta má
lesa út úr nýrri launakönnun VR,
sem birt var í gær. Grunnlaun VR-
félaga voru að jafnaði um 622 þús-
und kr. í janúar en voru 588 þús-
und í janúar 2017. Starfsstéttir
hækkuðu mismikið, sölu- og af-
greiðslufólk sýnu mest eða um
10,5% þegar litið er á heild-
arlaunin. Heildarlaun skrif-
stofufólks hækkuðu á einu ári um
7,9% að meðaltali og heildarlaun
háskólamenntaðra sérfræðinga
hækkuðu um 6,3%.
Launadreifing starfsstéttanna
er veruleg. Heildarlaun deildar-
stjóra eru t.a.m. 794 þús. á mánuði
að jafnaði, tölvunarfræðingar með
háskólapróf eru með 801 þús. kr. á
mánuði að meðaltali, bókhalds-
fulltrúar eru með 539 þús. kr. að
meðaltali í heildarlaun og gjald-
kerar 575 þús.
Afgreiðslufólk á kassa var hins
vegar með umtalsvert lægri laun
eða 377 þús. kr. í grunnlaun á mán-
uði að meðaltali og heildarlaunin
voru lítið hærri eða 382 þúsund.
Lesa má úr könnuninni að fjórð-
ungur afgreiðslufólks á kassa var
með undir 300 þúsund kr. í heild-
arlaun á mánuði. Meðalheildarlaun
starfsmanna við ræstingar og þrif
eru 405 þús. kr. en starfsmenn við
framleiðslu og pökkun eru með 459
þús. kr. á mánuði að meðaltali skv.
könnuninni.
Kynbundinn launamunur með-
al félagsmanna í VR mælist nú
10% þegar tekið hefur verið tillit til
helstu áhrifaþátta á launin og hefur
hann verið svipaður nánast alla öld-
ina. Vinnutíminn hefur styst meðal
VR-félaga og er kominn undir 43
stundir á viku að meðaltali í fyrsta
skipti frá því launakönnun VR var
gerð fyrst.
,,Vinnuvika karla og kvenna er
mislöng, jafnvel meðal þeirra sem
eru í 100% starfshlutfalli. Karlar í
fullu starfi vinna að meðaltali 44,2
stundir á viku en konur 41,7 stund-
ir. Þegar litið er til allra svarenda,
ekki bara starfsfólks í fullu starfi,
sést að fleiri konur eru í hlutastarfi
en karlar en 91% karla eru í fullu
starfi en 77% kvenna,“ segir í um-
fjöllun VR um niðurstöðurnar.
Spurt var um fjölmörg atriði í
könnuninni. Fram kemur að karlar
fá frekar bílastyrk en konur. 34%
karla eru með fastan bílastyrk inni-
falinn í sínum heildarlaunum en
27% kvenna og að auki er sá styrk-
ur hærri, 55 þúsund að meðaltali á
móti 38 þúsund hjá konum.
Karlar fá frekar hlunnindi en
konur nema þegar kemur að styrk
til líkamsræktar. 60% karla og 44%
kvenna fá greiddan símakostnað
hjá vinnuveitanda, 54% karla fá
farsíma frá vinnunni en það á ein-
göngu við um 34% kvenna, 42%
karla fá fartölvu eða spjaldtölvu frá
vinnunni en það á eingöngu við um
32% kvenna. Hins vegar fá 48%
kvenna styrk frá vinnunni til lík-
amsræktar en hið sama fá 44%
karla.
Meðallaunin í VR
hækkuðu um 6,1%
Launamunur kynjanna innan VR 2000-2018
21%
18%
15%
12%
9%
Karlar Konur
’00 ’01 ’03* ’04 ’05 ’06 ’07 ’08 ’09 ’10 ’11 ’12 ’13 ’14 ’15 ’16 ’17 ’18
60%
44%
54%
34%
42%
32%
44% 48%
Heimild: VR
*Launakönnun var ekki gerð árið 2002
Munur á heildarlaunum
Kynbundinn launamunur
Fær greiddan síma-
kostnað
Fær farsíma frá
vinnunni
Fær fartölvu/spjald-
tölvu frá vinnunni
Fær styrk frá vinnunni
til líkamsræktar
13,4%
10,0%
20,4%
15,3%
Fjórðungur afgreiðslufólks á kassa undir 300 þúsundum
Úr könnun
» Færri en áður vinna fjar-
vinnu eða 35,8% í janúar sl.
» Helmingi svarenda í könn-
uninni standa til boða ávextir
og brauð á vinnustaðnum
» 55% hafa aðgang að nið-
urgreiddum mat (mötuneyti
eða aðkeyptum mat).
» Í a.m.k. helmingi fyrir-
tækja þar sem starfsmenn eru
20 eða fleiri, niðurgreiðir fyrir-
tækið mat starfsmanna.
Fyrrverandi formenn stjórnar
Krabbameinsfélags Íslands (KÍ),
hafna staðhæfingum Kristjáns
Oddssonar, fyrrverandi sviðsstjóra
leitarsviðs KÍ, í fréttaþættinum
Kveik hinn 24. apríl síðastliðinn. Frá
þessu segir í yfirlýsingu, undirrit-
aðri af Sigurði Björnssyni, Sigríði
Snæbjörnsdóttur, Jakobi Jóhanns-
syni og Sigrúnu Gunnarsdóttur.
Þar segir að Kristjáni hafi verið
vísað úr starfi haustið 2017 eftir erf-
ið samskipti. Fjölmargar staðhæf-
ingar hans í þættinum séu rangar og
alvarlegustu ósannindin séu að mis-
farið hafi verið með fé til krabba-
meinsskimunar og því varið til
óskyldra málefna.
Heilbrigðisyfirvöld greiði KÍ fyrir
skimun á grundvelli þjónustusamn-
ings, sem byggist á ítarlegri kröfu-
lýsingu. Kostnaður við rekstur Leit-
arstöðvarinnar sé aðskilinn frá
öðrum rekstri félagsins. Sameig-
inlegum kostnaði hafi verið skipt
niður á rekstrareiningar sl. 40 ár.
Sérgreindir ársreikningar Leit-
arstöðvarinnar séu ávallt endur-
skoðaðir af löggiltum endurskoð-
endum og sendir eftirlitsaðilunum
Sjúkratryggingum Íslands, velferð-
arráðuneyti, Ríkisendurskoðun og
Ríkisskattstjóra, sem hafi engar at-
hugasemdir gert.
Hafna stað-
hæfingum um
rekstur KÍ
Grafinn lax
- Láttu það eftir þér
Söluaðilar:10-11,Hagkaup,Kostur,Icelandverslanir,Kvosin,Melabúðin,
Nettó, Samkaup, Pure Food Hall flugstöðinni Keflavík, Sunnubúðin.
Gunnar Bragi Sveinsson, þingmaður
Miðflokksins, vildi á Alþingi í gær
vita hvernig bæri að skilja það orða-
lag í skýrslu utanríkisráðherra um
bætta framkvæmd EES-samnings-
ins, að ríkisstjórnin hefði kunngert
Evrópusambandinu að gert hefði
verið algert hlé á aðildarviðræðum.
„Hvað er algert hlé? Ég hélt að
annaðhvort væri hlé eða ekki hlé. Er
ráðherrann að gefa annað í skyn í
þessu riti, og ég spyr þá: Er það hluti
af díl þessara stjórnarflokka að hafa
orðalagið með þessum hætti, að ekki
sé skýrar kveðið á um að við erum
ekki umsóknarríki og verðum ekki
umsóknarríki á næstunni?“ sagði
Gunnar Bragi. Hann sagði að þegar
viðræðunum var hætt hefði verið al-
veg skýrt að það var ekkert eftir af
því ferli.
Hélt ég hefði talað frekar skýrt
Guðlaugur Þór Þórðarson utan-
ríkisráðherra sagði að Gunnar Bragi
þekkti vel hvernig gengið var frá
þessum málum á sínum tíma enda
hefði hann þá verið utanríkisráð-
herra. „Ég hef ekki fundið neinn
áhuga hjá samstarfsflokkum mínum
á því að daðra við aðild að Evrópu-
sambandinu, hvað þá að ganga eitt-
hvað lengra. Ég hélt að ég hefði talað
frekar skýrt þegar kemur að því
hvaða skoðun ég hef á aðild að Evr-
ópusambandinu en það er augljóst
að maður þarf að tala eitthvað skýr-
ar en maður hefur gert,“ sagði Guð-
laugur og bætti við að hann sjálfur
teldi afskaplega óskynsamlegt fyrir
Ísland að gerast aðili að Evrópusam-
bandinu.
Gunnar Bragi sagði óheppilegt
þegar ráðherra kæmi með skýrslu
inn í Alþingi þar sem velt væri upp
orðum sem gætu ýtt undir aðrar
hugmyndir eins og orðin algert hlé,
nema það væri til einhvers konar
önnur túlkun á því.
„Ég reyndar gáði ekki í íslenska
orðabók hvað algert hlé þýðir Ég
veit ekki hvort það sé til skilgreining
á því þar. Ég hélt að hlé væri bara
hlé.“ gummi@mbl.is
„Hélt að hlé
væri bara hlé“