Morgunblaðið - 30.05.2018, Blaðsíða 6
BAKSVIÐ
Jón Birgir Eiríksson
jbe@mbl.is
Viðræður um myndun meirihluta
þokast áfram í ýmsum sveitar-
félögum landsins eftir sveitar-
stjórnarkosningarnar um helgina.
Formlegar viðræður eru hafnar í
nokkrum sveitarfélögum.
Sjálfstæðisflokkurinn og Fram-
sókn og óháðir í Hafnarfirði hófu
formlegar meirihlutamyndunar-
viðræður í gær. Oddviti Bæjarlist-
ans, sem nú bauð fram í fyrsta sinn,
sat á síðasta kjörtímabili í meiri-
hluta Sjálfstæðisflokks og Bjartrar
framtíðar fyrir síðarnefnda flokk-
inn.
Endurtelja þurfti atkvæði í Hafn-
arfirði, en endurtalningin breytti
niðurstöðu kosninganna í engu.
Fái áform sjálfstæðismanna og
Framsóknar og óháðra framgang,
mun meirihluti þeirra vera sex
menn, fimm úr Sjálfstæðisflokki og
einn frá Framsókn og óháðum.
Sjálfstæðismenn tvístígandi
Theodóra Þorsteinsdóttir, oddviti
BF/Viðreisnar í Kópavogi, sagði í
samtali við mbl.is í gær að eðlilegt
væri fyrir flokkinn að ræða við sjálf-
stæðismenn fyrst, í ljósi þess að
meirihluti flokkanna hélt. „Ég er
enn á sama stað og opin fyrir við-
ræðum,“ sagði hún í samtali við
mbl.is.
Athygli vekur að sjálfstæðismenn
og BF/Viðreisn hafi ekki tekið upp
samræður eftir niðurstöðu kosning-
anna. Heimildir Morgunblaðsins
herma að óánægja ríki hjá nokkrum
hluta sjálfstæðismanna í Kópavogi
með meirihlutasamstarf flokksins
við Bjarta framtíð á síðasta kjör-
tímabili. Hugnast þessum hópi sjálf-
stæðismanna ekki samstarf með
BF/Viðreisn og hallast frekar að því
að leita til framsóknarmanna.
Stjórnir fulltrúaráðs sjálfstæðis-
félaganna í Kópavogi og sjálfstæðis-
félagsins funduðu í gærkvöldi til að
ræða stöðu mála í stjórnarmynd-
unarviðræðunum.
Allt hljótt í Reykjavík
Oddvitar tveggja flokka sem
fengu einn mann kjörinn í Reykja-
vík, Vigdís Hauksdóttir, Miðflokki,
og Kolbrún Baldursdóttir, Flokki
fólksins, höfðu lítið að segja við
mbl.is í gær. Vigdís kvaðst ekki vita
til þess að fundir hefðu verið boð-
aðir, í það minnsta ekki með Mið-
flokknum. Kolbrún tók í sama
streng, en nefndi að almennt óform-
legt samtal stæði enn yfir milli
flokkanna. Treglega gekk að öðru
leyti að ná í oddvita flokkanna í
Reykjavík í síma í gær.
Viðræður víða langt komnar
Eyjalistinn og H-listinn, Fyrir
Heimaey, funduðu hvor í sínu lagi í
gærkvöldi og ákváðu í kjölfarið að
hefja formlegar viðræður um meiri-
hlutasamstarf. Njáll Ragnarsson,
oddviti Eyjalistans, sagði í samtali
við mbl.is í gær að kröfur listans
yrðu ekki hunsaðar í meirihluta-
viðræðum. Spurður hvort flokk-
urinn myndi þá selja sig dýrt kvað
hann Eyjalistann þurfa að horfast í
augu við það að hafa misst mann í
kosningunum. „En þegar allt kemur
til alls þá snýst þetta um að gera
það sem er best fyrir bæinn og þá er
það kannski vilji bæjarbúa að hags-
munir bæjarins verði teknir ofar
hagsmunum okkar,“ sagði hann.
Síðdegis í gær hófu Framsókn-
arflokkur og Sjálfstæðisflokkur
formlegar viðræður um myndun
meirihluta á Ísafirði. Framsókn-
arflokkurinn var í oddastöðu eftir
kosningar og ræddi óformlega við
bæði Sjálfstæðisflokk og Í-lista.
Marzellíus Sveinbjörnsson, odd-
viti framsóknarmanna, sagði í sam-
tali við mbl.is í gær að auglýst yrði
eftir ópólitískum bæjarstjóra „svo
langt sem það geti náð“.
Í Mosfellsbæ eru viðræður Sjálf-
stæðisflokks og Vinstri grænna
langt komnar efnislega. Flokkarnir
hittast á föstudag til að ganga frá
lausum endum í drögum að sam-
starfssáttmála.
Í Reykjanesbæ hófust formlegar
viðræður um myndun meirihluta í
gær milli Samfylkingar, Framsókn-
arflokks og Beinnar leiðar. Flokk-
arnir þrír hafa sammælst um að
Kjartan Már Kjartansson verði
áfram bæjarstjóri. Samfylking, L-
listi og Framsóknarflokkur ræða
möguleika á áfamhaldandi samstarfi
á Akureyri.
Samstarf víða í burðarliðnum
Meirihluti Eyjalista og Fyrir Heimaey í smíðum Sjálfstæðismenn leita á ný mið í Hafnarfirði
Sjálfstæðismenn í Kópavogi eru tvístígandi Lítið heyrist frá oddvitum flokkanna í Reykjavík
Morgunblaðið/Árni Sæberg
Kosningar Myndun meirihluta er misvel á veg komin í sveitarfélögunum. Fjöldi flokka og atkvæðadreifing veldur því stundum að viðræðurnar flækjast.
Morgunblaðið/Ómar
Hafnarfjörður Rósa Guðbjartsdóttir, Sjálfstæðisflokki og Guðlaug Krist-
jánsdóttir, nú BF/Viðreisn, munu að óbreyttu ekki halda áfram samstarfi.
6
MORGUNBLAÐIÐ MIÐVIKUDAGUR 30. MAÍ 2018
Leitar þú að traustu
BÍLAVERKSTÆÐI
Smiðjuvegur 30 (GUL GATA) | 200 Kópavogi
Sími 587 1400 |www. motorstilling.is
SMURÞJÓNUSTA < HJÓLBARÐAÞJÓNUSTA
TÍMAPANTANIR
587 1400
Við erum sérhæfðir í viðgerðum
á amerískum bílum.
Mótorstilling býður almennar
bílaviðgerðir fyrir allar tegundir bíla.
Nokkur tímamót verða hjá HB
Granda eftir sjómannadag er togar-
inn Viðey RE heldur til veiða. Þá lýk-
ur endurnýjun á ísfiskflota fyrirtæk-
isins, en þrír nýir togarar smíðaðir í
Tyrklandi, Engey, Akurey og Viðey,
komu til landsins í fyrra í stað
þriggja mun eldri ísfisktogara.
Undanfarið hefur verið unnið að
því setja búnað á millidekk og í lest
Viðeyjar hjá Skaganum 3X á Akra-
nesi. Reiknað er með að skipið fari í
„tæknitúr“ eftir næstu helgi og í
framhaldinu í hefðbundinn rekstur
og veiðar undir álagi. Jóhannes Ell-
ert Eiríksson skipstjóri og hans
menn á Ottó N. Þorlákssyni fara yfir
á Viðey.
Ottó N. Þorláksson var smíðaður
hjá skipasmíðastöðinni Stálvík í
Garðabæ 1981 fyrir Bæjarútgerð
Reykjavíkur. Skipið hefur reynst
einstaklega vel, að sögn Vilhjálms
Vilhjálmssonar, forstjóra HB
Granda. Ottó var seldur til Ísfélags
Vestmannaeyja í desember síðast-
liðnum og var söluverðið 150 millj-
ónir króna. Ottó kom úr sinni síðustu
veiðiferð fyrir HB Granda á sunnu-
dag og verður afhentur nýjum eig-
endum í slippnum í Reykjavík, en
þar verður skipið m.a. botnskoðað og
málað. Það kemst trúlega ekki í slipp
fyrr en eftir helgi en nú eru þar
Heimaey, sem Ísfélagið gerir út, og
hvalbátur.
Engey kom í staðinn fyrir ísfisk-
togarann Ásbjörn RE sem var seld-
ur fyrir 50 milljónir til kaupenda í Ír-
an. Þriðji af gömlu ísfisktogurum HB
Granda, Sturlaugur H. Böðvarsson
AK, liggur við bryggju í Reykjavík.
Áður hafði HB Grandi endurnýjað
uppsjávarflotann með smíði á tveim-
ur skipum í Tyrklandi, Venusi NS og
Víkingi AK. Þau skip komu árið 2015
í staðinn fyrir Lundey NS, Ingunni
AK og Faxa RE. Loks má nefna að á
Spáni er stór frystitogari í smíðum
fyrir fyrirtækið, en frystitogarinn
Þerney var seldur til Suður-Afríku í
fyrrahaust fyrir um 1.350 milljónir
króna. aij@mbl.is
Endurnýjun ísfiskflota lýkur
Viðey RE held-
ur til veiða eftir
sjómannadag
Morgunblaðið/Árni Sæberg
Í brúnni Jóhannes Ellert Eiríksson,
skipstjóri á Viðey RE.
ÚRSLIT SVEITARSTJÓRNARKOSNINGA 2018
Ármann Kr. Ólafsson, bæjar-
stjóri Kópavogs, var oftast
strikaður út í bæjarstjórnar-
kosningunum þar, 179 sinnum.
Þar á eftir komu Birkir Jón
Jónsson, oddviti Framsóknar-
flokksins, með 14 útstrikanir og
Theodóra Þorsteinsdóttir með
12 útstrikanir.
Í Reykjavík var oftast strik-
aður út Eyþór Arnalds, oddviti
Sjálfstæðisflokksins, 544 sinn-
um. Þórdís Lóa Þórhallsdóttir,
oddviti Viðreisnar, kom á eftir
honum og var strikuð út 83
sinnum. Dagur B. Eggertsson
borgarstjóri var strikaður út 77
sinnum.
Í engu tilviki höfðu útstrik-
anir áhrif á úrslit sveitarstjórn-
arkosninganna.
Höfðu
engin áhrif
ÚTSTRIKANIR