Morgunblaðið - 06.07.2018, Side 25

26 ÍSLENDINGAR
MORGUNBLAÐIÐ FÖSTUDAGUR 6. JÚLÍ 2018
Halldóra Vífilsdóttir arkitekt á 50 ára afmæli í dag. Hún hóf störfhjá Landsbankanum 1. desember síðastliðinn. og vinnur húnvið verkefnisstjórn vegna uppbyggingar bankans við Austur-
bakka. Hún hætti þá störfum sem forstjóri Framkvæmdasýslu ríkisins
en hún hafði verið forstjóri þar frá 2014.
„Við erum núna í frumhönnunarfasanum en allir hönnuðir eru komn-
ir að borðinu. Byggingin verður 22.000 fermetrar en verður brotin upp
í smærri misháar byggingar. Þannig er dregið úr stærð hússins.“
Landsbankahúsið verður á móts við Seðlabankann, sem sagt hinum
megin við Kalkofnsveginn en á reitnum eru að rísa hótel, íbúðir og
verslanir. Stefnt er á að hefja undirbúningsframkvæmdir við Lands-
bankahúsið um næstu áramót.
Áhugamál Halldóru eru fjölskyldan og vinir, útivist, hreyfing, lax-
veiði, skíði, gönguferðir og ferðalög, og að sjálfsögðu arkitektúr og
hönnun. Halldóra er þegar búin að fara í veiði í sumar og það var í
Langá á Mýrum. „Það er árviss viðburður hjá fjölskyldunni að vera við
opnun í Langá og svo förum við alltaf í Selá í ágúst. Við erum orðnir
fjórir ættliðir við bakkann; foreldrar mínir, bræður og mágkona og svo
börn og barnabörn, og eru þetta sérstaklega skemmtilegar stundir.“
Eiginmaður Halldóru er Þór Sigfússon hjá Íslenska sjávarklasanum.
Börn þeirra eru Oddur Ísar, sem er að verða 18 ára, nemi í FG, og Krist-
ína Katrín, 14 ára, nemi í Garðaskóla og fótboltastelpa. „Ég er því líka
alltaf á hliðarlínunni.“
Í tilefni dagsins ætlar Halldóra að bjóða konum í freyðandi föstudag á
heimili sínu.
Fjölskyldan Við opnun Langár á einum sólardegi sumarsins, 20. júní.
Freyðandi föstudagur
Halldóra Vífilsdóttir er fimmtug í dag
D
óra Ólafsdóttir fæddist í
Sigtúnum á Kljáströnd
í Suður-Þingeyjarsýslu
6.7. 1912 og ólst þar
upp. Þá var Kljáströnd
útgerðarbær en þar var umtalsverð
útgerð, verslun og læknir. Í upphafi
síðustu aldar var lagður sími á milli
Höfða og Kljástrandar en faðir Dóru
lærði símtækni í Noregi, fyrstur Ís-
lendinga. Dóra stundaði nám við MA
og lauk þaðan gagnfræðaprófi og var
við störf í Kaupmannahöfn um og
upp úr 1930. Hún var lengst af hús-
freyja á Akureyri og starfaði við
Landsímann á Akureyri í 40 ár. Hún
býr nú á Dvalar- og hjúkrunarheim-
ilinu Skjóli í Reykjavík.
En hvernig tilfinning er það að
vera orðin 106 ára? Dóra segist
hvorki skilja upp né niður í því
hvernig á því standi að hún sé ekki
löngu horfin á vit forfeðra sinna. Svo
hlær hún. „Þetta er allt í lagi meðan
ég get stigið í fæturna. Ég get gengið
í mat og kaffi. Ég hef ekkert slakað á
því.“ Aldurinn hefur sett sitt mark á
Dóru en hugsunin er skýr þótt sjón
og heyrn hafi dalað talsvert.
Dóra hefur keypt Morgunblaðið
um árabil og les það spjaldanna á
milli þegar það berst henni í Skjól.
„Ég er sérstaklega hrifin af greinum
Jóns Steinars lögmanns. Hann er
rökfastur. Ég les annars það í Mogg-
anum sem mér finnst þess virði. Þar
hef ég fréttirnar sem ég sé ekki leng-
ur í sjónvarpinu.“
Dóra er mikil áhugakona um fót-
bolta og fylgdist vel með „strákunum
okkar“ þegar þeir spiluðu í Rúss-
landi. Sjóndepurð kom í veg fyrir að
Dóra gæti notið sjónvarpsútsendinga
til fulls – en hún sá nóg til að segja
eftir leikina að það hefði vantað dálít-
inn kraft í piltana þegar þeir spörk-
uðu í boltann! Að sjálfsögðu las hún
svo um leikina þegar Morgunblaðið
barst henni næsta dag.
Þeim fækkar sem geta sagt með
sanni að þeir hafi séð Kötlu gjósa ár-
ið 1918. Dóra var í Höfða í Grýtu-
bakkahreppi þegar hún og aðrir
heimilismenn sáu eldglæringar á
Dóra Ólafsdóttir, fyrrverandi húsfreyja á Akureyri – 106 ára
Afmælið í fyrra F.v.: Laufey Dóra Áskelsdóttir, Aðalsteinn Arnarson, Hildur Ósk Aðalsteinsdóttir, Hulda Björk Jó-
hannsdóttir, Vilborg Aðalsteinsdóttir, Hákon Aðalsteinsson, Dóra K. Drexler, Ása Drexler og Dóra Ólafsdóttir.
Sá Matthías Jochums-
son og sá Kötlu gjósa
Afmælisbarnið Ný mynd af Dóru.
Reykjavík Ásdís Björk fæddist 6.
júlí 2017 kl. 5.36 og á því eins árs
afmæli í dag. Hún vó 4.072 g og
var 52 cm löng. Foreldrar hennar
eru Jóna Katrín Guðnadóttir og
Haraldur Björnsson.
Nýr borgari
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Illuminate colour
Illuminate colour línan er byggð á lífrænni Acai olíu og hörfræ olíu.
Þessar nærandi olíur eru notaðar til að byggja upp mýkt
og hjálpar við viðgerð á hárinu.
Næringaríka olían er full af omega 3, omega 6 og
öðrum fjölbreyttum vítamínum. Eins og t.d. B1,B2, B3
og Vítamín C+D. Ávinningur þessara efna bjóða
upp á fullkomna blöndu af auknum gljáa og ljóma.
Modus Hár og Snyrtistofa - Smáralind | harvorur.is
REF Stockholm er 12 ára gamalt
Professional haircare merki
REF Stockholm er 100 % Vegan ,
sulfate, Paraben, glúten
og Cruelity free
Sjá nánar á harvorur.is
Börn og brúðhjón
Allir þeir sem senda blaðinu mynd af nýjum borgara eða mynd af
brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinnimbl.is/islendingar
eða á islendingar@mbl.is
Á opnunni „Íslendingar“ í
Morgunblaðinu er sagt frá
merkum viðburðum í lífi
fólks, svo sem stórafmælum,
hjónavígslum, barnsfæðingum
og öðrum tímamótum.