Morgunblaðið - 18.08.2018, Síða 23
FRÉTTIR 23Erlent
MORGUNBLAÐIÐ LAUGARDAGUR 18. ÁGÚST 2018
Á myndinni sést útskriftarathöfn hermanna í Al-
þýðuandspyrnunefndunum (PRC) sem styðja rík-
isstjórn Abedrabbos Mansours Hadis forseta í
yfirstandandi borgarastyrjöld í Jemen. Samein-
uðu þjóðirnar hafa boðið fulltrúum ríkisstjórnar
Hadis og uppreisnarhreyfingar Húta til friðar-
viðræðna í Genf í næsta mánuði til að binda enda
á stríðið.
Jemenska ríkisstjórnin bindur ekki miklar
vonir við friðarviðræðurnar. Embættismenn
hennar telja að Hútar muni ekki gefa nógu mikið
eftir til að hægt sé að semja við þá.
Jemen
AFP
Binda ekki miklar vonir við komandi friðarviðræður
Þorgrímur Kári Snævarr
thorgrimur@mbl.is
Að minnsta kosti 324 manns hafa
látist í flóðum sem gengið hafa yfir
þorp í indverska fylkinu Kerala upp
á síðkastið í kjölfar einnar mestu úr-
komu sem þar hefur sést. Indverska
innanríkisráðuneytið hefur tilkynnt
dauða 868 manns í ýmsum fylkjum
landsins frá því að flóðin hófust. Að
sögn héraðsráðherrans Pinarayi
Vijayan er um að ræða „verstu flóð í
100 ár“.
Samkvæmt frétt BBC hafa um
200.000 manns misst heimili sín í
flóðunum og hírast nú í tjaldbúðum.
AFP greinir frá því að fjöldi manns
sé einnig í sjálfheldu vegna flóðanna
og að yfirvöld héraðsins hafi varað
við því að frekara úrhellisregn sem
spáð hefur verið gæti haft í för með
sér frekari eyðileggingu og fleiri
dauðsföll.
„Við erum að senda út fleiri báta
og hermenn til þess að hjálpa til við
björgunaraðgerðir,“ sagði héraðs-
embættismaðurinn P. H. Kurian við
AFP. Um er að ræða rúmlega 30
herþyrlur og 320 báta sem keppast
nú við að bjarga íbúum Kerala. Að
sögn stjórnvalda hefur þúsundum
manns þegar verið bjargað en enn
bíða um 6.000 bjargvætta sinna.
41 fljót rennur í gegnum Kerala-
fylki í Arabíuhaf og að sögn yfir-
valda hafa 80 stíflur verið opnaðar í
Kerala til þess að reyna að létta á
flóðinu.
„Við erum nú vitni að nokkru sem
hefur aldrei áður gerst í sögu Ker-
ala,“ sagði Vijayan við blaðamenn.
„Næstum allar stíflur hafa brostið.
Flest vatnsver okkar eru á kafi og
vélarnar hafa orðið fyrir skemmd-
um.“
„Ekkert vatn og matur“
Samkvæmt veðurstofu Indlands
hefur Idukki, sveitarfélag í miðju
Kerala-fylki, farið á kaf í um þriggja
metra djúpt vatn vegna úrkomunn-
ar. Svæðið er því nær einangrað frá
umheiminum og erfitt hefur reynst
að koma birgðum og annarri hjálp
þangað. Embættismenn telja að um
10.000 km vega hafi farið á kaf eða
grafist undir skriðum vegna flóð-
anna.
Alþjóðaflugvelli Kerala-fylkis hef-
ur verið lokað fram á 26. ágúst og
mögulega lengur vegna hamfar-
anna. Auk þess sem ferðaþjónusta
hefur hrunið hefur gúmmífram-
leiðsla, ein arðbærasta iðnaðargrein
Kerala, orðið fyrir verulegum
skemmdum vegna flóðanna.
Íbúar Kerala hafa nýtt sér sam-
félagsmiðla til þess að kalla á hjálp
og til þess að vísa björgunarsveitum
veginn til sín. Þetta hefur þó reynst
sumum erfitt, þar sem ekki er hægt
að reiða sig á símsamband í þessum
hamförum. „Fjölskylda mín og ná-
grannafjölskyldurnar eru í vand-
ræðum út af flóðinu á Pandanad
nakkada-svæðinu í Alappuzha,“
skrifaði íbúinn Ajo Varghese í Fa-
cebook-færslu sem hefur vakið
mikla athygli. „Ekkert vatn og mat-
ur. Ekki hægt að hafa samband frá
og með kvöldinu. Farsímar eru
sambandslausir og slökkva á sér.
Gerið það, hjálpið okkur ... enginn
kemur til bjargar.“
Narendra Modi, forsætisráðherra
Indlands, fór til Kerala í gær til
þess að meta stöðuna og skemmd-
irnar.
Fylki á bólakafi á Indlandi
Hundruð manna látin vegna flóðs í Kerala-fylki á Indlandi „Verstu flóð í 100 ár,“ segir fylkis-
ráðherrann „Við erum nú vitni að nokkru sem hefur aldrei áður gerst í sögu Kerala“
AFP
Flóð Fólk Svamlar í gegnum vatn á götum Kozhikode í norðurhluta
Trivandrum í Kerala í gær. Rúmlega 300 manns hafa látist í fylkinu.
Mannréttindaráð
Sameinuðu þjóð-
anna komst í
gær að þeirri
niðurstöðu að
Brasilíumönnum
beri að leyfa
Lula da Silva,
fyrrverandi for-
seta Brasilíu, að
bjóða sig fram í
forsetakosningum sem haldnar
verða í nóvember. Lula er í fang-
elsi fyrir peningaþvætti en hefur
þó verið sigurstranglegur í skoð-
anakönnunum. Kjörgengi hans
gæti skipt sköpum fyrir útkomu
kosninganna.
SÞ segir Brasilíu-
mönnum að leyfa
framboð Lula
Lula da Silva
Slóvenska þingið staðfesti í gær
fyrrverandi gamanleikarann Mar-
jan Šarec sem nýjan forsætisráð-
herra landsins. Stjórnarkreppa hef-
ur ríkt í Slóveníu frá því að
kosningar voru haldnar hinn 3. júní
síðastliðinn. Í kosningunum fékk
Lýðræðisflokkur Slóveníu, hægri-
flokkur forsætisráðherrans fyrr-
verandi Janez Janša, flest atkvæði
en tókst ekki að mynda þingmeiri-
hluta. Šarec hefur nú myndað
minnihlutastjórn miðvinstriflokka.
Šarec er 40 ára og þar með yngsti
forsætisráðherra Slóveníu.
Nýr forsætisráð-
herra Slóveníu
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma