Morgunblaðið - 18.08.2018, Side 29

MINNINGAR 29Messur á morgun
MORGUNBLAÐIÐ LAUGARDAGUR 18. ÁGÚST 2018
AKUREYRARKIRKJA | Messa kl.
11. Prestur er Guðmundur Guðmunds-
son. Félagar úr Kór Akureyrarkirkju
syngja. Organisti er Petra Björk Páls-
dóttir.
ÁRBÆJARKIRKJA | Guðsþjónusta
með virkri þátttöku fermingarbarna
sem tekið hafa þátt í ágústnámskeiði
kirkjunnar. Eftir guðsþjónustuna er
stuttur fundur með foreldrum
barnanna þar sem farið verður yfir
dagskrártilhögun vetrarins.
ÁSKIRKJA | Messa kl. 11. Skírn.
Séra Sigurður Jónsson sóknarprestur
prédikar og þjónar fyrir altari ásamt
Kristnýju Rós Gústafsdóttur djákna.
Félagar úr Kór Áskirkju syngja. Org-
anisti er Bjartur Logi Guðnason. Kaffi-
sopi í Ási eftir messu.
BESSASTAÐAKIRKJA | Messa kl.
11. Sr. Jóna Hrönn Bolladóttir prédik-
ar og þjónar fyrir altari. Organisti er
Helga Þórdís Guðmundsdóttir.
BORGARNESKIRKJA | Guðsþjón-
usta kl. 11. Kór Akureyrarkirkju tekur
þátt í helgihaldinu. Organisti er Stein-
unn Árnadóttir. Prestur er Þorbjörn
Hlynur Árnason.
BREIÐHOLTSKIRKJA | Messa kl.
11. Prestur er Magnús Björn Björns-
son. Organisti er Örn Magnússon.
Ensk bænastund kl. 14. Prestur er
Toshiki Toma.
BÚSTAÐAKIRKJA | Messa kl. 11.
Fermingarbörn og foreldrar sér-
staklega boðin velkomin. Kór Bú-
staðakirkju og Jónas Þórir. Messu-
þjónar aðstoða. Prestur er Pálmi
Matthíasson.
DIGRANESKIRKJA | Messa kl. 11.
Prestur er Gunnar Sigurjónsson. Org-
anisti er Sólveig Sigríður Einarsdóttir.
Veitingar í safnaðarsal að messu lok-
inni. Fundur með fermingarbörnum og
foreldrum þeirra eftir messu.
Dómkirkja Krists konungs,
Landakoti | Messa á sunnud. kl.
8.30 á pólsku, kl. 10.30 á íslensku,
kl. 13 á pólsku og kl. 18 á ensku.
Virka daga kl. 18, og má. mi. og fö. kl.
8, lau. kl. 16 á spænsku og kl. 18 er
vigilmessa.
DÓMKIRKJAN | Messa kl. 11, sr.
Hjálmar Jónsson prédikar og þjónar
fyrir altari. Dómkórinn og Kári Þormar.
Bílastæði við Alþingi.
EGILSSTAÐAKIRKJA | Kvöldmessa
19. ágúst kl. 20. Sr. Þorgeir Arason
prédikar og þjónar fyrir altari. Org-
anisti er Torvald Gjerde.
FELLA- og Hólakirkja | Helgistund
að sumri kl. 20. Sr. Jón Ómar Gunn-
arsson þjónar og prédikar. Einsöngur
Inga Backmann. Arnhildur Valgarðs-
dóttir er organisti. Kirkjuvörður og
meðhjálpari er Jóhanna Freyja Björns-
dóttir. Kaffisopi eftir stundina.
FRÍKIRKJAN Reykjavík | Ferming-
armessa 19. ágúst kl. 14. Séra Hjört-
ur Magni Jóhannsson þjónar fyrir alt-
ari. Hljómsveitin Mantra og
Sönghópurinn við Tjörnina leiða tón-
listina ásamt Gunnari Gunnarssyni,
organista. Messukaffi í safnaðarheim-
ili að athöfn lokinni.
GARÐAKIRKJA | Sumarmessur
Garðaprestakalls eru kl. 11 alla daga í
ágúst í Bessastaðakirkju.
GLERÁRKIRKJA | Kvöldstund í kirkj-
unni kl. 20 á sunnudag. Valmar Välja-
ots spilar spunatónlist m.a. á fiðluna.
Sr. Stefanía G. Steinsdóttir leiðir
stundina. Helgistund og tónlist-
arsyrpa.
GRAFARVOGSKIRKJA | Kaffi-
húsamessa kl. 11. Séra Guðrún Karls
Helgudóttir þjónar og barn verður bor-
ið til skírnar. Organisti er Hákon Leifs-
son og forsöngvari leiðir söng.
GRENSÁSKIRKJA | Messa kl. 11.
Sr. María Ágústsdóttir prédikar og
þjónar fyrir altari og Ásta Haraldsdóttir
leikur undir sönginn sem Kirkjukór
Grensáskirkju leiðir. Heitt á könnunni.
GUÐRÍÐARKIRKJA í Grafarholti |
Kvöldguðsþjónusta sunnudag kl. 20.
Prestur er Leifur Ragnar Jónsson. Org-
anisti er Hrönn Helgadóttir og kór Guð-
ríðarkirkju syngur. Kirkjuvörður er
Lovísa Guðmundsdóttir. Kaffisopi í
boði eftir messuna.
HAFNARFJARÐARKIRKJA | Helgi-
stund kl. 11. Guðmundur Sigurðsson
organisti leikur á barokk-orgel kirkj-
unnar; forspil, eftirspil og með sálma-
söng. Sr. Þórhildur Ólafs leiðir stund-
ina. Kaffi í safnaðarheimili
Hafnarfjarðarkirkju eftir samveruna.
HÁTEIGSKIRKJA | Messa kl. 11.
Séra Helga Soffía Konráðsdóttir pré-
dikar og þjónar fyrir altari ásamt séra
Eiríki Jóhannssyni. Fermingarbörn
vorsins 2019 boðin velkomin ásamt
foreldrum sínum og tekið við skrán-
ingum í fermingarfræðslu vetrarins.
Félagar úr Kór Háteigskirkju syngja.
Organisti er Kristján Hrannar Pálsson.
Samskot dagsins renna til samtak-
anna Pieta.
HJALLAKIRKJA Kópavogi | Á
sunnudaginn kemur endum við nám-
skeiðið á messu kl. 11 sem ferming-
arbörnin taka þátt í ásamt því að þau
munu ganga til altaris. Bræðurnir
Markús og Birkir Bjarnasynir sjá um
tónlistina. Prestar eru Sunna Dóra og
Karen Lind. Við hvetjum foreldra ferm-
ingarbarnanna og fjölskyldur til að
mæta.
ÍSLENSKA Kristskirkjan | Almenn
samkoma sunnudag með lofgjörð og
fyrirbænum. Stephen Powell frá USA
kemur til okkar og prédikar. Eftir
stundina verður boðið upp á kaffi og
gott samfélag.
KEFLAVÍKURKIRKJA | Sunnudags-
kvöldið 19. ágúst kl. 20 verður kvöld-
messa í Kapellu vonarinnar. Elmar Þór
syngur, Arnór organisti leikur undir og
sr. Erla flytur hugleiðingu.
KÓPAVOGSKIRKJA | Messa kl. 11.
Sigurður Arnarson, sóknarprestur,
prédikar og þjónar fyrir altari ásamt
Ástu Ágústsdóttur djákna. Kór Kópa-
vogskirkju syngur undir stjórn Lenku
Mátéová kantors kirkjunnar. Vænt-
anleg fermingarbörn 2019 eru sér-
staklega boðuð til messu ásamt for-
eldrum eða forráðamönnum. Fundur
um vetrarstarfið og fermingarund-
irbúning verður strax eftir messu.
LANGHOLTSKIRKJA | Messa kl. 11.
Guðbjörg Jóhannesdóttir og Jóhanna
Gísladóttir prestar þjóna ásamt ferm-
ingarbörnum vetrarins. Fjölskyldur
fermingarbarnanna sérstaklega boðn-
ar velkomnar. Félagar úr Fílharm-
óníunni leiða sönginn undir stjórn
Magnúsar Ragnarssonar organista.
Léttar veitingar að messu lokinni.
LAUGARNESKIRKJA | Bæna- og
íhugunarguðsþjónusta 19. ágúst
klukkan 20. Séra Eva Björk Valdimars-
dóttir þjónar og Elísabet Þórðardóttir
er organisti.
LÁGAFELLSKIRKJA | Guðsþjónusta
kl. 11. Í athöfninni verður barn fermt.
Prestur er Ragnheiður Jónsdóttir. Org-
anisti er Þórður Sigurðarson. Kirkjukór
Lágafellssóknar syngur og leiðir safn-
aðarsöng.
LINDAKIRKJA í Kópavogi | Sunnu-
dagaskóli verður á sínum stað kl. 11.
Guðsþjónusta kl. 20 sem er jafnframt
uppskeruhátíð fermingarfræðsludaga
sem staðið hafa yfir þessa viku. Ferm-
ingarbörn og fjölskyldur þeirra sér-
staklega velkomin. Kór Lindakirkju
syngur undir stjórn Óskars Ein-
arssonar. Prestar safnaðarins þjóna.
NESKIRKJA | Prjónamessa kl. 11.
Félagar í prjónahópi sem hittist í kirkj-
unni aðstoða í messunni og prjóna af
kappi undir prédikun. Kór Neskirkju
syngur undir stjórn Steingríms Þór-
hallssonar organista. Prestur er Stein-
unn Arnþrúður Björnsdóttir. Allir vel-
komnir, með eða án handavinnu. Litir
og blöð fyrir yngstu kynslóðina. Hress-
ing og samfélag á kaffitorginu eftir
messu.
PRESTBAKKAKIRKJA Hrútafirði |
Sögumessa sunnudag kl. 14. Almenn-
ur söngur, organisti er Ingi Heiðmar
Jónsson. Í lok messunnar verður sjón-
um sérstaklega beint að sr. Jóni
Guðnasyni og í safnaðarheimilinu
flytja fleiri góðir gestir fróðleik úr sögu
kirkju og sóknarinnar. Ingimar Hall-
dórsson mun kveða rímur eftir Jón S.
Bergmann. Að vanda verða kaffiveit-
ingar í umsjá sóknarkvenna.
SALT kristið samfélag | Sameign-
legar samkomur Salts og SÍK kl. 17
alla sunnudaga í Kristniboðssalnum
Háaleitisbraut 58-60. Þróunarkenn-
ingin og Guð. Ræðumaður Sveinbjörn
Gizurarson. Barnastarf. Túlkað á
ensku.
SELFOSSKIRKJA | Messa kl. 11.
Barn borið til skírnar. Sr. Ninna Sif
Svavarsdóttir þjónar, organisti er Hilm-
ar Örn Agnarsson. Kór kirkjunnar syng-
ur.
SELJAKIRKJA | Guðsþjónusta kl.
11. Sr. Bryndís Malla Elídóttir þjónar,
Douglas Brotchie leikur á orgel og fé-
lagar úr Kór Seljakirkju leiða almenn-
an safnaðarsöng, molasopi í lokin.
SELTJARNARNESKIRKJA | Guð-
þjónusta kl. 11. Bjarni Þór Bjarnason
sóknarprestur þjónar. Friðrik Vignir
Stefánsson er organisti. Kammerkór
Seltjarnarness syngur. Kaffiveitingar
og samfélag eftir athöfn í safn-
aðarheimili.
STAÐARBAKKAKIRKJA | Göngu-
messa sunnudagskvöld kl. 20.30. Eft-
ir messu verður gengið yfir að Melstað
og drukkið kvöldkaffi. Flutningur til
baka að Staðarbakka verður í boði.
Munið gönguskóna!
STÓRA Núpskirkja | Hesta-
mannamessa kl. 14. Hópreið leggur
af stað frá Hruna stundvíslega kl.
11.30 með viðkomu í Hlíð, á Hæli og í
Steinsholti.
VIÐEYJARKIRKJA | Messa kl. 14.
Séra Sveinn Valgeirsson dóm-
kirkjuprestur prédikar og þjónar. Kári
Þormar dómorganisti.
VÍDALÍNSKIRKJA | Sumarmessur
Garðaprestakalls eru kl. 11 alla daga í
ágúst í Bessastaðakirkju.
ORÐ DAGSINS:
Hinn daufi og mál-
halti.
(Mark. 7)
Morgunblaðið/Sigurður Ægisson
Austur-Húnavatnssýsla Auðkúlukirkja við Svínavatn.
„Ég heiti það sem
konur vilja ekki
vera,“ sagði hann
stundum þegar hann
kynnti sig og kímdi. Einar lést 4.
ágúst í faðmi Unu konu sinnar í
sumarhúsinu þeirra, Birkilundi í
Efra Haganesi 2 í Fljótum.
Það var í byrjun apríl 1955 að
ungur maður, Einar að nafni,
lagði upp í ferð með strandferða-
skipi frá Reykjavík til Siglufjarð-
ar. Þar beið unnusta hans Una og
var brúðkaup í vændum. Þau
voru gefin saman 10. apríl 1955 á
heimili foreldra okkar. Ekki voru
aðrir möguleikar í þá daga en að
ferðast með skipum á vetrum, því
akvegurinn lokaðist í fyrstu snjó-
um á haustin og eingöngu sjóleið-
in var fær.
Eftir nokkurra daga ferðalag
lagðist skipið að bryggju á Siglu-
firði og eflaust hefur farið um
kappann er hann steig á land, því
allt var á kafi í snjó og nær ófært
um bæinn.
Tilvonandi tengdafaðir hafði
þó fengið vörubíl til að flytja hann
heim á Lindargötuna. Foreldrar
okkar tóku vel og hlýlega á móti
Einari eftir sjóferðina en einhver
mótþrói var í bróður Unu, Sig-
urbirni, þá sjö ára, sem leist ekk-
ert á að einhver maður kæmi og
tæki systur hans frá honum og
hótaði hann að læsa húsinu. Syst-
irin Jóhanna, fimm ára, var mun
jákvæðari og sagðist þá bara fara
niður í kjallara og opna fyrir hon-
um.
Hún var þó send í pössun þeg-
ar að athöfninni kom því búist var
við að hún tæki upp á því að ræða
eitthvað við prestinn í miðri at-
höfn. Þrátt fyrir efasemdir okkar
litlu systkinanna í upphafi, tókst
með þeim og Einari sterkur og
góður vinskapur sem hélst alla
tíð.
Flest sumur komu Una og
Einar norður til Siglufjarðar með
börnin sín þau Maríu Mörtu,
Kristínu og Jón Ásgeir. Alltaf var
farið „inn í Fljót“. Stunduð var
silungsveiði á stöng, lögð net og
einnig var „dregið fyrir“.
Þarna átti fjölskyldan góðar
stundir. Einari og pabba okkar
fannst ekki leiðinlegt þegar þeir
röltu af stað tveir saman með
stangirnar sínar út að vatni eða
niður að sjó, kannski með smá
„nesti“ með sér.
Árin liðu og við systkinin eign-
uðumst maka og börn og alltaf
voru fallegu Fljótin okkar besti
staður. Fyrstu árin var dvalið í
gamla húsinu sem afi okkar
systkina byggði á jörð sinni Efra
Haganesi 2 en seinna eignuðumst
við svo öll sumarhús á jörðinni
þar sem við dveljum allar frí-
stundir. Margar skemmtilegar
minningar eigum við frá þessum
tíma, byggingastússið, stórveisl-
urnar og yndislegu samveru-
stundirnar með fólkinu okkar.
Nokkrar ferðir fórum við
systkinin og makar saman til út-
landa, til Spánar, í Dóminíska og í
siglingu um Miðjarðarhaf og
Svartahaf. Ferðir sem eru
ógleymanlegar og dýrmætar í
minningunni.
Þau hjónin byggðu Birkilund
ásamt dætrum sínum Maríu og
Kristínu og eru þau mörg hand-
tökin sem þar hafa verið unnin
með ástúð og natni enda bústað-
urinn einstaklega fallegur. Bir-
kilundur var þeirra unaðslundur.
Komið er að kveðjustund að
sinni, en Einar bíður okkar í
Fljótunum hinum megin og þeg-
ar við hittumst þar verður mikið
brallað.
Elsku Unu og fjölskyldu vott-
um við okkar dýpstu samúð.
Einar Einarsson
✝ Einar Einars-son fæddist 21.
mars 1934. Hann
lést 4. ágúst 2018.
Útför Einars fór
fram frá Fossvogs-
kirkju 15. ágúst
2018.
Elsku Einar
megi birta og hlýja
umlykja þig á nýj-
um stað. Takk fyrir
allt.
Stilkur!
Sigurbjörn og
Ása, og
Jóhanna og
Guðmundur.
Ekkert líf án
dauða, enginn dauði án lífs. Þessi
orð koma alltaf upp í huga mér á
tímamótum, þegar einhver ná-
kominn mér fellur frá. Sú varð og
raunin, þegar hringt var í mig og
mér tjáð að kær vinur minn og
frændi hefði látist þá um morg-
uninn. Að sjálfsögðu brá mér illa
við því við höfðum talað saman
kvöldið áður og þá virtist allt í
lagi. Við frændur höfum fylgst að
stóran hluta ævinnar og brallað
mikið saman.
Höfum farið í margar ferðir
saman utanlands, bæði á skíði og
sólarstrendur og einnig hér
heima. Við og fjölskyldur okkar
höfðum áhuga á laxveiðum og
fórum oft með vinum og kunn-
ingjum víða um landið í þeim til-
gangi að veiða lax og ekki má
gleyma jeppaferðum upp á há-
lendið.
Mig langar til að lýsa hugsun-
arhætti Einars með lítilli sögu. Í
einni Spánarferðinni, átti Una
kona hans afmæli og þau hjón
buðu mér og fjölskyldu minni út
að borða í tilefni dagsins. Þegar á
veitingastaðinn kom og við vor-
um sest við borð kom þjónninn til
að taka við pöntuninni. Hvert og
eitt okkar átti að velja fyrir sig.
Við vorum með 6 ára gamla dótt-
ur okkar með í för og hún vildi
piparsteik.
Ég sagði strax að það kæmi
ekki til greina því að hún mundi
ekki borða hana. Þá heyrðist í
Einari, þegar hann bað mig um
að skipta mér ekki af þessu: „Það
fær hver og einn það sem hann
vill!“ og við það sat. Steikin var
afbragðsgóð en sterk og þjóninn
hafði jafn miklar áhyggjur af
barninu og ég og gaf því enda-
laust Coke að drekka en við hin
sátum og brostum.
Eftir þetta vildi dóttirin ekk-
ert nema melónu þegar farið var
út að borða! Þessi litla saga lýsir
Einari mjög vel því ef hann var
vertinn þá réð hann! Ég gæti rifj-
að upp margar sögur úr skíða-,
veiði- eða sólarferðum. Þær voru
hver annarri ánægjulegri. Við
Einar störfuðum einnig saman
innan Frímúrarareglunnar á Ís-
landi í áratugi sem gerði okkur
báðum gott.
Nú þegar við fáum ekki litið
þig augum framar munu minn-
ingarnar um góðan frænda og vin
ávallt halda nafni þínu á lofti. Ég
bið hinn hæsta höfuðsmið himins
og jarðar að varðveita þig að ei-
lífu. Vertu sæll að sinni, kæri
frændi.
Hugur minn og fjölskyldu
minnar er með ykkur öllum sem
standið honum næst.
Björn Kristmundsson.
Góður félagi og vinur, Einar
Einarsson flugumferðarstjóri, er
fallinn frá. Ég kannaðist við Ein-
ar sem krakki þar sem hann bjó
skammt frá okkur á Hverfisgötu,
en pabbi hans rak þar Jónsbak-
arí.
Ég kynntist ekki Einari fyrr
en á fullorðinsárum, þá var Einar
starfandi sem flugumferðastjóri
og sá síðar um skóla fyrir flug-
umferðarstjóra sem var starf-
ræktur undir hans stjórn, en sú
menntun fór einnig fram að hluta
í Kanada.
Síðar mættust leiðir okkar inn-
an Frímúrarareglunnar, en þar
var Einar mikils metinn, vel virk-
ur og skilaði miklu og góðu starfi.
Eftir Kosovo-stríðið var Einar
fenginn af utanríkisráðuneytinu
til að fara yfir flugumferðastjórn
á Pristina-flugvelli í Kosovo. Til-
efnið var að gera flugvöllinn að
alþjóðaflugvelli. Einar, sem þá
var forstöðumaður flugsviðs,
vann að þessu á annað ár og bjó
þar til handbók fyrir flugmenn og
reglur fyrir flugumferðastjóra.
Hann undirbjó fræðslu þeirra,
sem var ómetanleg. Alþjóðaflug-
málastofnunin samþykkti þessa
vinnu Einars og gaf út alþjóða-
viðurkenningu á Pristina-flugvöll
en henni fylgdi einnig úttekt á
brunavörnum vallarins. Einar
var lengst af starfsævi hjá flug-
málayfirvöldum og var alltaf far-
sæll í starfi.
Einar var ákveðinn og fastur
fyrir í skoðunum en var samt allt-
af tilbúinn að ræða málin. Það var
alltaf gaman að hitta þau hjónin
Unu og Einar og ekki síst í ferð-
um með „Tákninu“, en þar voru
þau hrókar alls fagnaðar og alltaf
létt í góðra vina hópi.
Kæra Una og fjölskylda, megi
Guð styrkja ykkur og hugga á
þessum erfiðu tímum.
Guðmundur Haraldsson.
Kveðja frá flugleið
sögusviði Isavia
Einar hóf grunnnám í flugum-
ferðarstjórn árið 1955. Á starfs-
ferli sínum öðlaðist hann starfs-
réttindi flugumferðarstjóra í
flugturnunum í Reykjavík og
Vestmannaeyjum, aðflugsrétt-
indi fyrir Reykjavíkurflugvöll og
réttindi í innanlands- og úthafs-
deild flugstjórnarmiðstöðvarinn-
ar. Auk flugumferðarstjóranáms
á Íslandi tók Einar ýmis starfs-
tengd námskeið erlendis.
Eftir grunnnámið hóf Einar
störf hjá Flugmálastjórn Íslands
og var starfsstöð hans að mestu í
flugstjórnarmiðstöðinni að und-
anskildum fimm mánuðum sem
hann starfaði í flugturninum í
Vestmannaeyjum. Auk starfa við
flugumferðarstjórn sinnti Einar
ýmsum öðrum störfum er tengd-
ust aðalstarfi hans. Hann var eft-
irlitsmaður flugumferðarþjón-
ustu frá árinu 1982-1986. Einnig
var Einar yfirflugumferðarstjóri
þjálfunar-, eftirlits- og skipulags-
sviðs þar til hann varð fram-
kvæmdastjóri flugumferðarþjón-
ustu frá 1992-1995.
Einar átti setu í fjölmörgum
nefndum á alþjóðavettvangi. Ein-
ar fór á eftirlaun 1995 en starfaði
eftir það við ýmis verkefni á veg-
um Flugmálastjórnar.
Nú þegar komið er að kveðju-
stund situr eftir minning um góð-
an dreng sem alla tíð var ánægju-
legt að starfa með.
Að leiðarlokum vil ég fyrir
hönd starfsmanna flugleiðsögu-
sviðs Isavia þakka Einari sam-
fylgdina. Fjölskyldu og vinum
vottum við samúð okkar.
Ásgeir Pálsson,
framkvæmdastjóri.
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum.
Skilafrestur | Ef óskað er eftir birtingu á útfarardegi verður greinin
að hafa borist eigi síðar en á hádegi tveimur virkum dögum fyrr (á
föstudegi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein ber-
ist áður en skilafrestur rennur út.
Minningargreinar