Skírnir - 01.09.2010, Blaðsíða 112

undan.“93 En Guðrún treystir ekki álfkonunni og kallar hana heiðna
forynju sem hún vilji engin kaup við eiga. Þá hefur Heiðbláin uppi
harða gagnrýni á skynhelgi kristinna manna.
Heiðbláin: Ef Baldur hinn góði yrði grátinn úr helju mundu engin orð geta
lýst fögnuðinum, sem yrði hjá áhangendum hans, því að þá sæti fegurðin
og rjettlætið á hástóli himinsins. Ef þinn Baldur kæmi aftur til lifanda lífs,
mundu kristnir menn krossfesta hann í annað sinn.
Guðrún: Heiðna forynja! Burt! Burt! Burt!
Heiðbláin: Af því að þú trúir á aðra guði, þá sjer þú ekki systurhugann,
sem jeg ber til þín. Trú þín blindar þig.“94
Áslaug álfkona hefur þá köllun að brúa bilið milli samfélaga manna
og álfa. Hún átti sína „beztu vinu“95 í fóstru Guðrúnar og hefur
tamið sér kristna kynngi svo hún þolir að heyra kirkjuklukkum
hringt án þess að sökkva í jörð eins og aðrir álfar eiga á hættu við
slíkan bjölluhljóm. Þetta skiptir sköpum því það gerir henni kleift
að ráðast í gegnum hringinn sem álfarnir hafa slegið um bæinn þegar
hringt verður frá aftansöng en þá sitja aðrir álfar máttvana „og dotta
fram á höndur sínar á þúfunum í túninu“.96
Í frumgerð verksins eru álfarnir blendnari í trúnni en í leikritinu
sem Indriði skrifar fyrir sýningu Leikfélags Reykjavíkur árið 1907.
Þetta er að nokkru tilætlun höfundar eins og kemur fram í formála
hans að leikritinu frá 1872. Þar segir: „Að álfar eru einskonar jóla-
börn, og halda hátíðir þá, eins og mennskir menn, hlýtur að vera í
sambandi við trúna, og af því að þar að auk eiga þeir að hafa biblíu
og s. frv., þá læt jeg þá vera kristna, og heiðna; kristnir eru þeir af því,
að þeir þurfa að hafa trú, og heiðnir af því, að þeir vilja ekki vera
kristnir.“97 Trúarlegar vangaveltur eru allveigamikill þáttur í báðum
gerðum verksins, einkum hugmyndin um eilíft líf sem einungis er
fyrirhugað kristnum mennskum mönnum en hreint ekki álfum jafn-
vel þótt þeir hneigist til kristni og geri krossmörk fyrir sér. Þessi
368 trausti ólafsson skírnir
93 Indriði Einarsson 1907: 45.
94 Sama rit: 46.
95 Indriði Einarsson 1872: 20.
96 Indriði Einarsson 1907: 43.
97 Indriði Einarsson 1872: vi.
Skírnir haust 2010_Layout 1 27.10.2010 18:02 Page 368