Skírnir - 01.09.2010, Blaðsíða 137

393íslandsvinir í vín
Af þessum skrifum Íslendinga má draga þá ályktun að Íslend-
ingar gerðu ekki greinarmun á Þjóðverjum og hinum þýskumæl-
andi Austurríkismönnum. Það er líka vert að vekja athygli á því að
í Félagi Íslandsvina var að finna bæði Þjóðverja og Austurríkismenn
þótt félagið hefði verið stofnað í Þýskalandi. Landamæri voru
greinilega engin hindrun þegar kom að áhuga á Íslandi. Ljóst er að
Íslendingar litu bæði upp til Þjóðverja og Austurríkismanna og voru
þeim ákaflega þakklátir fyrir þá athygli og góðvild sem þeir sýndu
þeim.
Matthías Jochumsson fékk bréf frá von Jaden árið 1891 og var
ánægður að fá fréttir frá austurrískum aðalsmanni. Íslandsáhugi
hans kom Matthíasi skemmtilega á óvart og lýsti hann því í svari til
von Jadens „Það var mér óvænt … ánægja, að meðtaka bréf frá
aðalsmanni suður í Wínarborg, og tvöfaldlega svo, að sami aðals -
maður er andans maður.“ Síðar í bréfinu skrifaði Matthías um auk-
inn áhuga þýskumælandi manna á íslenskum bókmenntum og þann
verðskuldaða heiður er þeir sýndu til dæmis verkum Snorra Sturlu-
sonar, sem stæðu jafnsætis Dante hvað varðaði mótun móð ur máls-
ins.45
Árið 1908 skrifaði Poestion Brynjólfi Jónssyni, fræðimanni frá
Minna-Núpi. Þar sagði hann að Ísland væri að komast í tísku í
Austurríki og Þýskalandi, hann hafi nýlega haldið fyrirlestur um
Ísland í Vínarborg fyrir fullu húsi. En á sama tíma kvartaði hann
undan skorti á áhuga á umfjöllun sinni um Ísland. Poestion var þar
líklega að vísa til nýrra rita um Ísland er höfðu komið út eftir
Þjóðverja, svo sem Paul Hermann og Carl Küchler, og nutu tals-
verðra vinsælda á kostnað hans eigin rita, eins og áður hefur verið
vikið að.46
Íslendingar voru viðkvæmir fyrir slæmri umfjöllun um þá og
landið í blöðum og bókum. Árið 1905 skrifaði Austurríkismaður-
inn Jacques Jäger rit um Ísland, Die Nordische Atlantis. Sú bók vakti
litla hrifningu hjá Poestion og von Jaden. Þeim fannst Jäger fjalla
skírnir
45 ÞÍ. Skjalasafn Önnu Pjeturss, merkt 68/2004, CB 1/2, Matthías Jochumsson til
Hans von Jaden, 27. apríl 1891.
46 Lbs. Bréfasafn Brynjólfs Jónssonar. Lbs 1760 c 4to, J.C. Poestion til Brynjólfs
Jónssonar, 25. janúar 1908.
Skírnir haust 2010_Layout 1 27.10.2010 18:02 Page 393