Skírnir - 01.09.2010, Blaðsíða 209

465hvenær hefur maður nóg með sig …?
tilvistarsinna. Með gjörðum okkar erum við öðrum fyrirmynd.
Jean-Paul Sartre segir að maður sé …
… stöðugt skyldugur til þess að aðhafast þannig að það sé öllum til eftir-
breytni. … Og hverjum manni ber að spyrja sjálfan sig: er ég áreiðanlega
þess umkominn að haga mér á þann veg að mannkynið taki sér athafnir
mínar til fyrirmyndar?13
Íslensk stjórnvöld gætu í anda þessa litið svo á að önnur ríki heims-
ins ættu að taka fordæmi Íslendinga til fyrirmyndar og gera slíkt
hið sama. Ef fleiri ríki heimsins tækju hópa fólks úr búðunum og
byðu þá jafn velkomna og íslensk stjórnvöld hafa gert með um-
ræddan flóttamannahóp, myndu aukast líkur á að á endanum næðist
að koma öllum til hjálpar. Þann fyrirvara má samt setja á siðferðilegt
inntak í stefnu íslenskra stjórnvalda sem hefur með fjölda flótta-
manna að gera. Ættu íslensk stjórnvöld að bjóða hingað til lands
fleiri flóttamönnum en þau hafa gert hingað til?
Óæskilegt er að setjast að í framandi menningarsamfélagi
Að mati Jóns er það ekki eingöngu vegna þess að við eigum að láta
fjármuni okkar renna til sem flestra að hann telur best að aðstoða
skuli fólkið þar sem það er í stað þess að bjóða því dvöl á Íslandi. Það
er að hans mati ekki æskilegt að flytja fólk í framandi land og ólíkan
menningarheim. Íslenskur veruleiki og menningarheimur sé fólk-
inu í Al-Waleed flóttamannabúðunum of framandi til þess að æski-
legt sé að veita flóttamönnunum dvalarleyfi hér á landi. Ekki kemur
fram hvort slíkt fyrirkomulag sé í þágu flóttamannanna eða íbúanna
sem fyrir eru. Til þess að átta sig enn frekar á sjónarmiðum Jóns er
gagnlegt að skoða fyrri skrif hans. Árið 2006, eða rétt um tveimur
árum áður en málefni umræddra flóttamanna komu upp, skrifaði
Jón grein í blaðið sem hét „Ísland fyrir íslendinga“.14 Þar lýsti hann
áhyggjum sínum af vaxandi fjölda útlendinga á Íslandi. Í grein sinni
segir hann m.a:
skírnir
13 Sartre 2007: 58.
14 Jón Magnússon 2006.
Skírnir haust 2010_Layout 1 27.10.2010 18:03 Page 465