Breiðfirðingur - 01.04.1981, Page 6

Flosi Jónsson frá Hörðubóli:
Sauðafell
Eitt sögufrægasta höfuðból í byggðum Breiðafjarðar er
Sauðafell í Dölum. Eru ýmsir stórviðburðir einkum á
Sturlungaöld og síðar tengdir staðnum. Bærinn stendur hátt í
miðri sveit vestan í samnefndu felli og er útsýni þaðan bæði vítt
og fagurt. Ekki er vitað hvenær þar hefur fyrst byggt verið, en
eftir því er segir í Laxdælu hefur það verið snemma á Söguöld.
Sighvatur Sturluson keypti Sauðafell og fluttist þangað um
1200 og bjó þar til 1215 er hann fluttist norður að Grund í
Eyjafirði.
Sturla sonur hans hóf búskap á Sauðafelli 1221 og hafði þar
bú til æviloka 1238. Hann var kvæntur Sólveigu Sæ-
mundsdóttur frá Odda. Hrafn Oddsson hirðstjóri (f. 1226
d. 1289) bjó um hríð á Sauðafelli, en hann átti Þuríði dóttur
Sturlu Sighvatssonar. Hrafn vareinnhinnatkvæðamesti maður
sinnar tíðar og stóð manna fastast gegn valdi biskupa. Hann fékk
sýslu um alla Vestfjörðu 1270 og hirðstjóri yfir öllu Islandi
varð hann 1279. Hrafn Oddsson tók mikinn þátt í þeim átökum
er áttu sér stað í lok Sturlungaaldar og komst klakklaust úr þeim
hildarleik. Sumir telja Hrafn hafa dáið úti í Túnsbergi, en aðrir
að hann hafi komið veikur heim að Sauðafelli og andast þar.
Daði Guðmundsson í Snóksdal (f. 1490-1500 d. 1563) rak og
bú á Sauðfelli og þar handtók hann Jón biskup Arason og sonu
hans 2. október 1550. Foreldrar Daða voru Guðmundur
Finnsson í Snóksdal og kona hans Þórunn Daðadóttir.