Breiðfirðingur - 01.04.1981, Qupperneq 9

BREIÐFIRÐINGUR
7
Á Sauðafelli hefur oft verið margbýlt og margir búið þar
aðeins örfá ár, enda gefur auga leið að ekki hefur verið á færi
efnalítilla manna að taka alla jörðina til ábúðar, því leigumáli
mun oftast hafa verið allhár þótt hann væri nokkuð breytilegur
eftir árferði. Árið 1703 var landskuld af Sauðafelli þrjú
hundruð á landsvísu, sem jafngildir 18 ám með lömbum í
fardögum og leigukúgildi voru 12, en eftir hvert kúgildi bar að
greiða 2 fjórðunga (10 kg) af smjöri. Getur þá hver sem vill
reiknað þetta til núgildandi peningaverðs. Samkvæmt helstu
manntölum, sem fram hafa farið 1703-1901 hefurtalabændaog
heimilisfólks á Sauðafelli verið sem hér segir:
Árið 1703 eru á Sauðafelli 2 bændur og heimilisfólk alls 15
1762 3 bændur alls 19
1801 3 - - - - 19
1835 3 - - - - 8
1840 3 - - - - 21
1850 3 - - - - 18
1880 2 - - - - 22
1890 1 - - - - 13
1901 1 - - - - 16
Af þessu ófullkomna yfirliti sést að á ýmsu hefur oltið um
eignarhald og ábúð þessa stórbýlis. Oft hefur það verið í
leiguábúð, en þó að mestu í sjálfsábúð síðustu hundrað árin. Nú
um 70 ára skeið hefur sama ættin búið á Sauðafelli og standa
vonir til að svo geti orðið áfram og Sauðafell þannig orðið
ættaróðal, sem hæfði vel þessu forna höfuðbóli.
Niður af túninu er víðlent mýrlendi, sem nefnist
Sauðafellstunga milli Miðár og Tunguár, en Tunguá ræður
merkjum að Háafellslandi,en þar eru merkin frá Lambeyri beint