Breiðfirðingur - 01.04.1981, Side 10

8
BREIÐFIRÐINGUR
í Tóftarholt (sem stundum er kallað Lepparúst) og þaðan beint
uppá fellið, en þar er merkjavarða, sem er jafnframt landamerki
milli Þórólfsstaða og Erpsstaða. Nesin niður með Tunguá voru
löngum talin bestu engjar á Sauðafelli. Til forna er getið um
þrjár hjáleigur í heimalandi: Gissurshús, Gróugerði (eða
Grófargerði) og Brúðgumastaði og ofan við Fellið voru
Glæsisvellir í byggð 1911-1937. Þeir draga nafn af Glæsiskeldu
sem er þar skammt frá og þjóðsagnir eru til um.
Sauðafellskirkja var bændaeign eins og fyrr segir. Þangað átti
kirkjusókn framsveitin öll frá Hamraendum og bæirnir fyrir
ofan Fellið sunnan Tunguár, en þegar Kvennabrekkukirkja var
lögð niður eftir miðja 19. öld bættust bæirnir frá Harrastöðum
að Kolsstöðum við Sauðafellssókn. Eftir sóknarlýsingu frá 1855
eru eignir Sauðafellskirkju taldar þessar:
Hlíðartún í Sökkólfsdal, Kross í Haukadal og Hamrar í
Laxárdal hver á 16 hndr. Afrétt á öllum Sanddal og 5 hndr. í
Saurbæjarfjöru. í fríðu átti kirkjan 24 málnytu kúgildi. Þegar
Björn sýslumaður kaupir Sauðafell mun ekki hafa verið annað
eftir af þessum eignum en Hlíðartún ásamt Sellandinu og
afréttarlandið á Sanddal.
Afréttarlandið á Sanddal ásamt Sanddalstungu selur Björn
Ólafí hreppstjóra Finnssyni á Fellsenda 1898 og hefur þaðfylgt
Fellsenda síðan. Hlíðartún selur Björn sýslumaður 1911 Oddi
Arngrímssyni, sem eitt sinn bjó á Hömrum í Haukadal.
Fyrr á öldum hefur verið haft í seli frá Sauðafelli á Sanddal,
og benda örnefnin Sauðfellingamúli og Sauðafellingaseltilþess.
A síðari tímum höfðu Sauðafellsbændur í seli á Suðurárdal og
sjást selrústir þeirra þar ennþá greinilega. Þetta land á
Suðurárdal fylgir Sauðafelli enn og er oftast nefnt Sellandið,
það nær frá Kringlugili og suður á háfjallið eftir því sem
vötnum hallar. Heitir þar Merkjahryggur og um hann eru
sýslumörk Mýra- og Dalasýslu. I Sturlungu segir, þegar sagt er