Breiðfirðingur - 01.04.1981, Qupperneq 11

BREIÐFIRÐINGUR
9
Sauðafell 1897
frá Sauðafellsför Vatnsfirðinga að þar hafi verið hýbýli góð og
skáli tjaldaður, útidyr með dýrshöfði, útskornu og aðrar með
útskornum vindskeiðum. Má telja víst, að þar hafi verið löngum
mikill húsakostur, því jafnan hefur verið þar mannmargt.
Björn Bjarnason sýslumaður reisti á Sauðafelli rétt fyrir
aldamótin 1900 reisulegt íbúðarhús af timbri með hlöðnum
kjallara. Þetta hús stendur enn, en hefur verið endurbætt á
margan hátt. Björn byggði einnig upp öll gripahús og stóra
heyhlöðu lét hann reisa, enda rak hann stórbú og gerði miklar
framkvæmdir í jarðabótum. Arið 1703 er talið að á Sauðafelli
megi hafa 12 kýr. í búskapartíð Björns sýslumanns varð túnið
12 ha og var það þá stærsta tún sveitarinnar, en 1970 er það orðið
um 32 ha.
En öll mannanna verk eru háð tímans tönn og alltaf verður að
standa í framkvæmdum, ef ekki á að miða aftur á bak. Nú á síðari