Breiðfirðingur - 01.04.1981, Blaðsíða 48

Fiðlarinn úr Hörðudalnum
Breiðfirðingur hefur áður birt mynd af manni, sem heldur á
fiðlu sinni. Það var Guðmundur Guðmundsson úr
Gvendareyjum. - Nú kynnir ritið annan Breiðfírðing, sem átt
hefur fiðlu allt frá unglingsárum - Gest Jósefsson frá Hlíð í
Hörðudal.
Gestur er fæddur á Fremri-Hrafnabjörgum í Hörðudal 22.
maí 1898, sonur Jósefs Jónassonar bónda þar og Halldóru
Gestsdóttur. Kona Gests er Olafía Jónsdóttir frá Þorgeirs-
staðahlíð. Þau hjón voru við búskap nokkuð á fimmta áratug á
Ytri-Hrafnabjörgum og Hlíð en fluttu til Reykjavíkur árið 1975
og hafa dvalið þar síðan.
Fyrstu kynni Gests af fiðlu hófust þegar Vilhjálmur
Ogmundsson frá Vífilsdal - seinna þekktur bóndi og stærð-
fræðingur á Narfeyri kom ungur frá námi úr Verslunar-
skólanum í Reykjavík 1914. Kom þá Vilhjálmur með fiðlu að
sunnan og lék nokkuð á hana. Það voru fyrstu fiðlutónleikarnir,
er bárust að eyrum Gests. Þá var hann 16 ára.
Ennþá seiðir Gestur fram fallega tóna úr fiðlu sinni. Þar
kemur fram næmt tóneyra og áratuga þjálfun - þó án
skólagöngu. - A öðrum áratug þessarar aldar var ekki margra
kosta völ fyrir námfúsa tónlistarunnendur. Nú um nokkurt
skeið hefur starfað Tónlistaskóli Dalasýslu í Búðardal. - Má geta
nærri að fiðlarinn úr Hörðudalnum hefði sest þar á bekk, ef þess
hefði gefist kostur fyrir 6-7 áratugum.