Breiðfirðingur - 01.04.1981, Blaðsíða 57

BREIÐFIRÐINGUR
55
Einhamrar; þeir eru sunnanvert á Laugadal, fyrir framan svo
kölluð Þrengsli; og eru þeir landamerki milli Túngu og
Hrafnabjarga, þar sem þeir eru hæstir.
Gilsbakki er hjáleiga frá Snóksdal, sem er skammt þar frá
túninu; þetta kot var lengi í eyði á átjándu öld, og til 1830, að
þar var byggt upp aptr; nú er þar búið, og talið sjöttúngr úr
jörðinni.
Gljúfurá; hún fellr úr áðr nefndum Arnardal til norðrs í
Hvammsfjörð, og er hún landamerki milli Hólmlátrs og
Gunnarstaða, og nú jafnan kölluð Gunnarstaða-á. Hún er
einnig sýsluskil milli Dala- og Snæfellsnessýslu.
Hólsfjall; það er fjallið sunnanvert við Hólsskarð, milli
Hörðadalsár og Skraumu; og dregr það nafn af Hóli, sem á
fjallið beggja vegna, að vestanverðu fram að Þórugili, en að
austanverðu upp að Skjaldargili.
Hrafnabjörg; sú jörð er að norðanverðu í Hörðadal; hún dregr
nafn af björgum, sem eru fyrir ofan bæinn. Nú eru tvær jarðir,
er svo heita: fremri og ytri Hrafnabjörg; fyrrum var það ein jörð
með Laugum, sem var í Hrafnabjarga landi, en síðan ásamt
Seljalandi og Hrafnabjargakoti, og var þá jörðin öll talin LX
hundraða, en á öndverðri átjándu öld voru ytri Hrafnabjörg
byggð, og Hrafnabjargakot lagt þar til; urðu þá hvor
Hrafnabjörgin XXV hundruð, en Seljaland X hundruð; það
býli mun hafa byggt verið á fyrra hluta seytjándu aldar, og látið
heita svo, þar það var byggt í sellandi Hrafnabjarga, en ekki í
heimalandi. Nú eru alls þessar þrjár jarðir taldar eptir nýju mati
um XLV hundruð.
Hörðaból, sjá Hörðabólstað.
Kollugróf í Hólslandi vita menn nú ekki með vissu hvar er, en
líkindi virðast til, að hún sé lág nokkur í svo kölluðum Trigli,
gegnt Hrafnabjörgum, framanvert við Skógarmannsgiþþar sem
eru fornar mógrafir víða um lágina.