Dagblaðið Vísir - DV - 15.08.2018, Side 41

Skagafjörður 15. júní 2018 KYNNINGARBLAÐ
Kaffi Krókur og Ólafshús
lifa góðu lífi á KK Restaurant
Sú var tíðin að aðalveitingahúsið á Sauðárkróki var Ólafshús. Enn eru margir sem spyrja um
Ólafshús þegar þeir koma til bæjar-
ins og vilja fá sér í svanginn. En andi
og gæði Ólafshúss lifa á veitinga-
staðnum KK Restaurant, Aðalgötu
16; í raun var Ólafshús bara fært yfir
götuna.
Hjónin Selma Hjörvarsdóttir
og Tómas Árdal eru eigendur KK
Restaurant og Selma útskýrir
breytinguna svona: „Um áramótin
2015/2016 keyptum við veitinga-
staðinn Ólafshús, kaffihúsið Kaffi Krók
og skemmtistaðinn Mælifell. Það var
ávallt markmið að færa Ólafshús yfir
í húsnæði Kaffi Króks, enda stærra og
betra húsnæði þar, og það gerðum
við haustið 2016. Ólafshús hafði þá
fest sig í sessi með góðum veitingum
sem báru orðspor þess víða og við
höfum kappkostað að viðhalda þeirri
hefð. Ekki var hægt að kalla staðinn
Kaffi Krók þar sem þetta er veitinga-
staður núna en ekki kaffihús og því
kom upp nafnið KK Restaurant, einnig
með hinn sívaxandi fjölda erlendra
ferðamanna í huga.“
KK Restaurant er staðsett í húsi
sem er í senn nýtt og gamalt: „Upp-
runalega húsið að Aðalgötu 16 er
eitt af elstu húsum bæjarins. Það
brann hins vegar árið 2008 og var
þá endurgert allt í sömu uppruna-
legu myndinni. Þetta er því nánast
nýtt hús en á gömlum grunni,“ segir
Selma.
KK Restaurant býður upp á fjöl-
breyttan matseðil og mat við flestra
hæfi, meðal annars ferskan fisk og
lambakjöt. Grillmatseðillinn er áhuga-
verður með kjúklinga- og beikonloku,
humar- og rækjuloku, skemmtilegu
úrvali af hamborgurum og fleiru. Þá
er meðal annars að finna gott úrval
af pastaréttum á matseðlinum. Sumir
segjast hvergi fá betri pizzur en á KK
Restaurant.
Hægt er að fá heimsendan mat
frá KK Restaurant í hádeginu og eru
mörg fyrirtæki og einstaklingar sem
nýta sér þann kost eða koma í hið
margrómaða hádegishlaðborð sem
er í boði alla virka daga.
Alhliða veisluþjónusta er einnig
starfrækt, hvort heldur sem er á
staðnum eða úti í bæ. Tveir veislusalir
eru til afnota í húsinu.
Allar helstu upplýsingar er að finna
á vefsíðunni www.kkrestaurant.is.
Eins og sunnudagskaffi
hjá ömmu eða mömmu
Á milli Varmahlíðar og Sauð-árkróks er hinn merki kirkju-staður Glaumbær þar sem
Byggðasafn Skagfirðinga hefur þróað
áhugavert safnasvæði í gegnum
árin. Eitt af því sem gerir heimsókn í
Glaumbæ fýsilega er heillandi kaffi-
stofa sem ber heitið Áskaffi. Nánar
tiltekið er Áskaffi staðsett í hinu
merka húsi Áshúsi sem gefið var
Byggðasafni Skagfirðinga árið 1988
og flutt þangað árið 1991 frá Ási í
Hegranesi. Áshús var byggt á árunum
1883–1886 en húsið er friðað og hef-
ur því haldið upprunalegri mynd sinni
í gegnum allar viðgerðir, endurbætur
og endurbyggingu.
Kaffistofa hefur verið rekin í
Áshúsi frá árinu 1995. Núverandi
rekstrar aðili Áskaffis er Auður Her-
dís Sigurðardóttir en hún hefur lengi
verið tengd staðnum. „Ég byrjaði að
vinna á Áskaffi árið 1997 hjá Ásdísi
Sigurjónsdóttur og Önnu Margréti
Stefáns dóttur sem þá ráku kaffi-
stofuna en tók við rekstrinum árið
2001. Mikið sem tíminn hefur liðið
hratt, er það fyrsta sem mér dettur í
hug þegar ég hugsa til allra áranna
hérna,“ segir Herdís.
Áskaffi tekur 35–40 manns í sæti
og Herdís og hennar starfsfólk kapp-
kosta að gefa staðnum geðþekkan
og áberandi fortíðarblæ: „Við bjóðum
upp á kaffihlaðborð alla sunnudaga
frá kl. 15–17 og reynum að hafa þetta
eins og hjá ömmu. Starfsfólkið er
alltaf prúðbúið og uppáklætt og hér
eru að sjálfsögðu í boði rjómapönnu-
kökur og heitt súkkulaði alla daga
ásamt fleira góðgæti,“ segir Herdís.
Fyrir utan þessar trakteringar eru
fjölbreyttar aðrar veitingar í boði sem
Herdís útbýr og bakar, til dæmis ekta
lagkökur, kúmenkleinur, alls konar
tertur, skyr með rjóma og bláberjum,
að ógleymdri dýrindis sjávarrétta-
súpu með rúgbrauði.
Áskaffi býður líka upp á það að
smakka ýmiss konar gamaldags
mat undir heitinu Gamli diskurinn. Á
honum eru bitar af reyktum, söltum,
þurrkuðum, kæstum og sýrðum mat,
kjöti, fiski, brauði og skyri. Og bragð-
laukarnir kætast.
Áskaffi er opið alla daga vikunnar
frá kl. 10–18. Sjá nánar á Facebook-
síðunni Áskaffi.
ÁSKAFFI Í GLAUMBÆ: