Fréttablaðið - 09.01.2019, Blaðsíða 6

SVÍÞJÓÐ Frá og með 16. janúar
næstkomandi geta enskumælandi
einstaklingar gefið blóð í blóðbank­
anum í Stokkhólmi.
Til að koma í veg fyrir misskilning
hafa eingöngu þeir sem mæltir eru
á sænska tungu fengið að gefa blóð,
að því er segir á vef sænska ríkis­
útvarpsins.
Nú hafa starfsmenn blóðbankans
fengið kennslu í læknisfræðilegum
heitum á ensku auk þess sem eyðu­
blöð hafa verið þýdd á ensku. Blóð­
gjafar verða eftir sem áður að fram­
vísa sænskum persónuskilríkjum og
vera með sænska kennitölu. – ibs
Enskumælandi mega nú gefa blóð
SAMGÖNGUMÁL Vaðlaheiðargöng
verða formlega opnuð með viðhöfn
næstkomandi laugardag. Boðið
verður upp á viðamikla dagskrá allan
daginn af því tilefni.
Formleg vígsla ganganna verður
klukkan hálf fjögur á laugardag,
Fnjóskadalsmegin. Þar mun stór­
söngvarinn Friðrik Ómar syngja
Vor í Vaglaskógi og Vandræðaskáld
frumflytja lag um göngin og félagar í
fornbíladeild Bílaklúbbs Akureyrar
aka fyrstir í gegnum göngin.
Vegna takmarkaðs fjölda bíla­
stæða við Vaðlaheiðargöng verður
boðið upp á rútuferðir fram og til
baka á hálftíma fresti yfir daginn.
Athygli manna hefur þó vakið sú
staðreynd að á sjálfri opnunarhátíð
Vaðlaheiðarganga, sem beðið hefur
verið með óþreyju og framkvæmdin
verið vægast sagt umdeild, verði
göngin lokuð fyrir umferð frá klukk­
an 8 um morguninn til klukkan 18
um kvöldið.
Kostnaður við göngin nemur ríf­
lega 17 milljörðum króna. – smj
Göngunum
lokað vegna
opnunarhátíðar
sp
ör
e
hf
.
Fararstjóri: Guðrún Bergmann
Í þessari ævintýraferð upplifum við undur Indlands,
skoðum tignarlegar hallir og förum á fílsbak í þessu
fjölmennasta lýðræðisríki heims. Í Delí skoðum við m.a.
forsetahöllina og upplifum ævintýralegan markað í Gömlu
Delí. Við skoðum Taj Mahal, eitt þekktasta grafhýsi í heimi
og Varanasi eða Borgina eilífu sem er helgasti staður
hindúa og ein elsta borg heims.
21. mars - 1. apríl
Kynntu þér úrval ferða á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Allir velkomnir á kynningarfund 10. janúar kl. 20:00
hjá Bændaferðum í Síðumúla 2, 2. hæð.
Dulúð Indlands
NÁTTÚRUHAMFARIR Það væsir ekki
um þá Íslendinga sem dvelja á
skíðahóteli Þorgríms og Þuríðar í
austurrísku Ölpunum en þar kyngir
niður snjó sem aldrei fyrr.
Snjóflóðahætta er víða á skíða­
svæðum í    Ölpunum  eftir mikla
snjókomu um helgina og minnst
fjórir skíðamenn hafa látist, þrír í
snjóflóðum og einn sem varð undir
tré sem féll vegna snjóþyngsla.
Fréttavefur BBC greindi frá því að
björgunarfólk væri víða að leita að
fólki á skíðasvæðum bæði í austur­
rísku og ítölsku Ölpunum, fjölda
fjallvega hefði verið lokað og skíða­
fólk varað við.
„Það er nú meira í nágrenni við
Tíról og eins á skíðasvæðinu í Ober­
tauern sem er í um 25 kílómetra
fjarlægð frá okkur, það er snjó­
flóðahætta þar,“ segir Þorgrímur
Kristinsson, staðarhaldari á skíða­
hóteli Íslendinga í Speirereck­fjalli
í Austurríki, sem er um það bil 100
kílómetra suður af Salzburg.
Þorgrímur segist fylgjast mjög vel
með öllum aðstæðum á skíðasvæð­
unum og mögulegri snjóflóðahættu.
„Það er engin snjóflóðahætta hér
hjá okkur en ég hef eitthvað heyrt
í fréttum um slys á fólki.
„Þau verða helst þegar fólk er að
fara utanbrautar í svona aðstæðum
sem er algjörlega bannað,“ segir
hann og kveðst ekki muna eftir
jafnmiklum snjó á svæðinu og ekk­
ert lát virðist ætla að verða á ofan­
komunni.
„Það er spáð snjókomu hér alla­
vega næstu fjóra dagana. En fjöllin
hjá okkur eru hins vegar meira
aflíðandi og ekki eins mikil kletta­
fjöll eins og til dæmis í Tíról þannig
að snjóflóðahætta er ekki eins mikil
hjá okkur og þar.“
Aðspurður segist Þorgrímur
ekki vita til þess að veðrið og snjó­
þyngslin á svæðinu  hafi valdið
Íslendingum vandræðum.
„Nei, ég veit ekki til þess og allir
á hótelinu hjá mér eru fínir,“ segir
hann. Langflestir hótelgesta hans
eru Íslendingar.
„Það er góð stemning meðal
Íslendinganna hjá okkur og frá
næstu viku og alveg út febrúar verð­
ur alveg vitlaust að gera hjá okkur.“
Snjókoman truflar ekki skíða­
iðkunina að sögn Þorgríms. Þó hafi
skíðalyftum verið lokað um stund­
arsakir vegna fannkyngi.
„En í dag var þetta mjög fínt hjá
okkur og frábært skíðafæri. En
þetta er samt komið gott,“ segir Þor­
grímur sem á því frekar að venjast
að biðja um meiri snjó en óska þess
að lát verði á ofankomu.
adalheidur@frettabladid.is
Íslendingar á kafi í snjó
í austurrísku Ölpunum
Íslendingur sem rekur skíðahótel í austurrísku Ölpunum man ekki meiri snjó-
þyngsli þar. Veit ekki til að Íslendingar hafi lent í vanda vegna snjóflóða, vel fari
um sína íslensku gesti. Nokkrir hafa farist í Ölpunum í vikunni vegna snjóflóða.
Þorgrímur man ekki önnur eins snjóþyngsli við hótel sitt. MYND/ÞORGRÍMUR
Snjór við Akrópólis
Ferðamenn við Akrópólis í Aþenu þurftu að klæða sig vel í gær en sjaldséður snjór féll í grísku höfuðborginni og féll skólahald víða niður. Mikið
frost var í norðurhluta landsins sem truflaði samgöngur. Kuldamet var slegið þegar frostið náði 23 gráðum í borginni Florina. NORDICPHOTOS/GETTY
Til þessa hafa aðeins þeir
sem eru mæltir á sænska
tungu fengið að gefa blóð í
Svíþjóð.
Fjöllin hjá okkur
eru hins vegar meira
aflíðandi og ekki eins mikil
klettafjöll eins og til dæmis í
Tíról þannig að snjóflóða-
hætta er ekki eins mikil.
Þorgrímur Kristinsson staðarhaldari
Úr göngunum. FRÉTTABLAÐIÐ/AUÐUNN
9 . J A N Ú A R 2 0 1 9 M I Ð V I K U D A G U R6 F R É T T I R ∙ F R É T T A B L A Ð I Ð
0
9
-0
1
-2
0
1
9

0
4
:1
8
F
B
0
5
6
s
_
P
0
5
1
K
.p
1
.p
d
f
F
B
0
5
6
s
_
P
0
4
6
K
.p
1
.p
d
f
F
B
0
5
6
s
_
P
0
0
6
K
.p
1
.p
d
f
F
B
0
5
6
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
1
F
7
-6
D
E
8
2
1
F
7
-6
C
A
C
2
1
F
7
-6
B
7
0
2
1
F
7
-6
A
3
4
2
7
5
X
4
0
0
.0
0
1
5
B

F
B
0
5
6
s
_
8
_
1
_
2
0
1
9
C
M
Y
K