Dagblaðið Vísir - DV - 14.12.2018, Side 4

4 14. desember 2018FRÉTTIR
Hættið að rífast um MMA!
G
unnar Nelson var að slást
um daginn. Eins og venja
er fer Ísland á hliðina og
skiptist fólk í tvær fylk­
ingar sem takast á í nokkra daga.
Báðar fullvissar um eigið ágæti og
telja sig hafa sannleikann í bak­
höndinni. Hvor hópurinn verður
ofan á veltur yfirleitt á úrslitunum
hjá Gunnari sjálfum.
Sumir fyllast heilagri vand­
lætingu, kalla þetta blóðbað
og kalla eftir bönnum. Að það
geti ekki talist íþrótt þegar tveir
einstaklingar stíga inn í hringinn
til að reyna að gera hvor annan
meðvitundarlausan. Þetta er yfir­
leitt fólk af eldri kynslóð og há­
skólamenntað pakk. Forræðis­
hyggjulið sem þykist vita hvað
öðrum er fyrir bestu.
Bolirnir fylkja sér á bak við
Gunnar og hans iðju. Segja að
hann sé frábær fyrirmynd fyrir
æsku landsins. Heilsteyptur og
góður piltur. Þetta fólk reynir líka
að ljúga því að okkur að þetta sé
allt saman mjög faglegt og enginn
í raunverulegri hættu. Sem er auð­
vitað hlægilegt kjaftæði. Það vita
allir innst inni að þetta er stór­
hættulegt.
Svarthöfða finnst þessi umræða
vera ákaflega þreytt og lýjandi.
MMA er hættulegt og það ætti
að leyfa það. Hver sem er nógu
heimskur til að taka þátt í þessu
ætti vitaskuld að mega það. En
glæpurinn er hversu fjári leiðinlegt
þetta er. Að sjá tvo menn faðmast,
liggjandi á nærbuxunum er afleitt
afþreyingarefni. Kannski yrði það
skárra ef þeir fengju að nota vopn.
Svarthöfði leggur til að sjón­
varpsstöðvarnar hérna hætti
að sýna þessa bölvuðu vitleysu
en taki almennilegt hringleika­
hús inn í staðinn. Ameríska fjöl­
bragðaglímu. Það er langtum betri
skemmtun, bæði innan hringsins
og utan. Í fjölbragðaglímunni er
gegnumgangandi söguþráður, lit­
ríkar persónur og langtum tilþrifa­
meiri fangbrögð en sjást í MMA.
Amerísk fjölbragðaglíma er
ekki bara skemmtilegri heldur er
hún einnig ærlegri. Þar eru leik­
endur ekki að þykjast vera neitt
annað en þeir eru. Vöðvaskrímsli á
sterum og kókaíni sem deyja flestir
langt fyrir aldur fram. Ef við ætlum
að leyfa bardagaíþróttir í skylm­
ingaþrælastíl þá ættum við að gera
það með stæl. n
Svarthöfði
Það er
staðreynd að…
Hvalir eru ekki með raddbönd.
Í kringum 30% mannkynsins geta
blakað nasavængjunum.
Blint fólk sér þegar það dreymir.
Draumarnir eru þó aðeins svarthvítir.
Twitter, Facebook Youtube og
Snapchat eru meðal þeirra samfé-
lagsmiðla sem eru ólöglegir í Kína.
Jarðhnetur eru ekki hnetur, heldur
baunir.
Hver er
hann
n Hann er fæddur
23. nóvember árið 1963 í
Reykjavík.
n Hann útskrifaðist árið
1990 úr Leiklistarskóla
Íslands.
n Hann lék rússneska fjallgöngu-
manninn Anatoli Boukreev í frægri
stórmynd.
n Hann hefur hlotið Edduverð-
launin alls fimm sinnum og deilt
skjánum með Johnny Depp.
n Á Facebook má finna umtalaða
síðu sem ber heitið Sama myndin
af [x] á hverjum degi.
SVAR: INGVAR EGGERT SIGURÐSSON
Almannatenglar skráðir
sem innherjar hjá Icelandair
Þ
ann 20. nóvember síðast­
liðinn voru almannatengl­
arnir Friðjón Friðjónsson
og Gísli Freyr Valdórsson,
hjá KOM, skráðir sem innherjar
hjá Icelandair Group hf. Fyrir
nokkrum mánuðum gekk sú saga
fjöllum hærra að starfsmenn KOM
stæðu að baki neikvæðum fréttum
um flugfélagið WOW air í þeim til­
gangi að spilla fyrir frægu skulda­
bréfaútboði fyrirtækisins upp á 50
milljónir króna. Eyjan skrifaði frétt
um þær ásakanir um miðjan sept­
ember og brást Friðjón hart við
þegar hann var spurður út í þessa
kenningu. „Þetta eru fullkom­
in og alger og helber ósannindi,“
sagði Friðjón í samtali við DV. Gísli
Freyr, sem helst er þekktur fyrir
aðild sína að lekamálinu svokall­
aða, brást einnig við umfjöllun­
inni og vísaði fréttunum til föður­
húsanna.
Náin tengsl við áhrifamikla
fjölmiðlamenn
Í áðurnefndri frétt Eyjunnar
var bent á náin tengsl Frið­
jóns við Hörð Ægisson,
ritstjóra Markaðarins
hjá Fréttablaðinu, og
Stefán Einar Stefáns­
son, fréttastjóra við­
skipta hjá Morgun­
blaðinu. Fjölluðu
miðlarnir ítarlega
um slæma stöðu
WOW air í að­
draganda skulda­
bréfaútboðsins. Sér­
staklega vakti frétt
Morgunblaðsins um
að WOW air
skuldaði Isavia ohf. um tvo millj­
arða króna í lendingargjöld mikla
athygli.
Brást illa við frétta-
flutningnum
Brást Skúli Mog­
ensen, forstjóri
WOW air, illa
við fréttaflutn­
ingnum. „Ég
get ekki orða
bundist leng­
ur að sjá hvern­
ig sumir fjöl­
miðlar keppast
um að tortryggja
WOW air og það sem
við höfum byggt upp
undanfarin ár. Ég hrein­
lega trúi ekki að nokkur
blaðamaður eða fjölmið­
ill sé svo skammsýnn að vilja
vísvitandi skemma fyrir áfram­
haldandi uppbyggingu félagsins.
Nýjasta „fréttin“ er að við eigum
að skulda Isavia yfir tvo milljarða.
Þessu er slegið upp með stórri
fyrirsögn í æsifréttastíl á forsíðu
Morgunblaðsins í dag og er vitn­
að í nafnlausan heimildarmann.
Við leggjum ekki í vana okkar að
tjá okkur um einstaka birgja eða
þjónustusamninga en þetta er
einfaldlega rangt. Við eigum mjög
gott samstarf við Isavia og höf­
um aldrei skuldað þeim yfir tvo
milljarða króna og það er til
skammar að Morgunblað­
ið sé að slá upp slíkum fyr­
irsögnum án áreiðanlegra
heimilda,“ sagði Skúli í
yfir lýsingu á sínum tíma.
Eins og frægt varð
gekk skuldabréfaút­
boð WOW air ekki sem
skyldi og skömmu
síðar var tilkynnt um
fyrirhuguð kaup
Icelanda­
ir á WOW
air, sem voru
einar stærstu
viðskiptafréttir
ársins. Rúmum
þremur vikum síðar
féll þó Icelandair frá kaupunum og
bandaríska félagið Indigo Partners
stökk til og fjárfesti í WOW.
Í vikunni var síðan tilkynnt um
hópuppsagnir hjá WOW air en 111
fastráðnum starfsmönnum var
sagt upp störfum. Þá kom fram að
flugvélar yrðu seldar og rekstur fé­
lagsins einfaldaður.
Rétt er að geta þess að önnur
dæmi eru um að aðkeyptir al­
mannatenglar séu skráðir sem
innherjar hjá stórum félögum.
Þannig er Einar Karl Haraldsson
skráður sem innherji hjá Heima­
völlum hf. og Ásgeir Friðgeirsson
er skráður sem innherji hjá HB
Granda.
DV hafði samband við
Icelandair vegna málsins og leit­
aði eftir frekari skýringum á starfi
tvímenninganna fyrir félagið. Svör
höfðu ekki borist þegar blaðið fór í
prentun. n