Dagblaðið Vísir - DV - 28.12.2018, Síða 16

16 28. desember 2018ANNÁLL - APRÍL
Kosningabarátta,
eldsvoði og flótti Sindra
Sturla Sigurgeirsson, karlmaður
á sextugsaldri, er dæmdur í fimm
mánaða skilorðsbundið fangelsi
fyrir að hafa fróað sér í gestamót­
tökunni á Hótel Sögu við Hagatorg
í nóvember 2016.
Greint er frá stórbruna í atvinnuhúsnæði
í Garðabæ. Í húsinu er fataverslunin
Icewear til húsa sem og geymsluleigan
Geymslur.is. Húsið brennur til kaldra
kola og fjölmargir Íslendingar tapa
verðmætum sem þeir höfðu kom­
ið fyrir í geymslu í húsnæðinu.
Meðal þeirra sem glata verð­
mætum eru Björgvin Hall-
dórsson og Sigríður
Beinteinsdóttir.
Ágúst Guðmundsson lýsir
því í viðtali við DV hvernig
honum tókst að
smygla sér út
úr Taílandi og
sleppa þar með
við áratuga­
langan fangelsis­
dóm. Ágúst átti allt
að þrjátíu ára fangelsisdóm
yfir höfði sér fyrir að ráð­
ast á starfsmenn þarlendrar
verslunar með piparúða og
stela sígarettum og freyðivíni.
Ágúst sætti slæmri meðferð
ytra á meðan hann þurfti að
dúsa þar í haldi og var hann
beittur margs konar ofbeldi.
Lögreglan lýsti eftir Sindra
Þór Stefánssyni
sem strauk frá
Sogni þar sem hann sat í gæsluvarð­
haldi vegna gagnaversmálsins svokallaða. Um var
að ræða þjófnað á um 600 tölvum. Verðmæti þeirra
var um 200 milljónir króna og eru tölvurnar enn
ófundnar. Flótti Sindra Þórs vakti mikla athygli,
innanlands sem og erlendis, og sérstak­
lega sú staðreynd að hann náði að
flýja land í sömu flugvél og Katrín
Jakobsdóttir, forsætisráðherra Ís­
lands. Sindri var síðan gripinn í
Amsterdam en réttarhöld yfir hon­
um og öðrum sakborningum í mál­
inu hafa staðið yfir. Sindri Þór hefur
játað aðild að málinu og er farið fram
á fimm ára fangelsisdóm yfir honum.
Birgitta Jónsdóttir tilkynnir að hún
sé hætt í Pírötum. „Vonsvikin með
stjórnmálin, almenning, kerfið
almennt og Píratar eru ekkert
undanskildir.“
DV birtir umfjöll­
un um fjörtíu fjöl­
kæra Íslendinga
sem mættu í
swing­partí á ótil­
greindum stað
á höfuðborgar­
svæðinu.
Fréttir af kosningabaráttu til sveitarstjórna um allt land heltekur apríl­
mánuð. Sjálfstæðismenn saka Dag B. Eggertsson og félaga hans í Sam­
fylkingunni um að dæla út óhróðri og lygum um Eyþór Arnalds á sam­
félagsmiðlum. Á meðan er Dagur brjálaður yfir óvinsældakönnun
Fréttablaðsins. Vilborg Hansen hættir þátttöku í pólitík, þátttöku sem
aldrei hófst út af samskiptaörðugleikum hjá Miðflokknum. Biggi lögga
fer í fýlu því hann fær ekki sæti á lista Framsóknarflokksins í Hafnar­
firði og bylting gegn Elliða bæjarstjóra kraumar í Eyjum. Á meðan syngja
Sósíal istar hástöfum: „Hosanna, Hey Sanna Sanna Sanna Hosanna, Hey
Sanna Hosanna.“
Sími. 4524272 / vilko.is
Hafa bakað með
íslendingum
frá 1935