Dagblaðið Vísir - DV - 28.12.2018, Síða 94

94 SPORT 28. desember 2018
Bjóðum uppá frítt söluverðmat
Grensásvegi 13, 108 Reykjavík / S: 570 4800

Næsti kafli
hefst hjá okkur
Hetjur og skúrkar ársins 2018
Þ
að getur verið stutt á milli
hláturs og grátur í fót-
bolta, líkt og í öðrum íþrótt-
um. Smáatriði geta skorið
úr um hvort þú verður hetja eða
skúrkur. Knattspyrnuárið hef-
ur verið skemmtilegt að flestu
leyti, íslenskir aðdáendur fengu
að upplifa heimsmeistaramótið
í fyrsta sinn, úrslitin hefðu mátt
vera betri en flestir taka það með
sér í sumarlandið að hafa upplifað
stærsta sviðið. Erlendis gekk mik-
ið á en eins og alltaf, er íslenskt
knattspyrnuáhugafólk mikið að
fylgjast með enskum fótbolta, þar
hefur margt og mikið gerst. Hetj-
ur og skúrkar verða til á hverju ári,
hverjir sköruðu fram úr og hverjir
áttu vont ár.
Það er ekki hægt að líta yfir þetta knattspyrnuár án þess að horfa
í frammistöðu Kylian Mbappe, leikmanns PSG og franska lands-
liðsins. Þrátt fyrir ungan aldur er Mbappe orðinn einn allra besti
knattspyrnumaður í heimi, frammistaða hans á heimsmeistara-
mótinu var geggjuð þar sem Frakkar unnu þennan eftirsótta titil. Það
er ekki langt í að Mbappe taki fram úr Cristiano Ronaldo og Lionel
Messi og verði besti knattspyrnumaður í heimi, árið 2019 gæti verið
árið þar sem það gerist.
Sagan mun dæma hann sem
einn ótrúlegasta íþróttamann
sögunnar. Ronaldo er 33 ára
gamall en hann var besti leik-
maður Real Madrid þegar
liðið vann meistaradeildina
þriðja árið í röð. Hann fór svo
á heimsmeistaramótið með
Portúgal og setti upp sýn-
ingu fyrir alla í fyrsta leik gegn
Spáni. Flestir á hans aldri eru
hræddir við nýja áskorun en
í sumar gekk Ronaldo í rað-
ir Juventus og þar hefur hann
haldið áfram að vera einn besti
leikmaður heims. Ný deild, ný
áskorun en samt heldur Ron-
aldo áfram að sigra heiminn.
Magnaður íþróttamaður.
Framherjinn knái hefur að einhverju leyti átt erfitt ár. Meiðsli hafa
hrjáð hann en þegar heilsa hans hefur verið í lagi, hefur frammi-
staðan verið í heimsklassa. Með Augsburg í Þýskalandi hefur Alfreð
raðað inn mörkum þegar heilsan hefur leyft honum það og með ís-
lenska landsliðinu hefur uppskriftin verið eins. Alfreð glímdi við
meiðsli fyrir heimsmeistaramótið í Rússlandi en þangað mætti hann
og stimplaði sig inn með látum. Mark Alfreðs gegn Argentínu er
merkilegasta augnablikið á þessu íþróttaári á Íslandi, stærsta sviðið
er fyrir stærstu stjörnurnar.
Markvörðurinn frá Þýskalandi átti eitt eftirminnilegasta atvik ársins
2018 í fótboltanum. Ætla má að Karius sé enn að hugsa um mistök
sín fyrir Liverpool í úrslitum meistaradeildarinnar í maí. Þar gerðist
markvörðurinn sekur um dómgreindarleysi sem reyndist Liverpool
dýrkeypt. Liverpool hefur ekki unnið stóran titil í mörg ár og þarna
sáu stuðningsmenn félagsins möguleika á einum slíkum. Karius var
orðinn fyrsti kostur í mark Liverpool en þessi mistök urðu til þess að
honum var sparkað burt frá félaginu í sumar, dýrkeypt mistök fyrir
alla aðila.
Byrjunin fyrir sænska þjálfarann með íslenska landsliðið hefur verið
hreint hræðileg, sex leikir og ekki einn sigur. Svakalegur skellur í
hans fyrsta leik gegn Sviss og liðið hefur ekki jafnað sig af því. Ham-
ren hefur hins vegar verið óheppinn. Honum hefur aldrei tekist að fá
alla bestu leikmenn liðsins saman og það munar um það. Hamren
fékk erfiða byrjun og frammistaðan á köflum var afar slæm. Ham-
ren þarf að eiga góða byrjun á nýju ári ef hann ætlar að ekki að missa
starf sitt nokkuð fljótt og örugglega.
Bikaróði Portúgalinn missti tökin á sínu liði, Manchester United, árið
2018. Það gerði hann svo rækilega að hann var rekinn seint í desem-
ber eftir hörmulega spilamennsku hjá sigursælasta félagi Englands.
Mourinho var í vondu skapi stærstan hluta ársins. Liðið féll úr leik í
16 liða úrslitum meistaradeildarinnar gegn Sevilla, tapaði í bikar-
úrslitum gegn Chelsea og eftir það fór allt í vitleysu. Mourinho var í
stríði við bestu leikmenn liðsins og örlög hans voru ráðin. Mourinho
getur þó huggað sig við uppsagnarbréfið en með því fylgdu nokkrir
milljarðar í vasa hans.
Hetjur ársins 2018:
Skúrkar ársins 2018:
Kylian
Mbappe
Cristiano
Ronaldo
Alfreð
Finnbogason
Lloris Karius
Erik
Hamren
Jose
Mourinho
Hörður Snævar Jónsson
hoddi@433.is