Morgunblaðið - 09.11.2018, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 9. NÓVEMBER 2018
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
„Það eru mest kylfingar af höf-
uðborgarsvæðinu sem mæta og
spila hjá okkur. Ég er þannig nán-
ast viss um að Heimir Karls mun
koma. Við í klúbbnum höfum getað
spilað á vellinum nánast allt árið
um kring,“ segir Jóhann Páll Krist-
björnsson, formaður Golfklúbbs
Suðurnesja, en klúbburinn efnir til
golfmóts í Leirunni næstkomandi
sunnudag, 11. nóvember.
Ræst verður út á öllum teigum
samtímis kl. 10:30 og leikið á sum-
arflötum og -teigum. Síðdegis í gær
höfðu hátt í 60 kylfingar skráð sig
en að sögn Jóhanns er reiknað með
að hámarki 72 spilurum.
Flestir klúbbar landsins urðu að
loka völlum sínum þegar fór að
snjóa og frost kom í jörðu. Svo-
nefndir strandvellir út við sjáv-
arsíðuna hafa jafnan verið opnir
lengur.
„Við höfum verið með golfmót í
nóvember áður. Fyrir tæplega
tveimur árum vorum við með mót í
janúar. Það er alltaf einhver traffík
um völlinn. Okkar félagsmenn eru
margir hverjir í vaktavinnu og geta
nýtt sér birtuna yfir vetrartímann,“
segir Jóhann Páll.
Hann segir alla golfklúbba fagna
því að geta lengt tímabilið, ekki síst
eftir afleitt veður í sumar. „Það
kom einn og einn góður dagur þeg-
ar hægt var að leika golf. Þetta hef-
ur verið eitt versta rekstrarárið
fyrir klúbbana,“ segir Jóhann Páll.
Golfmót í Leirunni 11. nóvember
Morgunblaðið/Kristinn Ingvarsson
Vetrargolf Kylfingar eru enn á ferð þótt kominn sé vetur og degi tekið að
halla. Nú eru síðustu forvöð að skrá sig á mót GS í Leirunni á sunnudag.
 Golfklúbbur Suðurnesja lengir tímabilið  Leikið á sumarflötum og -teigum
Karlmaður á fimmtugsaldri var
fundinn sekur um að hafa í janúar
síðastliðnum haft í vörslum sínum í
sölu- og dreifingarskyni 254 kanna-
bisplöntur, rúmlega 480 grömm af
marijúana og um 2,5 kíló af kanna-
bislaufum. Þá var hann einnig fund-
inn sekur um að hafa um þónokkurt
skeið ræktað kannabisplöntur, en
dómur þessi féll í Héraðsdómi
Reykjaness.
Maðurinn játaði brot sitt fyrir
dómi og var tekið tillit til þess við
dómsuppkvaðningu. Var einnig
tekið tillit til þess að maðurinn
hafði hreinan sakaferil. Dómurinn
mat það svo að horfa yrði til þess
umtalsverða magns fíkniefna sem
maðurinn hafði í fórum sínum og
ætlað var til sölu og dreifingar.
Fullnustu refsingar skal frestað og
hún felld niður að liðnum þremur
árum haldi hann skilorð.
Tekinn með yfir 250
kannabisplöntur
Helgi Bjarnason
helgi@mbl.is
Þeim sem afplána refsidóma í sam-
félagsþjónustu í stað fangelsisvistar
hefur fjölgað mjög að undanförnu.
Um þessar
mundir eru fleiri í
samfélagsþjón-
ustu en vistaðir
eru í fangelsum
landsins. Fang-
elsismálastofnun
er að ráða fjóra
nýja fangaverði
að fangelsinu á
Hólmsheiði og
mun fangelsið komast í fulla virkni
um áramót.
Páll Winkel fangelsismálastjóri
segir að unnt sé að heimila þeim
sem dæmdir hafa verið til tólf mán-
aða fangelsisrefsingar eða minna að
afplána dóma utan fangelsiskerfis-
ins, með samfélagsþjónustu. Þetta á
þó ekki við um kynferðisafbrota-
menn og aðra sem taldir eru hættu-
legir umhverfi sínu. Mjög hefur
fjölgað í samfélagsþjónustu að und-
anförnu. Nú eru um 200 í henni en
til samanburðar má geta þess að um
170 eru í fangelsiskerfinu. Þeir geta
verið í fullri vinnu eða námi en þurfa
að stunda ólaunaða vinnu í þjónustu
samfélagsins í sínum frítíma, svo
sem fyrir Rauða krossinn, sambýli
fatlaðra eða kirkjuna sína.
Hægt að gera betur
Páll segir reynsluna af samfélags-
þjónustu góða. Aðeins 16% þeirra
sem farið hafi í hana brjóti af sér á
ný.
Einnig hafa verið auknir mögu-
leikar til að afplána hluta fangels-
isvistar í opnu fangelsi og það hefur
einnig skilað árangri í því að menn
brjóta síður af sér að lokinni afplán-
un. „Við þurfum að hugsa um það
hvernig líklegast er að menn geti
staðið sig þegar þeir koma aftur út í
samfélagið. Reynslan sýnir að það
gerum við með því að loka menn inni
í eins skamman tíma og mögulegt
er,“ segir Páll. Hann bendir á að
maður sem fékk 8 ára fangelsisdóm
hafi áður þurft að vera í lokuðu
fangelsi í 7 ár. Nú sé hann þar í 2-3
ár, 3 ár í opnu fangelsi, 16 mánuði á
áfangaheimilinu Vernd og svo það
sem eftir er á heimili sínu með
ökklaband. Þetta stendur þeim til
boða sem standa sig vel.
„Við getum gert betur í þessu.
Margir fangar eiga við fíknivanda-
mál að stríða og við þurfum að bjóða
upp á fleiri meðferðarúrræði fyrir
þá,“ segir Páll.
Sextíu hafa sótt um 4 stöður
fangavarða við fangelsið á Hólms-
heiði sem Fangelsismálastofnun
auglýsti á dögunum. Páll segir að
dómsmálaráðherra hafi beitt sér
fyrir auknum fjárveitingum til
stofnunarinnar til þess að koma
fangelsinu í fulla virkni og fjölgun
fangavarða sé liður í því. Það verði
gert um áramót. Áætlað er að 50
rými verði nýtt að jafnaði en núna
eru þar 30 fangar.
Fleiri í samfélagsþjónustu en fangelsi
 Nú afplána um 200 menn dóma með ólaunaðri vinnu í þágu samfélagsins en 170 sitja í fangelsi
 Fangelsismálastjóri segir það skila miklu  Fangelsið á Hólmsheiði í fulla virkni um áramót
Morgunblaðið/Hari
Hólmsheiði Með fjölgun fangavarða verður hægt að fullnýta nýja fangelsið.
Þar verða um 50 fangar að jafnaði í stað 30 eins og verið hefur undanfarið.
Páll Winkel
Karlmaður á sex-
tugsaldri, sem
grunaður er um
að hafa stungið
konu með hnífi í
Þorlákshöfn síð-
astliðinn sunnu-
dag, var í gær lát-
inn laus úr haldi
að lokinni yf-
irheyrslu hjá lög-
reglu. Maðurinn
er sagður erlendur ríkisborgari. Var
hann úrskurðaður í gæsluvarðhald á
grundvelli rannsóknarhagsmuna.
Maðurinn hefur við yfirheyrslur
hjá lögreglu neitað sök, en konan
sem hann er grunaður um að hafa
veitt áverka hefur verið útskrifuð af
sjúkrahúsi. Er hún nú sögð dvelja
hjá vinafólki sínu, en konan og mað-
urinn eru vinnufélagar.
Samkvæmt upplýsingum frá lög-
reglu stendur rannsókn málsins enn
yfir og er meðal annars verið að
vinna úr ýmsum gögnum. Þá hefur
lögreglan einnig rætt við nokkur
vitni að árásinni. Þá liggja upplýs-
ingar um tildrög árásarinnar ekki
fyrir að svo stöddu.
Laus úr
haldi eftir
hnífstungu
 Árásin átti sér stað
í Þorlákshöfn nýverið
Lögreglan Mað-
urinn er nú laus.
Helgi Bjarnason
helgi@mbl.is
Hæstiréttur staðfesti í gær dóm Hér-
aðsdóms Reykjavíkur frá því í apríl á
síðasta ári um að felld skyldi úr gildi
15 milljóna króna stjórnvaldssekt
sem Seðlabanki Íslands lagði á Sam-
herja hf. fyrir brot á gjaldeyrislögum.
Er þar með lokið málarekstri Seðla-
bankans sem staðið hefur yfir í tæp
sjö ár. „Öllum fullyrðingum og ásök-
unum Seðlabankans á hendur Sam-
herja og starfsfólki okkar hefur verið
hnekkt og bankinn beðið afhroð,“ seg-
ir í bréfi Þorsteins Más Baldvinsson-
ar forstjóra og Kristjáns Vilhelms-
sonar framkvæmdastjóra til
starfsmanna.
„Ég er fyrst og fremst ánægður
með að endanleg niðurstaða sé komin
í málið og þakklátur starfsfólki mínu
fyrir þá vinnu sem það hefur lagt í
málið og það traust sem það hefur
sýnt mér á þessum tíma,“ segir Þor-
steinn Már við Morgunblaðið.
Gjaldeyriseftirlit Seðlabanka Ís-
lands taldi fyrirtækið hafa brotið
gjaldeyrislög og stóð fyrir húsleit á
starfsstöðvum Samherja á árinu 2012.
Málinu var síðar vísað til sérstaks
saksóknara í tvígang, meðal annars
með kærum á yfirmenn fyrirtækisins,
en saksóknari ákvað að fella niður
sakamál vegna meintra brota. Þá
ákvað Seðlabankinn að leggja á 15
milljóna króna stjórnvaldssekt. Hún
var felld niður af Héraðsdómi
Reykjavíkur og niðurstaðan staðfest í
Hæstarétti í gær. Í niðurstöðu hér-
aðsdóms sem Hæstiréttur staðfesti
kemur fram að ekkert hafi komið
fram um að ákvörðun Seðlabankans
um að hefja meðferð málsins að nýju
hafi byggst á nýjum gögnum og bank-
inn ekki sýnt fram á að honum hafi
verið heimilt að taka það upp.
Þorsteinn bendir á að forsendur
Seðlabankans hafi frá upphafi verið
rangar og hafi verið dæmdar rangar
af dómstólum. Þá kveðst hann ósáttur
við að málið skuli hafa getað haldið
svo lengi áfram sem raun ber vitni.
Segir hann að Seðlabankinn sé valda-
mikil stofnun sem eigi að tryggja
stöðugleika og sýna sanngirni í störf-
um sínum. Því hafi ekki verið fyrir að
fara hjá Má Guðmundssyni seðla-
bankastjóra og nánustu starfsmönn-
um hans.
Rekið af illum vilja
„Már Guðmundsson og yfirlög-
fræðingur bankans hafa rekið þetta
mál áfram af illum vilja. Bankaráðið
hefði átt að vera búið að stöðva það
fyrir löngu. Nú er spurning hvort
bankaráðið ætlar að sinna skyldum
sínum og láta Má og yfirlögfræðing-
inn hreinsa skrifborð sín á næstu dög-
um. Már Guðmundsson á að fara út úr
bankanum um helgina. Framferði
hans gagnvart Samherja og mörgum
öðrum er ekkert annað en glæpsam-
legt og tel ég stjórnvöldum ekki stætt
á að hafa slíkan mann í stóli seðla-
bankastjóra. Hann hefur þæft málið
áfram til að forðast óhjákvæmilega
niðurstöðu. Það tók Hæstarétt ekki
nema tvo daga að komast að niður-
stöðu. Nú er hún komin og þá verður
að láta bankaráð axla ábyrgð og láta
Má Guðmundsson fara,“ segir Þor-
steinn Már.
„Ekki stætt á að hafa slíkan
mann í stóli seðlabankastjóra“
 Forstjóri Samherja ósáttur með Seðlabankann  Hæstiréttur felldi niður sektina
Morgunblaðið/Skapti Hallgrímsson
Stjórar Þorsteinn Már Baldvinsson og Kristján Vilhelmsson taka á móti skipi.