Morgunblaðið - 09.11.2018, Blaðsíða 41

MENNING 41
MORGUNBLAÐIÐ FÖSTUDAGUR 9. NÓVEMBER 2018
Árið er 1970 og Farrokh„Freddie“ Bulsara(Rami Malek) er ófram-færinn háskólanemi og
flugvallarstarfsmaður sem hefur
stóra drauma um framtíð sína,
þrátt fyrir andstöðu foreldra
sinna. Eitt kvöldið fer hann út á
lífið og sér skólahljómsveitina
Smile spila, en þar innanborðs eru
gítarleikarinn Brian May (Gwilym
Lee) og trommuleikarinn Roger
Taylor (Ben Hardy). Þegar bassa-
leikari sveitarinnar og aðalsöngv-
ari hennar hættir til þess að elta
frægðardrauma sína með hljóm-
sveitinni Humpy Bong opnast
tækifærið fyrir Freddie til að láta
ljós sitt skína. Fyrr en varir er
hin nýja hljómsveit með bassaleik-
aranum John Deacon (Joseph
Mazzello) fullskipuð og stefnir
hátt undir nafninu Queen. En leið-
in á toppinn er þyrnum stráð.
Líklega er óþarfi að rekja sögu-
þráð Bohemian Rhapsody eitthvað
frekar, en henni er í raun best
lýst sem hálfgerðri yfirferð yfir
ævi og störf goðsagnarinnar
Freddies Mercurys og um leið
Queen sem hljómsveitar. Skemmst
er frá því að segja að myndinni
tekst það bara bærilega.
Líklega er best að afgreiða tón-
list myndarinnar fyrst, þar sem
Queen birtist manni í öllu sínu
veldi. Þeir Brian May og Roger
Taylor munu víst hafa haft yfir-
umsjón með tónlistinni og það
heyrist vel. Verður að hrósa að-
standendum myndarinnar alveg
sérstaklega fyrir það hvernig þeir
hafa sett bæði tónlist og sviðs-
framkomu hljómsveitarinnar á
hvíta tjaldið, með þeim afleið-
ingum að áhorfandinn á erfitt með
að sitja kyrr í sætinu þegar hver
slagarinn á fætur öðrum dynur yf-
ir salinn. Með töfrum tækninnar
hefur líka tekist að láta aðalleik-
arann Rami Malek hljóma eins
líkt Freddie Mercury og mögulegt
er í söngnum.
Það hjálpar líka til að leikaralið
myndarinnar er einstaklega vel
valið með tilliti til fyrirmyndanna.
Þeir Joseph Mazzello og Gwylim
Lee líkjast þeim John Deacon og
Brian May ótrúlega mikið. Ben
Hardy er ögn lengra útlitslega séð
frá Roger Taylor en bætir það
upp með því að fanga karakterinn
nær óaðfinnanlega. Af öðrum leik-
urum myndarinnar má sérstaklega
nefna gamla brýnið Mike Myers í
hlutverki stjórnanda hjá EMI-
plötuútgáfunni, sem seint mun
teljast til aðdáenda hljómsveit-
arinnar.
Að öðrum ólöstuðum verður þó
að nefna þau Lucy Boynton og
Rami Malek sérstaklega. Boynton
leikur Mary Austin, unnustu
Mercurys, af mikilli list og nær
vel að sýna þann ljúfsára trega
sem fylgt hefur sambandi þeirra.
Þá er varla hægt að lýsa
frammistöðu Ramis Maleks í aðal-
hlutverkinu nema sem algjörum
leiksigri. Mercury er sýndur hér
sem hinn stórkostlegi „performer“
sem hann var á sviðinu, en frægð-
in gerir hann einmana og í stöð-
ugri leit að einhverri lífsfyllingu.
Viðhlæjendur hans reynast sjaldn-
ast vinir, heldur eingöngu hræ-
gammar sem vilja upphefja sig
með því að tengjast stjörnunni.
Myndin er að vísu ekki galla-
laus. Fyrir aðdáendur hljómsveit-
arinnar gæti það til dæmis stungið
í augu að miklu skáldaleyfi hefur
verið beitt við handritsgerð mynd-
arinnar, til dæmis um það hvernig
upphaf hljómsveitarinnar var og
hvernig Freddie kynntist Mary,
fyrstu „ástinni“ í lífi sínu. Jim
Hutton, hin ástin í lífi hans, fær
einnig fremur stuttan tíma á
skjánum miðað við það hversu
stórt hlutverk hann lék á síðustu
árum Mercurys.
Þá er það öllu skiljanlegra að
skautað er nokkuð hressilega yfir
feril hljómsveitarinnar, enda væri
það eflaust efni í margra klukku-
tíma bíómynd. Umfjöllunin verður
því af illri nauðsyn nokkuð yfir-
borðskennd, jafnvel þótt reynt sé
að draga fram flestar af merkari
stundum hljómsveitarinnar. Um
leið er einungis tæpt örlítið til
dæmis á þeim „listrænu deilum“
sem gátu einkennt upptökur sveit-
arinnar, sem og því mikla gjálífi
sem Mercury stundaði þegar
frægðarsól hans stóð sem hæst
sem og þeim skelfilegu afleið-
ingum sem það hafði.
Raunar velja aðstandendur
myndarinnar að gera Live Aid-
tónleikana 1985 að nokkurs konar
hápunkti myndarinnar og sleppa
þannig við að sýna hina hetjulega
baráttu Mercurys við HIV-
sjúkdóminn nema að litlu leyti. Al-
næmisfaraldurinn vofir þó yfir
flestöllu í seinni helmingi mynd-
arinnar.
Í raun fellur Bohemian Rhap-
sody vel í flokk hálfgerðra hetju-
kvæða, þar sem goðsögnin fær að
vera í fyrirrúmi, með þeim afleið-
ingum að það sem betur hljómar
fær oftar en ekki forgang á það
sem gerðist í raun.
Það dregur að mínu mati hins
vegar ekki neitt úr skemmtana-
gildi kvikmyndarinnar og ýtir í
raun frekar við mér sem bæði
áhorfanda og aðdáanda að kynna
mér málin betur.
Bohemian Rhapsody er því þeg-
ar allt er dregið saman stórgóð
skemmtun þar sem frábærri tón-
list er blandað saman við magnaða
lýsingu á ævi einnar mögnuðustu
rokkhetju 20. aldarinnar, jafnvel
þótt hún sé færð nokkuð í stílinn.
Goðsögnin sett í fyrirrúm
Bohemian Rhapsody Queen í fullum gangi á tónleikum með Freddie Mercury (Rami Malek) og gítarleikarann
Brian May (Gwilym Lee) í fararbroddi. Malek vinnur leiksigur að mati gagnrýnanda Morgunblaðsins.
Laugarásbíó, Sambíóin, Smára-
bíó, Háskólabíó og Borgarbíó
Akureyri
Bohemian Rhapsody bbbbn
Leikstjóri: Bryan Singer. Handrit:
Anthony McCarten. Aðalhlutverk: Rami
Malek, Lucy Boynton, Gwilym Lee, Ben
Hardy, Joseph Mazzello, Aidan Gillen,
Tom Hollander og Mike Myers. Banda-
ríkin og Bretland, 2018. 134 mínútur.
STEFÁN GUNNAR
SVEINSSON
KVIKMYNDIR
Hljómsveitin Postmodern Jukebox
heldur tónleika í Eldborgarsal
Hörpu í kvöld kl. 20. Hljómsveitina
stofnaði Scott Bradlee árið 2009 og
leikur hún og syngur vinsæl lög frá
seinustu árum og áratugum, popp
og rokk sem hún setur í nýjan bún-
ing og þá löngu liðinna tíma, m.a.
do-wop og ragtime.
Bradlee lýsir þessu sjálfur sem
popptónlist í tímavél, að því er fram
kemur í tilkynningu.
Þar segir að Postmodern Juke-
box hafi notið mikilla vinsælda og
státi af meira en 950 milljónum
áhorfa á YouTube og 3,3 milljónum
fylgjenda.
Fjölda myndbanda hljómsveit-
arinnar má finna á YouTube og
áhugasamir geta kynnt sér hljóm-
sveitina á vefsíðu hennar, hpost-
modernjukebox.com.
Miðasala fer fram á harpa.is, tix.
is og í síma 5285050.
Vinsæl Stilla úr einu myndbanda Postmodern Jukebox.
Póstmódernískur
glymskratti í Hörpu
 Postmodern Jukebox heldur tónleika
Dásamlegir dropar
í sturtunni þinni
www.sturta.is | Reykjavíkurvegi 64, Hafnarfirði | s 856 5566
ICQC 2018-20