Morgunblaðið - 15.11.2018, Blaðsíða 24

24 FRÉTTIRInnlent
MORGUNBLAÐIÐ FIMMTUDAGUR 15. NÓVEMBER 2018
Bláu húsin v/Faxafen
Sími 553 7355 • www.selena.is • Selena
undirfataverslun • Næg bílastæði
Jóla
vörurnar
komnar Fegurð án samviskubits!
Umhverfisvænir og vegan förðunarbustar
VIÐTAL
Gunnlaugur Árnason
Stykkishólmi
Mörg hús í gamla miðbænum í Stykkishólmi
hafa verið endurbyggð og vekja athygli ferða-
manna. Húsið Narfeyri er eitt þeirra, byggt
árið 1906. Það er kennt við Guðmund Jónsson
frá Narfeyri á Skógarströnd sem keypti húsið
1920.
Um síðustu aldamót var húsinu breytt í
veitingastað og hafa hjónin Steinunn Helga-
dóttir og Sæþór Þorbergsson rekið Veitinga-
húsið Narfeyrarstofu frá árinu 2001 og er það
með eldri kennitölum í þessum rekstri.
Hjónin eru mjög samhent í rekstrinum og
vinnur sonur þeirra, Þorbergur Helgi mat-
reiðslusveinn, þeim við hlið. Dóttirin Aníta
Rún, sem er í háskóla í London, kemur og
starfar með þeim í fríum. Auk þess hafa þau
frábært starfsfólk.
Starfsemin hefur breyst mikið frá byrjun.
Þá voru ferðamenn á Íslandi um 300.000 en
síðan hefur fjöldi þeirra sexfaldast. Sæþór er
matreiðslumeistari að mennt. Hann segir að
gestum hafi fjölgað gífurlega og yfir sumarið
sé það húsnæðið sem takmarki gestafjöldann.
Reksturinn gengur vel og nú er opið alla daga
ársins. Yfir sumartímann vinna mest 17 við
þjónustu.
Áhugi á lífrænni ræktun
Viðhorf erlendra matargesta hefur líka
mikið breyst og eins kröfur þeirra. Nú er
áhugi fyrir lífrænni ræktun, rekjanleika hrá-
efnis og hráefni úr nærumhverfi.
„Við leggjum metnað okkar í að koma til
móts við þessar óskir. Það gerum við með því
t.d. að reka okkar eigin kjötvinnslu. Nú er það
svo að við kaupum beint frá bændum og er
lambakjötið vinsælast,“ segir Sæþór
Hann heldur áfram og segir: „Í ár kaupum
við rúmlega 200 lambsskrokka frá Helgafelli í
næsta nágrenni og svo fáum við 60 skrokka af
fullorðnu fé frá Smáhömrum á Ströndum. Við
úrbeinum allar okkar afurðir og nýtum allt
kjöt sem kemur af skepnunum. Við reykjum
hangikjöt fyrir jólin, gerum pylsur og ham-
borgara úr lambakjöti, gröfum og þurrkum
kjöt, því allt er þetta matur og verðmæti,“
segir Sæþór og bætir við: „Við vinnum ein-
göngu hráefni úr nærumhverfinu. Allur fisk-
ur, bláskel, hörpudiskur og krabbategundir
sem eru á matseðli okkar koma úr Breiðafirð-
inum. Ég hef í raun og veru verið í tvö ár að
þróa okkar framleiðslu og ekki enn kominn að
lokapunktinum.“
Breyta þarf markaðsmálum
En Sæþór er ekki ánægður með hvernig
markaðssetning fer fram hjá sláturleyfis-
höfum. Þeir eigi margt ólært. Það varð til
þess að þau hjónin gáfust upp á að versla við
þá og sneru sér beint til bænda. „Sauð-
fjárbændur hafa tekið miklum framförum í
framleiðslu á lambakjöti og er það að þakka
gæðastýringunni, þar sem lambakjöt og full-
orðið fé er flokkað í ákveðna gæðaflokka, EU-
ROP.
Svo fer kjötið í frystiklefa og þar er eins og
það fari allt í einn pott, sem ég kalla „ríkis-
lamb“, segir Sæþór og er ekki ánægður á
svip. „Ef ég óska eftir að kaupa af
sláturleyfishöfum get ég ekki valið eftir kjöt-
mati, fitumati eða öðru, heldur fæ ég sendan
skrokkafjöldann sem pantaður er, skammtað
eftir handahófskenndum aðferðum og ég sé
ekki hvað ég hef keypt fyrr en hann kominn
vestur til mín. Þess vegna snerum við okkur
beint til bænda. Það var eina leiðin til að fá
það kjöt sem við viljum kaupa. Ég valdi
bændur sem eru þekktir fyrir góða fram-
leiðslu og ég fæ skrokkana alla merkta eftir
afurðamati og get þess vegna valið kjötinu
hlutverk eftir gæðamati.“
Sæþór bendir á að í þessu sambandi þurfi
ekki að finna upp hjólið „Lítum til sjávar-
útvegsins. Þar kaupir maður þann fisk sem
óskað er, eftir stærð, fiskhlutum og hvaðan
fiskurinn kemur, en lítið er um rekjanleika í
sauðfjárræktinni. Það væri svo auðvelt að
gera í áframhaldi af gæðastýringunni.
Vill leggja áherslu á sérstöðuna
Eins og staðan er í dag hjá sauðfjár-
bændum virðast fáir vera tilbúnir til að taka
við af þeirri kynslóð sem fer að ljúka starfs-
ævinni. Ég vil að bændur fái leyfi til að slátra
sjálfir við skynsamlegar aðstæður og kröfur.
Á þann hátt fækkaði milliliðum og bændur
fengju stærri hluta kökunnar til sín. Þannig
kæmist líka á gott samband milli seljenda og
kaupenda.“
Sæþór vill leggja áherslu á sérstöðu ís-
lenska lambakjöts. „Mig langar að nefna eitt
dæmi. Í Brokey á Breiðafirði er rekið sauð-
fjárbú. Sauðfé sem þar er gengur um land
sem ekki er borinn á áburður og engin lyf
notuð, eins lífrænt og hægt er að hafa það.
Um haustið fara lömbin í sláturhús og koma
þaðan út sem „ríkislamb“ eins og hvert annað
kjöt. Það er ekkert gert til að selja þetta kjöt
sem sérstaka afurð sem hærra verð fengist
fyrir. Mér finnst þróun í sölumálum kinda-
kjöts taka alltof langan tíma; við höfum tæki-
færin og þurfum að fara að sjá meiri árangur.
Gæðin og sérstaðan eru fyrir hendi.“
Lokaorð Sæþórs eru: „Við hjónin höfum
haft mikla ánægju af að standa í þessum
rekstri. Við erum að gera það sem okkur
langar til og þegar við sjáum gestina sem
koma til okkar fara ánægða heim eftir heim-
sóknina í Stykkishólm er markmiðinu náð.“
Lambið nýtur ekki sannmælis
 Steinunn og Sæþór bjóða upp á hráefni úr nærumhverfi sínu á Stykkishólmi  Rekjanleiki afurð-
anna skiptir miklu máli  Erlendir matargestir gera nú aðrar kröfur  „Ríkislömb“ í einum potti
Morgunblaðið/Gunnlaugur Árnason
Narfeyrarstofa Hjónin Sæþór Þorbergsson og Steinunn Helgadóttir fyrir framan Narf-
eyrarstofu. „Við hjónin höfum haft mikla ánægju af að standa í þessum rekstri,“ segir Sæþór.
Eldhús Sæþór við úrbeiningu lambakjöts. Þau
nýta allt kjöt sem kemur af skepnunum.
Borgarstjórinn í Reykjavík býður til opins kynningarfundar um uppbygg-
ingu íbúðarhúsnæðis í Reykjavík föstudaginn 16. nóvember kl. 9-11 í Ráð-
húsi Reykjavíkur. Boðið verður upp á morgunhressingu frá kl. 8:30. Fund-
urinn er opinn öllum, segir í fundarboði.
Þar segir að á fundinum verði dregin upp heildstæð mynd af fram-
kvæmdum og framkvæmdaáformum á húsnæðismarkaði í Reykjavík.
Áhersla verði lögð á samþykkt verkefni og framkvæmdir sem eru nýlega
hafnar, en einnig verði gefin innsýn í verkefni á undirbúningsstigi.
Kynnt verður ný greining á fasteignamarkaðinum sem Capacent vann,
en sambærileg greining var unnin fyrir tveimur árum.
Kynningarfundur um húsnæðismarkað