Morgunblaðið - 05.01.2019, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 5. JANÚAR 2019
Veður víða um heim 4.1., kl. 18.00
Reykjavík 8 súld
Hólar í Dýrafirði 9 rigning
Akureyri 9 skýjað
Egilsstaðir 7 heiðskírt
Vatnsskarðshólar 8 súld
Nuuk -7 snjókoma
Þórshöfn 9 rigning
Ósló 0 heiðskírt
Kaupmannahöfn 3 heiðskírt
Stokkhólmur 3 þoka
Helsinki 0 skýjað
Lúxemborg 2 skýjað
Brussel 2 skýjað
Dublin 5 skýjað
Glasgow 6 alskýjað
London 2 þoka
París 5 alskýjað
Amsterdam 6 alskýjað
Hamborg 6 súld
Berlín 3 súld
Vín -1 snjókoma
Moskva -4 snjókoma
Algarve 16 léttskýjað
Madríd -2 heiðskírt
Barcelona 11 skýjað
Mallorca 12 léttskýjað
Róm 4 léttskýjað
Aþena 5 súld
Winnipeg -5 skýjað
Montreal 1 alskýjað
New York 3 heiðskírt
Chicago 2 þoka
Orlando 24 þoka
 5. janúar Sólarupprás Sólsetur
REYKJAVÍK 11:15 15:52
ÍSAFJÖRÐUR 11:55 15:22
SIGLUFJÖRÐUR 11:39 15:04
DJÚPIVOGUR 10:52 15:14
VEÐUR KL. 12 Í DAG
Á sunnudag Allhvöss eða hvöss suðvestanátt og él,
hvassast NV-til, en þurrt á austanverðu landinu. .
Á mánudag Allhvöss eða hvöss norðlæg átt með
slyddu eða snjókomu. Kólnandi veður.
Snýst í vestan 10-18 m/s, fyrst vestan til á landinu með slyddu og kólnar, en lengst af þurrt um
landið norðaustanvert. Úrkomulítið um landið vestanvert um tíma síðdegis.
Askalind 4 | Kópavogi | Sími 564 1864 | vetrarsol.is
40 ár
á Íslandi
Snjóblásarar í
öllum stærðum
og gerðum
Hágæða snjóblásarar frá
Stiga
ST5266 PB
Kristján H. Johannessen
khj@mbl.is
Fundum Alþingis var um miðjan des-
ember síðastliðinn frestað til 21. jan-
úar. Morgunblaðið setti sig í samband
við formenn allra þingflokka og spurði
þá út í komandi vorþing. Af svörum
þeirra að dæma má búast við því að
næstu vikur og mánuðir verði anna-
samir innan veggja Alþingis enda fjöl-
mörg mál, sum bæði stór og umdeild,
sem bíða afgreiðslu.
„Það má eflaust reikna með ein-
hverjum átökum. Það er þó ekki endi-
lega fyrirséð á þessari stundu hvaða
mál það eru sem helst eiga eftir að
valda ágreiningi,“ segir Birgir Ár-
mannsson, formaður þingflokks Sjálf-
stæðisflokksins, og bendir á að sagan
hefur sýnt að oft eru það hin ólíkleg-
ustu mál sem fara á mikið flug við
þinglega meðferð.
„Til að byrja með verða samgöngu-
málin stærsta viðfangsefni okkar í
þinginu. Fyrir jól var lagt upp með
ákveðna vinnu í þeim málum og er um-
hverfis- og samgöngunefnd þegar far-
in að funda til að fylgja þeirri vinnu
eftir. Það verður áfram fundað í
nefndinni til að búa í haginn áður en
þingið kemur saman aftur,“ segir
Birgir og bætir við að annars vegar sé
um að ræða samgönguáætlun og hins
vegar hugmyndir um upptöku
veggjalda.
Orkupakki og samgöngur
Bjarkey Olsen Gunnarsdóttir, for-
maður þingflokks Vinstri grænna,
tekur í svipaðan streng og nefnir fyrst
samgöngumálin sem fyrsta stóra mál
þingsins.
„En það verða nú væntanlega önn-
ur stór mál, s.s. það sem snýr að fisk-
eldi. Ég get ímyndað mér að menn
hafi skiptar skoðanir á því,“ segir
Bjarkey Olsen og heldur áfram: „Svo
má nú ekki gleyma orkupakkanum
sem ekki hefur farið fram hjá nokkr-
um manni, ef það mál verður þá lagt
fram. Þessi tvö mál, samgöngurnar og
orkan, verða að líkindum plássfrek-
ust.“
Guðmundur Ingi Kristinsson, for-
maður þingflokks Flokks fólksins,
segir „nokkur augljós stór deilumál
blasa við“ þingmönnum eftir jólafrí.
Nefnir hann í því samhengi heilbrigð-
isstefnu stjórnvalda.
„Þeir eru strax byrjaðir að krafsa í
sjúkraþjálfun sem var að skila góðum
árangri fyrir stóran hóp fólks. Þetta er
náttúrulega ekki gott,“ segir hann.
Annað atriði sem Guðmundur Ingi tel-
ur mikilvægt að ræða vel eru sam-
göngumál.
„Ég er ekki alveg búinn að kyngja
því hvernig á að standa að þessum
veggjöldum,“ segir hann og bætir við
að „ófremdarástand“ ríki í samgöngu-
málum á höfuðborgarsvæðinu.
„Það verður að leysa þennan
vanda, en hann verður ekki leystur
öðruvísi en með nýrri samgönguæð.
Það ætti að vera búið að leggja nýjan
veg fyrir löngu síðan.“ Spurður hvort
hann sé hlynntur hugsanlegum veg-
gjöldum kveður Guðmundur Ingi nei
við.
„Ég er alveg hlynntur því að þeir
sem nota vegina mest eigi að borga
mest. En við getum ekki verið með
veggjöld, látið höfuðborgarsvæðið
greiða skatta á fullu og haft bensín-
gjöld og önnur gjöld. Þá erum við
bara að margskatta sama dæmið.“
Hanna Katrín Friðriksson, formað-
ur þingflokks Viðreisnar, segir sam-
göngumál munu verða áberandi og á
hún þá fremur von á mikilli vinnu með
hagsmunaaðilum og grasrót í stað
beinna átaka á þingi.
„Svo má nefna fiskeldismál, þjóðar-
sjóð og starfsgetumat. Allt eru þetta
atriði sem kalla má stór,“ segir
Hanna Katrín og heldur áfram: „Mið-
að við fyrrihluta vetrar þá verður
meira fjör á þessu þingi hvað málefni
varðar. [...] Svo er eitt mjög mikil-
vægt mál sem flotið hefur á milli
ráðuneyta, frumvarp um kynlegt
sjálfræði. Þetta er eitt af þessum
stóru málum og snýst um rétt allra
einstaklinga til að ráða yfir eigin lík-
ama. Þetta mál þarf athygli.“
Ræða þarf framtíð bankanna
Oddný G. Harðardóttir, formaður
þingflokks Samfylkingarinnar, segir
brýnt að þingið fari vel yfir hugsanleg
veggjöld og samspil þeirra við skatt-
kerfið.
„Þetta er eins og hlutir standa nú
allt mjög óljóst. Ég hef trú á því að
þetta gæti orðið þungt mál í þinginu
enda á eftir að gera raunhæft mat á
milli þjónustugjalda og skattkerfisins
og skýra hlutverk hvors fyrir sig,“
segir Oddný.
Spurð hvort hún telji þörf á veg-
gjöldum svarar Oddný: „Ég held það
sé mikil þörf fyrir uppbyggingu á veg-
unum okkar. Það er algerlega ljóst.
En á meðan við erum ekki að nýta
skattkerfið okkar, þar sem menn
borga eftir getu, þá hef ég efasemdir
um að setja sérstök þjónustugjöld á
vegina. Þetta þurfum við hins vegar
allt að skoða miklu betur í þinginu.“
Þá segist Oddný eiga von á miklum
umræðum um framtíð bankakerfisins
á Íslandi. „Hvernig við ætlum að
byggja kerfið okkar upp og hvaða
breytingar það eru sem við viljum sjá
á bankakerfinu. Ég vil til að mynda
sjá að tækniframfarir, bæði þær sem
nú þegar eru komnar sem og þær
sem eiga eftir að koma, leiði af sér
ódýrara bankakerfi fyrir neytendur.
Við eigum alls ekki að selja bankana
fyrr en við erum búin að ákveða
hvernig bankakerfið á að vera í fram-
tíðinni,“ segir hún.
Þórhildur Sunna Ævarsdóttir, for-
maður þingflokks Pírata, segir það
mikla gæfu að tekist hafi að fresta
samþykkt upptöku veggjalda á
haustþinginu. „Ég held að allar stað-
hæfingar um að almenn sátt ríki um
þetta mál séu ekki byggðar á sterk-
um rökum. Þetta er illa útfært og
óskýrt hjá þeim í stjórninni. Það á
eftir að fara ofan í saumana á þessu
máli,“ segir hún.
Þórunn Egilsdóttir, formaður
þingflokks Framsóknar, segist fyrst
og fremst bjartsýn á komandi þing-
störf. „Haustið gekk vel og við náðum
að afgreiða fjöldann allan af málum.
Það hafa í raun sjaldan verið afgreidd
fleiri mál en þá. Ég er því bjartsýn á
að okkur takist áfram að vinna þétt
og vel,“ segir hún.
Anna Kolbrún Árnadóttir, starf-
andi formaður þingflokks Miðflokks-
ins, segir samgönguáætlun stóra mál-
ið á dagskrá. „Þá á ég meðal annars
við veggjöld og hvort áfram verður
framhald á þeirri sátt sem virtist vera
uppi. Ég á von á því að við beitum
okkur mikið í þeim mörgu stóru mál-
um sem fram undan eru á þinginu,“
segir hún.
Klaustur vofir enn yfir þinginu
Þá nefndu nokkrir þingflokks-
formenn Klausturmálið svonefnda og
þá einkum stöðu þeirra sex þing-
manna sem við það eru kenndir.
„Jólafríið hefur eflaust náð að létta
spennuna eitthvað, en það breytir því
ekki að annar fasi mun hefjast í þessu
máli þegar niðurstaða siðanefndar
liggur fyrir,“ segir Bjarkey Olsen og
heldur áfram: „Niðurstaða siðanefnd-
ar mun skipta mjög miklu máli, hvort
sem þingmenn kjósa svo að fara eftir
henni eða ekki. Það verður samt ansi
snúið að fara ekki eftir niðurstöðunni,
verði hún þeim óvinhöll.“
Þá segir Þórhildur Sunna þörf á að
kafa nánar ofan í kjölinn á málinu.
Von á miklum önnum á Alþingi
 Morgunblaðið tók formenn þingflokka tali vegna komandi vorþings  Samgöngumál voru þing-
mönnunum ofarlega í huga  Fiskeldi, orkupakki Evrópusambandsins, bankarnir og Klausturmál
Morgunblaðið/Eggert
Löggjafarþing Formenn þingflokka eiga allir von á miklum önnum á komandi vorþingi og má búast við mörgum
hitamálum. Atburðirnir á Klaustri eru enn sagðir varpa skugga sínum yfir þingið og er málið á borði siðanefndar.
Birgir
Ármannsson
Sjálfstæðisflokki
„Það má eflaust
reikna með ein-
hverjum átökum.“
Guðmundur Ingi
Kristinsson
Flokki fólksins
„Þeir eru strax
byrjaðir að krafsa
í sjúkraþjálfun.“
Oddný G.
Harðardóttir
Samfylkingu
„Þetta er eins og
hlutir standa nú
allt mjög óljóst.“
Bjarkey Olsen
Gunnarsdóttir
Vinstri grænum
„Svo má nú ekki
gleyma orku-
pakkanum.“
Hanna Katrín
Friðriksson
Viðreisn
„Verður meira
fjör á þessu
þingi.“
Þórhildur Sunna
Ævarsdóttir
Pírötum
„.Þetta er illa út-
fært og óskýrt hjá
þeim í stjórninni.“
Þórunn
Egilsdóttir
Framsóknarflokki
„Það hafa í raun
sjaldan verið af-
greidd fleiri mál.“
Anna Kolbrún
Árnadóttir
Miðflokki
„Ég á von á því
að við beitum
okkur mikið.“