Morgunblaðið - 05.01.2019, Blaðsíða 8

8 FRÉTTIRInnlent
MORGUNBLAÐIÐ LAUGARDAGUR 5. JANÚAR 2019
The Wall Street Journal fjallarum það í leiðara að demó-
kratar í öldungadeildinni hafi
efasemdir um tiltekið dómaraefni
á þeim forsendum að viðkomandi
sé í ákveðinni reglu innan kaþ-
ólsku kirkjunnar. Efasemdirnar
hafi verið settar fram á þeim for-
sendum að þessi regla hafi „öfga-
fulla afstöðu í ýmsum málum,“
einkum um hjónabönd fólks af
sama kyni og
fóstureyðingar.
  
Blaðið tekursérstak-
lega fram að
þessi regla hafi
enga aðra afstöðu í þessu en kaþ-
ólska kirkjan almennt og að John
F. Kennedy forseti hafi til dæmis
verið í þessari reglu.
  
The Wall Street Journal segirröksemdirnar gegn dómara-
efninu valda áhyggjum. Ekki
þurfi lengur að fjalla efnislega
um pólitíska afstöðu fólks, eða í
tilviki dómaraefnis að sýna fram
á að það mundi láta afstöðu sína
en ekki lögin ráða dómsniður-
stöðu.
  
Í dag sé nóg að stimpla það semmaður tengist sem „öfgafullt“
og hindra viðkomandi á þeim for-
sendum í að gegna opinberum
störfum.
  
Óhætt er að taka undir aðþetta er áhyggjuefni. Iðu-
lega koma upp dæmi um að þeir
sem vilja telja sig umburðarlynda
eru alveg lausir við þann eigin-
leika í raun.
  
Tal um umburðarlyndi verðurþá aðeins yfirskin í pólitískri
baráttu og skaðar þá sem raun-
verulega eru umburðarlyndir –
og þjóðfélagið í heild.
Eru kaþólskir
óalandi öfgamenn?
STAKSTEINAR
Olíufélögin hafa ekki hækkað útsölu-
verð á bensíni og dísilolíu eftir ára-
mót en þá hækkuðu opinberar álög-
ur. Eggert Þór Kristófersson, for-
stjóri Festar, sem rekur N1, segir að
heimsmarkaðsverð á olíu hafi lækk-
að, sérstaklega á milli jóla og nýárs,
og því verið kominn tími til að lækka
en félagið hafi notað svigrúmið til að
mæta skattahækkunum.
Vörugjöld og kolefnisgjald á bens-
ín hækkaði um áramót ásamt olíu-
gjaldi og kolefnisgjaldi á dísilolíu. Að
viðbættum virðisaukaskatti reiknast
Félagi íslenskra bifreiðaeigenda til
að skattahækkanirnar myndu leiða
til þess að bensínlítrinn hækkaði um
3,30 kr. um áramót og lítrinn af dísil-
olíu um 3,10 kr. Verðið hefur hins
vegar ekki breyst frá því í lok nóv-
ember. Skýringin er lækkun inn-
kaupsverðs.
Runólfur Ólafsson, framkvæmda-
stjóri FÍB, segir greinilegt að borð
hafi verið fyrir báru hjá olíufélögun-
um. Reiknast honum til að útsölu-
verðið í lok árs hafi verið 6-7 krónum
hærra en meðalálagning ársins gaf
til kynna. „Það hlýtur að vera eðlileg
krafa að fyrirtæki á samkeppnis-
markaði séu á tánum við verðlagn-
ingu til viðskiptavina sinna. Því mið-
ur eru brögð að því að þau séu
fljótari að hækka verð en lækka. Það
sannaði sig á haustmánuðum,“ segir
Runólfur. helgi@mbl.is
Svigrúm notað til að mæta sköttum
 Verð á eldsneyti hefur ekki hækkað þrátt fyrir hækkun á sköttum til ríkisins
Morgunblaðið/Golli
Bensínstöð Enn er hægt að dæla
bensíni á gamla verðinu.
Á tímabilinu frá því um miðjan
október fram til ársloka hafði inflú-
ensa A verið staðfest hjá 47 ein-
staklingum, nokkrir þeirra voru
ferðamenn sem smituðust erlendis
en flestir höfðu smitast hér á landi.
A-stofn var sú tegund inflúensu
sem flestir greindust með. Tveir
höfðu greinst með inflúensu af B-
stofni, en hún var ríkjandi seinni
part síðasta inflúensutímabils á
undan. Þetta kemur fram á vefsíðu
Sýkla- og veirufræðideildar Há-
skóla Íslands.
Þar segir að á síðustu tveimur
vikum nýliðins árs hafi samtals 154
sjúklingar með inflúensulík ein-
kenni leitað á heilsugæslustöðvar
og bráðamóttökur og af þeim
reyndust 76 vera með öndunar-
færaveirur af einhverju tagi.
Níu greindust með iðrakveisu-
verur síðustu tvær vikur ársins
2018., flestir með noro-veiruna.
Flestir voru með inflúensu A
Hildur Björnsdóttir, borgarfulltrúi
Sjálfstæðisflokksins, gerir fastlega
ráð fyrir því að víkja úr þriggja
manna hópi sem á að rýna niður-
stöður skýrslu innri endurskoðunar
Reykjavíkurborgar um braggamálið
á fyrsta fundi hans.
Eins og fram hefur komið ætlar
Hildur að víkja úr hópnum ef Dagur
B. Eggertsson borgarstjóri gerir það
ekki. Hann virðist ekki ætla að víkja
en Kristín Soffía Jónsdóttir, borgar-
fulltrúi Samfylkingarinnar, sagði í
gær að slík krafa væri fráleit.
Áætlanir gera ráð fyrir því að
fyrsti fundur hópsins fari fram í upp-
hafi ársins. Hildur segir að fundahald
í borginni fari á fullt í næstu viku og
gerir ráð fyrir nefndarfundi þá. „Ef í
ljós kemur að hann [borgarstjóri]
ætli að sitja fund-
inn og nefndar-
störfin þá mun ég
formlega segja
mig úr hópnum.
Það getur vel ver-
ið að það gerist
formlega á þess-
um fyrsta fundi,“
segir Hildur.
Spurð um
framhald þriggja
manna hópsins ef og þegar það gerist
segist Hildur ekki vita hvað verður.
„Ég er ekki viss um að neinn úr
minnihlutanum vilji sitja í nefndinni í
þessari stöðu, hafandi borgarstjóra
þarna inni,“ segir Hildur og bætir við
að sér þyki mikilvægt að unnið sé vel
úr málinu. johann@mbl.is
Mun líklega víkja á
fyrsta fundi hópsins
Hildur
Björnsdóttir
Stangarhyl 1 | 110 Reykjavík | Sími: 570-8600
Smyril Line Seyðisfjörður 4702808 |
info@smyril-line.is | www.smyrilline.is
Taktu bílinn með
til Færeyja eða
Danmerkur
Bókaðu
núna og
tryggðu
þér pláss
FÆREYJAR
2 fullorðnir með fólksbíl
verð á mann frá
ÍSK 16.600
Vikulegar siglingar
allt árið til Færeyja
og Danmerkur
DANMÖRK
2 fullorðnir með fólksbíl
verð á mann frá
ÍSK 30.750
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/