Morgunblaðið - 02.02.2019, Blaðsíða 29

UMRÆÐAN 29
MORGUNBLAÐIÐ LAUGARDAGUR 2. FEBRÚAR 2019
Áskákdeginum, 26. janúar,afmælisdegi FriðriksÓlafssonar, fyrsta stór-meistara Íslendinga, var
teflt af miklu kappi um land allt.
Þeir alhörðustu eru trúlega í skák-
félögum eldri borgara í Reykjavík;
hjá KR við Frostaskjól tók skák-
deildin daginn snemma og efndi til
móts í bítið sem lauk með sigri Ólafs
B. Þórssonar. Hinn kunni milliríkja-
dómari og eigandi Jóa útherja,
Magnús V. Pétursson, er mikill
skákáhugamaður og hélt upp á 86
ára afmæli sitt sl. þriðjudag með því
að efna til skákmóts í húsakynnum
FEB í Stangarhyl. Friðrik Ólafsson
heilsaði upp á keppendur en Gunnar
Kr. Gunnarsson sigraði glæsilega.
Í tilefni þessa afmælis og skák-
dagsins er ástæða til að rifja upp
nokkrar viðureignir Magnúsar við
ýmsa fræga menn. Í Moskvu árið
1957 gerði hann jafntefli í fjöltefli við
sjálfan Mikhail Tal og í öðru fjöltefli
haustið 1989 tapaði hann að vísu fyr-
ir Bent Larsen, en viðureign þeirra
var síðar birt í Extrablaðinu danska
og leikfléttan sem Bent hristi fram
úr erminni til að knýja fram sigur
hafði áður öðlast fræðiheitið Mát
Bodens en hafði aldrei komið fyrir í
skákum Larsens.
Þar sem greinarhöfundur hafði
nýverið lokið lestri bókarinnar
Listamannalaun fannst mér
skemmtilegt að nýfundin gögn sem
bárust mér eftir krókaleiðum leiða
nú fram eina söguhetjuna úr þeirri
bók, súrrealistann Alfreð Flóka, sem
harðskeyttan skákmann og Þrótt-
ara:
Meistaramót Þróttar 1953:
Alfreð Flóki – Magnús V. Pét-
ursson
Frönsk vörn
1. d4 e6 2. e4 d5 3. Bd3 c5 4. dxc5
Bxc5 5. Bb5+ Bd7 6. Bxd7+ Dxd7 7.
exd5 exd5 8. De2+ Re7 9. Rf3 O-O
10. O-O Rbc6 11. c3 Had8 12. b4
Bb6 13. Rbd2 d4 14. Bb2 dxc3 15.
Bxc3 Rd5 16. Dc4 Rxc3 17. Dxc3
Bd4 18. Rxd4 Dxd4 19. Dxd4 Hxd4
20. b5 Hxd2 21. bxc6 bxc6 22. Hfd1
Hfd8 23. Hxd2 Hxd2 24. Kf1 g6 25.
a4 a5 26. Hc1 Ha2 27. Hxc6 Hxa4
Hér sættust keppendur á skiptan
hlut. Þó að svartur sé peði yfir telst
staðan fræðilegt jafntefli og það
vissi Magnús.
Hjörvar áfram efstur
í tveim mótum
Hjörvar Steinn Grétarsson og
Guðmundur Kjartansson gerðu
jafntefli innbyrðis í áttundu umferð
Skákþings Reykjavíkur. Hjörvar er
því með ½ vinnings forskot fyrir
lokaumferðina, hefur hlotið 7 vinn-
inga. Guðmundur í 2. sæti með 6 ½
vinning. Í lokaumferðinni á morgun
teflir Hjörvar við Þorvarð Ólafsson
og Guðmundur við Sigurbjörn
Björnsson.
Í 4. umferð skákhátíðar MótX sl.
þriðjudagskvöld vann Hjörvar
Þröst Þórhallsson og er einn efstur
með fullt hús vinninga. Guðmundur
Kjartansson, Halldór G. Einarsson
og Jón L. Árnason koma næstir
með 3 vinninga.
Sjöundi sigur Magnúsar
Magnús Carlsen vann stórmótið í
Wijk aan Zee í sjöunda sinn á
sunnudaginn er hann gerði jafntefli
við Anish Giri í lokaumferðinni.
Lokastaðan:
1. Magnús Carlsen 9 v. 2. Giri 8
½ v. 3.-5. Nepomniachtchi, Liren
Ding og Anand 7 ½ v. 6. Vidit 7 v.
7.-9. Radjabov, Shankland og Rap-
port 6 ½ v. 10. Duda 5 ½ v. 11.-12.
Fedoseev og Mamedyarov 5 v. 13.-
14. Kramnik og Van Foreest 4 ½ v.
Á einu sterkasta opna móti árs-
ins á Gíbraltar sigraði Rússinn
Vladislav Artemiev, hlaut 8 ½ vinn-
ing af tíu mögulegum. Í 2. sæti varð
19 ára Indverji, Murali Karthi-
keyan, með 8 vinninga. Jóhann
Hjartarson hlaut 5 ½ vinning af tíu
mögulegum. Keppendur voru 251
talsins.
Skák
Helgi Ólafsson
helol@simnet.is
Morgunblaðið/Einar S. Einarsson
Skákmeistarinn og milliríkjadómarinn Gunnar Kr. Gunnarsson til vinstri
var landsliðsmaður í knattspyrnu og skák. Hann sigraði á afmælismóti
Magnúsar V. Péturssonar. Þeir eru jafnaldrar.
Skákdagurinn
var haldinn með
pompi og pragt
GRANDAVEGUR 42
Sími 564 6711 | thingvangur@thingvangur.is | thingvangur.is
Sundlaug
4 mín.
11 mín.
Matvöruverslun
2 mín.
11 mín.
Háskóli
4 mín.
15 mín.
Grunnskóli
2 mín.
4 mín.
Leikskóli
1 mín.
5 mín.
Líkamsrækt
3 mín.
20 mín.
Bakarí
1 mín.
3 mín.
AÐEINS
10
ÍBÚÐIR
EFTIR
Flest höfum við
ferðast til útlanda og
fussað og sveiað yfir fá-
ranlega háu verði á
gagnamagni. Þá er
auðveld lausn að
bregða sér á næsta
kaffihús og tengjast
fríu þráðlausu neti sem
kaffihúsið býður upp á.
Val er um tvö þráðlaus
net; kaffihús og kaffi-
hús1. Þú velur annað hvort og hugsar
ekki meira um það. Svo færðu símtal
frá vinnunni klukkustund síðar sem
segir að verið sé að reyna að skrá sig
inn á innri vef fyrirtækisins með þínu
notandanafni og lykilorði. Þú gafst
engum upp lykilorðið né gat nokkur
séð hvað þú gerðir í tölvunni.
Það sem gerðist þarna var að annað
þráðlausa netið, „kaffihús1“, var beita.
Einhver óprúttinn aðili setti upp sitt
eigið þráðlausa net með næstum því
sama nafni og beið eftir að einhver
myndi tengjast. Þráðlausa netið hans
er tengt við alvöru þráðlausa netið og
veitir þannig netaðgang. Notandinn
veit ekki betur en að þráðlausa netið
virki og allt sé í lagi. Nú fer öll notkun
gegnum millilið sem getur hlerað öll
ódulkóðuð samskipti tölvunnar.
Auðveldasta lausnin á þessu er auð-
vitað að nota ekki þráðlaust net sem í
boði er fyrir gesti og gangandi á al-
menningsstöðum. Frekar að nota sím-
ann sem netbeini (e. router) og nota
farsímanet símans sem nettengingu.
Ef nauðsynlegt er að
nota óöruggt þráðlaust
net er gott að nota ein-
ungis örugga vefi ef slá
þarf inn einhverjar upp-
lýsingar. Örugga vefi má
þekkja með því að vef-
slóðin hefst á https:// í
stað http://. S-ið stendur
fyrir secure (öruggt).
Öruggir vefir beita dul-
kóðun á allar upplýs-
ingar sem eru sendar á
milli þeirra og notenda
þeirra. Þannig skiptir engu þótt milli-
liðurinn hleri samskiptin þar sem
hann getur ekki afkóðað þau. Þriðja
lausnin er svo að nota sýndareinkanet
(VPN) þar sem notandinn tengist
einkaneti í gegnum dulkóðaða teng-
ingu. Einkanetið sækir svo það sem
notandinn biður um og sendir honum
það í gegnum dulkóðuðu tenginguna.
Þannig myndi milliliðurinn eingöngu
sjá dulkóðuð samskipti og gæti því
ekki lesið úr gögnunum.
Allir þráðlausir aðgangspunktar
hafa þann valmöguleika að krefjast
lykilorðs til þess að unnt sé tengjast
þeim. Þá er oftast notast við WPA2-
dulkóðun og með því að tengjast
þannig neti ættu samskiptin að vera
dulkóðuð. Árið 2017 kom þó í ljós að
veila er í virkni WPA2-dulkóðunar og
því möguleiki á að milliliður geti kom-
ist á milli og dulkóðað samskiptin.
Síðan þá hafa verið gefnar út upp-
færslur fyrir flest stýrikerfi sem eiga
að koma í veg fyrir svona árásir. Sá
sem uppgötvaði veiluna sagði þó í við-
tali í október 2018 að það væri í sum-
um tilvikum ennþá hægt að komast
framhjá WPA2-dulkóðun með því að
sameina nokkrar aðferðir. Þessi töl-
vuárás er þó ekki bara hlutur sem er
settur upp og látinn keyra og reynt
að safna sem mestum upplýsingum.
Þarna yrði sérstaklega að velja aðila
og beina árásinni að honum.
Það borgar sig að fara varlega og
töluvert dýrara gæti orðið að nota
frítt þráðlaust net á almannafæri en
að bæta nokkrum krónum við farsím-
areikninginn. Nú borgar fólk það
sama fyrir farsímaþjónustu á öllu
Evrópska efnahagssvæðinu og því
geta Íslendingar notað farsímaþjón-
ustu hvar sem er í EES á sama verði
og heima. Fólk ætti því einkum að
nota ókeypis þráðlaus net utan EES.
Sem betur fer eru öruggir vefir nú
orðnir miklu algengari en fyrr, sem
hefur takmarkað áhættuna sem
fylgir óöruggum nettengingum. Það
er engu að síður aldrei of varlega far-
ið með upplýsingar.
Frítt net
Eftir Svönu Helen
Björnsdóttur
Svana Helen
Björnsdóttir
» Varhugavert er að
tengjast ókeypis
þráðlausum netum. Það
getur haft í för með sér
gagnaleka og að
óprúttnir aðilar komist
yfir netaðgang fólks.
Höfundur er verkfræðingur
og framkvæmdastjóri Stika ehf.
svana@stiki.eu
Upplýsingaöryggi
Frítt WiFi? Þráðlausa netið var beita. Óprúttinn aðili setti upp eigið net og beið eftir að einhver myndi tengjast.