Morgunblaðið - 12.02.2019, Blaðsíða 30

30 MENNING
MORGUNBLAÐIÐ ÞRIÐJUDAGUR 12. FEBRÚAR 2019
SKOÐAÐU ÚRVALIÐ Á VEFSÍÐUNNI OKKAR
www.skornirthinir.is
ÖRUGG SKREF
ÚT Í LÍFIÐ
í fyrstu skónum frá Biomecanics
Biomecanics-skórnir auðvelda börnum að taka fyrstu skrefin.
Aukinn stuðningur frá hliðunum bætir jafnvægi og eykur
stöðugleika. Börnin komast auðveldar áfram og af meira
öryggi þökk sé sveigjanlegum sóla og sérstyrktri tá.
Stærðir: 18–24
Verð frá: 7.995
Margir litir
Grunnlitir er heiti sýningar kanadíska ljós-
myndarans Catherine Canac-Marquis sem
opnuð hefur verið í Skoti Ljósmyndasafns
Reykjavíkur, á 6. hæð Grófarhússins við
Tryggvagötu.
Myndaröðin er tilraun til skrásetningar á
brotum úr sögu og starfi Slysavarnafélagsins
Landsbjargar og verkefnum sem félagið hefur
unnið í samstarfi við Landhelgisgæslu Íslands.
Catherine myndaði félagsmenn Lands-
bjargar og Landhelgisgæslunnar við æfingar,
rýndi í safnkost Þjóðskjalasafns Íslands; ár-
bækur, ljósmyndir og dagblöð. Með því að
skoða sögulegar heimildir greindi hún sterka
tengingu á milli fortíðar og nútíðar. Hún freistaði þess að endurskapa
og túlka þau tengsl með aðferðum heimildaljósmyndunar.
Myndaröðin Grunnlitir varð til á þriggja mánaða tímabili þegar Ca-
nac-Marquis dvaldi í vinnustofu á vegum SÍM í Reykjavík. Hún er með
BFA-gráðu í ljósmyndun frá Concordia University í Montreal.
Grunnlitir Canac-Marquis í Skotinu
Æfing Hluti af einu verka
ljósmyndarans á sýningunni.
Emilía Rós Sigfúsdóttir flautuleik-
ari og Ástríður Alda Sigurðardóttir
píanóleikari koma í kvöld fram í
tónleikaröðinni Þriðjudagsklassík í
Garðabæ. Yfirskrift tónleika þeirra
er „Franskir flaututónar“ og verða
þeir haldnir í sal Tónlistarskóla
Garðabæjar við Kirkjulund 11.
Á þessu starfsári er Þriðjudags-
klassík í samstarfi við KÍTÓN, fé-
lag kvenna í tónlist. Listrænn
stjórnandi tónleikaraðarinnar er
Ingibjörg Guðjónsdóttir.
Emilía Rós og Ástríður Alda
munu flytja verk meistaranna Du-
tilleux, Fauré, Godard, Poulenc og
Saint-Saëns. Öll verkin eru lýsandi
fyrir franska flaututónlist, full af
þokka, léttleika, fallegum laglínum
og lífsgleði en gera líka miklar
tæknilegar kröfur til flytjenda.
Koma fram Ástríður Alda og Emilía Rós.
Franskir flaututónar í Garðabæ
Silja Björk Huldudóttir
silja@mbl.is
„Það skiptir mig miklu máli að fá
tækifæri til að syngja hérna heima.
Hér er mun meiri nánd auk þess sem
mér hefur í gegnum tíðina verið svo
vel tekið, sem ég er mjög þakklátur
fyrir,“ segir Elmar Gilbertsson tenór
sem kemur fram á hádegistónleikum
í Hafnarborg ásamt Antoníu Hevesi
píanóleikara í dag, þriðjudag, kl. 12.
Húsið opnar kl. 11.30 og er aðgangur
að vanda ókeypis. Vanalega eru há-
degistónleikarnir, sem frá upphafi
hafa verið undir listrænni stjórn Ant-
oníu, á dagskrá Hafnarborgar fyrsta
þriðjudag hvers mánaðar yfir vetr-
artímann, en vegna veikinda flytj-
enda var þeim frestað um viku og til
dagsins í dag.
Tónleikarnir standa í um hálfa
klukkustund og segir Elmar að á
þeim tíma nái hann að syngja fjórar
til fimm aríur. „Nema ég syngi þeim
mun hraðar,“ segir Elmar kíminn.
Aðspurður segir hann nokkrar uppá-
haldsaríur sínar hafa orðið fyrir val-
inu að þessu sinni. „Ég ætla að
syngja aríu Hertogans úr Rigoletto
eftir Giuseppi Verdi og aríur eftir
Donizetti og Lehár auk þess að
syngja aríu Alfredos úr La Traviata
eftir Verdi sem við erum að æfa um
þessar mundir hjá Íslensku óper-
unni,“ segir Elmar sem syngur hlut-
verk Alfredos á fyrstu þremur sýn-
ingum Íslensku óperunnar á
óperunni La Traviata sem frumsýnd
verður í Eldborg Hörpu laugardag-
inn 9. mars.
Heiður að fá fastráðningu
„Aríurnar úr ítölsku óperutónbók-
menntunum eru hver annarri fal-
legri. Þetta eru sannkallaðar perlur
sem lifa með manni, ekki síst þegar
maður hefur fengið tækifæri til að
syngja umrædd hlutverk á sviði. Það
dýpkar líka alla túlkun á tónleikum á
borð við þessa að hafa sungið hlut-
verkið í heild sinni á sviði,“ segir
Elmar sem er um þessar mundir að
æfa tvö ný hlutverk sem hann hefur
ekki sungið á sviði áður. Það er ann-
ars vegar fyrrgreint hlutverk Alfre-
dos úr La Traviata og hins vegar
hlutverk Pylade í Iphigénie en Tau-
ride eftir Christoph Willibald Gluck í
uppfærslu sem frumsýnd verður hjá
Óperunni í Stuttgart í Þýskalandi í
maí.
„Af þeim sökum næ ég aðeins að
syngja þrjár sýningar af La Traviata,
því ég þarf að flýta mér út og undir-
búa næstu frumsýningu,“ segir Elm-
ar sem nýverið var fastráðinn við Óp-
eruna í Stuttgart. „Síðustu fimm ár
hef ég búið í Hollandi og verið í lausa-
mennsku, en ég var orðinn svolítið
þreyttur á ferðalögunum sem því
fylgja. Af þeim sökum flutti ég mig í
haust frá Hollandi til Þýskalands
þegar mér bauðst þar fastráðning,“
segir Elmar sem á sínum tíma nam
söng við Söngskóla Sigurðar Demetz
og Konunglega tónlistarháskólann í
Den Haag í Hollandi þar sem Jón
Þorsteinsson var hans aðalkennari.
Síðustu árin hefur Elmar starfað vítt
og breitt um Evrópu, meðal annars
við Hollensku ríkisóperuna, Opera
Zuid í Maastricht, La Monnaie de
Munt í Brussel, Opera de Nantes og
Opera de Toulon í Frakklandi, Ru-
hrtrienale-óperuhátíðina í Ruhrhér-
aði í Þýskalandi, auk þess að hafa
komið fram með Útvarpshljómsveit
Norður-Þýskalands í Elbphilharm-
onie salnum í Hamborg.
„Óperan í Stuttgart hefur verið
valin ópera ársins í Þýskalandi síð-
ustu fjöldamörgu árin. Þetta er mjög
gott og virt óperuhús með háan
standard. Ætli megi ekki segja að
þetta sé eitt af fimm til tíu topp-
óperuhúsunum í Þýskalandi. Það var
því mjög mikill heiður að fá tilboð um
fastráðningu,“ segir Elmar og tekur
fram að áhugaverðir tímar séu fram-
undan hjá sér. „Í sumar mun ég
syngja hlutverk Narraboth í óp-
erunni Salome eftir Richard Strauss,
sem er mjög spennandi. Og eftir tvö
ár stendur jafnvel til að ég syngi hlut-
verk kapteins Vere í Billy Budd eftir
Benjamin Britten sem er krefjandi,“
segir Elmar og tekur fram að spenn-
andi sé að feta í fótspor Peters Pears
tenórs sem Britten samdi hlutverkið
fyrir.
Spurður hvort hann eigi sér ein-
hver draumahlutverk ósungin svarar
Elmar því játandi. „Það er auðvitað
alltaf eitthvað sem kitlar. Annars hef
ég ávallt verið frekar æðrulaus gagn-
vart röddinni minni og óhræddur við
að prófa nýja hluti. Ef mér finnst þeir
ekki virka strax þá set ég þá bara í
salt um tíma og skoða seinna,“ segir
Elmar og bendir á að með aldrinum
breytist röddin eðlilega og þroskist.
Gaman að prófa sig áfram
„Ég hef verið í mikilli tilrauna-
starfsemi með sjálfan mig. Þannig
hef ég meðvitað tekið að mér mikið af
mjög ólíkum hlutverkum og verk-
efnum. Mér finnst skemmtilegt að
prófa mig áfram. Ef maður hefur
góðan grunn, þ.e. góða tækni til að
byggja þá getur maður aðlagað sig að
hinum ýmsu stílum til að syngja,“
segir Elmar og tekur fram að röddin
hafi sjálfstæðan vilja og því mik-
ilvægt að fylgja hennar þróun.
„Röddin er auðvitað persónulegt
hljóðfæri sem eldist með manni og
því er mikilvægt að vera alltaf á tán-
um og fylgja eftir þeim breytingum
sem verða í stað þess að vinna á móti
því sem röddin vill gera sjálf. Ég hef
verið að prófa lýrískari hlutverk eins
og t.d. Hertogann í Rigoletto og
Lenski í Évgení Onegin. Árin 2015 og
2017 söng ég svolítinn Wagner sem
kveikti áhuga minn á því að skoða
hlutverk hans betur. Og fyrir tæpum
tveimur árum fékk ég tækifæri til að
prófa hlutverk Rodolfos í La Bohème
eftir Giacomo Puccini á óperuhátíð í
Amsterdam sem gekk ótrúlega vel og
varð til þess að ég varð opnari fyrir
lýrískari hlutverkum en áður. Þannig
langaði mig í framhaldinu að skoða til
dæmis Werther eftir Jules Massenet
sem mér fyndist áhugavert að
syngja,“ segir Elmar og áréttar að
hann sé alltaf í góðu og nánu sam-
bandi við aðalsöngkennara sinn sem
hjálpi honum að vinna hlutverk inn í
röddina. „Ég legg allt mitt traust á
Jón Þorsteinsson, sem hefur verið
minn mentor. Ég er alltaf í mjög
miklu og góðu sambandi við hann.
Hann þekkir röddina mína út og inn
og heyrir því allt,“ segir Elmar.
Morgunblaðið/Hari
Æðrulaus „Annars hef ég ávallt verið frekar æðrulaus gagnvart röddinni minni og óhræddur við að prófa nýja
hluti,“ segir Elmar Gilbertsson tenór sem kemur fram á tónleikum í Hafnarborg í dag ásamt Antoníu Hevesi.
„Perlur sem lifa með manni“
 Elmar Gilbertsson tenór syngur uppáhaldsaríur á hádegistónleikum í Hafnarborg í dag kl. 12
 Fer með hlutverk Alfredos í La Traviata í næsta mánuði  Fastréð sig við Óperuna í Stuttgart