Morgunblaðið - 12.02.2019, Blaðsíða 33

MENNING 33
MORGUNBLAÐIÐ ÞRIÐJUDAGUR 12. FEBRÚAR 2019
Enski leikarinn
Albert Finney
lést 7. febrúar
síðastliðinn, 82
ára að aldri.
Finney var
einn þekktasti
leikari Bretlands
og einn þeirra
sem voru hvað
mest áberandi í
nýbylgjunni í breskri kvikmynda-
gerð snemma á sjöunda áratugn-
um.
Hann nam leiklist við Royal
Academy of Dramatic Art og
starfaði í leikhúsi áður en hann
komst til metorða fyrir kvik-
myndaleik. Fyrsta hlutverk hans í
kvikmynd var í The Entertainer
frá árinu 1960 og af öðrum kvik-
myndum sem hann lék í má nefna
The Dresser, Miller’s Crossing og
Big Fish.
Finney hlaut ýmis verðlaun á
ferli sínum, m.a. BAFTA, Golden
Globe og Emmy og var hann til-
nefndur til Óskarsverðlauna fimm
sinnum og þar af fjórum sinnum
sem aðalleikari.
Leikarinn Albert
Finney látinn
Albert Finney
Tryggvi Rúnar
Brynjarsson
heldur hádegis-
fyrirlestur um
úrlausn Guð-
mundar- og Geir-
finnsmála í dag
kl. 12.05 í fyr-
irlestrarsal Þjóð-
minjasafns Ís-
lands.
Tryggvi lauk
MA-prófi í sagnfræði frá Háskól-
anum í Bresku Kólumbíu árið 2017
og er dóttursonur Tryggvar Rún-
ars Leifssonar, fyrrverandi dóm-
þola í Guðmundar- og Geirfinns-
málum, að því er fram kemur í
tilkynningu.
Fyrirlesturinn er hluti af hádeg-
isfyrirlestrarröð Sagnfræðinga-
félags Íslands sem haldin er í sam-
vinnu við Þjóðminjasafnið en þema
fyrirlestranna í vor er réttarfar og
refsingar.
Réttarfar og refs-
ingar í hádeginu
Tryggvi Rúnar
Brynjarsson
Sagafilm Nordic, dótturfélag Saga-
film í Stokkhólmi í Svíþjóð, er eitt
þeirra fyrirtækja sem koma að
framleiðslu átta þátta glæpasyrpu
sem tökur eru hafnar á í Dublin á
Írland og nefnist Cold Courage.
Sagafilm Nordic er meðframleið-
andi syrpunnar ásamt þremur öðr-
um erlendum framleiðslufyrirtækj-
um fyrir streymisveituna Viaplay,
að því er fram kemur í tilkynningu
frá Sagafilm. Hin fyrirtækin eru
Luminoir í Finnlandi, Vico Films á
Írlandi og Potemkino í Belgíu.
Þáttaröðin verður frumsýnd vor-
ið 2020 á Viaplay og hér á landi í
Sjónvarpi Símans og er hún byggð
á alþjóðlegri metsölubókasyrpu eft-
ir finnska rithöfundinn Pekka Hilt-
unen. Sögusvið þáttanna er London
og segir í þeim af hópi fólks sem
hefur tekið höndum saman um að
koma í veg fyrir að öfgasinnaður
stjórnmálamaður með vafasama
fortíð komist til valda á Englandi.
Fyrirtækið Lionsgate mun dreifa
þáttaröðinni á alþjóðavettvangi.
Sagafilm Nordic meðal meðframleið-
enda glæpaþáttanna Cold Courage
Ljósmynd/Viaplay
Þekkt Leikkonan Sofia Pekkari fer
með eitt aðalhlutverkanna.
Grammy-tónlistarverðlaunin banda-
rísku voru afhent aðfaranótt mánu-
dags að íslenskum tíma og voru kon-
ur áberandi meðal verðlaunahafa.
Dua Lipa hlaut verðlaun sem besti
nýi tónlistarmaðurinn og Kacey
Musgraves hlaut verðlaun fyrir út-
gáfu ársins, „album of the year“ eins
og það heitir á ensku, fyrir Golden
Hour og þrenn önnur verðlaun að
auki. Einnig voru veitt verðlaun fyr-
ir smáskífu ársins og var það Child-
ish Gambino sem hlaut þau fyrir
This is America og líkt og Musgra-
ves hlaut hann önnur þrenn verð-
laun til viðbótar. Lady Gaga hlaut
þrenn verðlaun, þar á meðal fyrir
bestu poppplötu sólólistamanns,
Joanne og besta flutning dúetts á
popplagi, flutning þeirra Bradley
Cooper á „Shallow“.
Skaut á formanninn
Dua Lipa, sem er aðeins 23 ára,
skaut á formann verðlaunanna, Neil
Portnow, þegar hún sagði í þakkar-
ræðu sinni að í þessum verðlauna-
flokki, þ.e. besti nýliðinn, væri stór-
kostlegur hópur tónlistarkvenna og
sagði að þær hefðu greinilega bætt
sig milli ára. Verðlaunin í fyrra voru
nefnilega gagnrýnd fyrir hversu
skarðan hlut konur báru þá frá
borði.
Portnow mætti síðar á svið og
baðst hálfpartinn afsökunar á þess-
um kynjahalla síðustu verðlauna-
hátíðar og sagðist hafa lært mikið af
henni.
Fyrst kvenna til að hljóta
verðlaun fyrir bestu rappplötu
Og konurnar áttu sannarlega
kvöldið því verðlaun fyrir árangurs-
ríkt ævistarf hlutu tónlistarkonurn-
ar Dolly Parton og Diana Ross og
fjöldi tónlistarkvenna steig á svið og
flutti lög sín að auki, þeirra á meðal
Lady Gaga og Jennifer Lopez. Þá
urðu einnig þau tímamót í sögu verð-
launanna að kona hlaut í fyrsta sinn
verðlaun fyrir bestu rappplötu en
það var Cardi B fyrir frumraun sína,
Invasion of Privacy.
Tónlistarkonan Ariana Grande
var verðlaunuð fyrir bestu „vocal“
poppplötu en það orð vísar í söng og
Willie gamli Nelson, orðinn 85 ára,
hlaut verðlaun fyrir bestu sungnu og
hefðbundnu poppplötuna, My Way.
Og það urðu ekki aðeins tíðindi í
flokki bestu rappplötu því í fyrsta
sinn hlaut nú kona verðlaun fyrir
bestu upptökustjórn, Emily Lazar
fyrir plötu Beck, Colors. Verðlaunin
voru nú afhent í 61. sinn og því tími
kominn til að konur hlytu verðlaun í
þessum flokkum.
Hallar enn í hip hop-inu
Enn hallar þó á konur í flokki hip
hop-tónlistar, eins og vefur BBC
bendir á í úttekt sinni á verðlauna-
hátíðinni. Aðalstjörnurnar í þeim
flokki að þessu sinni voru karlar, þ.e.
Chance The Rapper, Kendrick Lam-
ar og Childish Gambino en þeir af-
þökkuðu allir boð um að koma fram
og flytja tónlist sína á hátíðinni. Lík-
leg skýring á því er talin sú að hip
hop-plata hefur ekki hlotið verðlaun
sem plata ársins frá því að tvíeykið
Outkast hlaut verðlaunin fyrir
Speakerboxxx / The Love Below fyr-
ir 15 árum. Childish Gambino (sem
heitir réttu nafni Donald Glover) var
fjarri góðu gamni þrátt fyrir að
hljóta fern verðlaun fyrir lagið og
smáskífuna „This is America“ sem
þykir hörð ádeila á bandarískt sam-
félag og stjórnmál. Þurfti kynnir
kvöldsins, tónlistarkonan Alicia
Keys, að drepa tímann eftir að verð-
laun fyrir besta lag ársins voru til-
kynnt, þ.e. fyrrnefnt lag, þar sem
enginn var á staðnum til að taka við
þeim. Ein óvæntasta uppákoma
kvöldsins var svo ræða fyrrum for-
setafrúar Bandaríkjanna, Michelle
Obama, sem talaði meðal annars um
sameiningarmátt tónlistarinnar.
helgisnaer@mbl.is
AFP
Hæstánægð Dua Lipa hlaut verðlaun sem besti nýliði og fyrir besta danslagið.
Vinkonur Alicia Keys, Michelle Obama og Jennifer Lopez voru í miklu
stuði á verðlaunahátíðinni sem haldin var í 61. sinn í Los Angeles.
Konur í öndvegi á Grammy-hátíð
Kraftmikil Lady Gaga fór mikinn á
Grammy-sviðinu, eins og sjá má.
Sú fyrsta Cardi B hlaut verðlaun
fyrir bestu rappplötu, fyrst kvenna.
Nýjasta Legó-mynd kvikmynda-
framleiðslufyrirtækisins Warner
Bros., The Lego Movie 2: The Se-
cond Part, naut ekki jafnmikillar
aðsóknar og framleiðendur áttu
von á, að því er fram kemur í frétt á
vef kvikmyndatímaritsins Variety.
Segir þar að yfirmenn finni nú fyrir
álíka sársauka og þegar stigið er á
pínulítið plastleikfang. Myndin skil-
aði 34,4 millj-
ónum dollara yf-
ir opnunarhelg-
ina sem er um 15
milljónum lægri
upphæð en búist
var við og um
50% lægri upp-
hæð en fyrsta
myndin, The
Lego Movie, skil-
aði yfir frumsýn-
ingarhelgi. Voru það 69 milljónir
dollara.
Aðsókn stóð ekki
undir væntingum
Legó-hetjan
Villimey