Morgunblaðið - 06.04.2019, Síða 19
FRÉTTIR 19Innlent
MORGUNBLAÐIÐ LAUGARDAGUR 6. APRÍL 2019
RÁÐSTEFNA MATVÆLALANDSINS ÍSLANDS 2019
ENGINN AÐGANGSEYRIR. SKRÁNING Á VEFNUM WWW.SI.IS
HVAÐ MÁ BJÓÐA
ÞÉR AÐ BORÐA?
SÉRSTAÐA OG SAMKEPPNISFORSKOT Í MATVÆLAFRAMLEIÐSLU
HILTON REYKJAVÍK NORDICA
2. HÆÐ, SALUR H & I
MIÐ. 10. APRÍL
KL. 10.00-12.00
DAGSKRÁ
ÁVARP
Katrín Jakobsdóttir
forsætisráðherra
GLOBALCHANGES IN
FOODLANDSCAPE
HenkJanOrmel, sérfræðingur
hjáMatvæla- og landbúnaðarstofnun
Sameinuðuþjóðanna (FAO)
HEILNÆMI ÍSLENSKRAMATVÆLA
HrönnJörundsdóttir, sviðsstjóri hjáMatís,
BrigitteBrugger ogVigdísTryggvadóttir,
sérgreinadýralæknar hjáMatvælastofnun
STYRKUR ÍSLANDS–
MATVÆLASTEFNA ÍMÓTUN
ValaPálsdóttir, formaður starfshópsum
matvælastefnu fyrir Ísland
MATARFERÐAÞJÓNUSTAÁ
NORÐURLANDI
Arnheiður Jóhannsdóttir, framkvæmdastjóri
MarkaðsstofuNorðurlands
ÁFANGASTAÐURINNAUSTURLAND–
MATARUPPLIFUN
MaríaHjálmarsdóttir, verkefnastjóri, Austurbrú
FUNDARSTJÓRI:
ERNABJARNADÓTTIR,
hagfræðingurBændasamtaka Íslands
Fundi lýkurmeðhádegishressingu
– íslensktoggott
PALLBORÐSUMRÆÐUR, sjávarútvegs-
og landbúnaðarráðherra og
heilbrigðisráðherra, auk frummælenda.
M
AT
VÆLALANDIÐ
ÍSLAND
FJÁRSJÓÐUR
FRAMTÍÐAR
Ágúst Ingi Jónsson
aij@mbl.is
Sjávarútvegsráðuneytið hefur kynnt
drög að reglugerð um tímabundnar
lokanir á veiðisvæðum á grunnslóð í
samráðsgátt stjórnvalda. Þar er líka
að finna drög að reglugerð um veiðar
með dragnót þar sem lagt er til að
reglugerðir er gilda um þessar veið-
ar verði sameinaðar í eina reglugerð
auk annarra breytinga. Sams konar
breytingar er að finna í samráðsgátt-
inni varðandi rækjuveiðar. Í öllum
tilvikum er umsagnarfrestur til 16.
apríl.
Varðandi tímabundnar lokanir á
veiðisvæðum segir í kynningu að
starfshópur um faglega endurskoðun
á regluverki varðandi notkun veið-
arfæra, veiðisvæði og verndunar-
svæði á Íslandsmiðum hafi skilað
skýrslu til ráðherra í september
2018. Í skýrslunni voru m.a. lagðar til
breytingar á framkvæmd lokana
veiðisvæða.
Skyndilokanir á grunnslóð
Í samráðsgáttinni kemur fram að
á undanförnum árum hafi skyndilok-
unum á djúpslóð fækkað, en fjölgað á
grunnslóð. Með öðrum orðum hafi
skyndilokanir færst af hefðbundnum
veiðisvæðum togaraflotans inn á
grunnslóðina, þar sem hluti línubát-
anna, en þó sérstaklega handfæra-
bátarnir stunda veiðar.
Starfshópurinn lagði til að tiltekn-
um svæðum, þar sem mest væri um
skyndilokanir eða smáfisk, yrði lokað
með reglugerð. Í drögunum sem nú
eru kynnt er lagt til að sextán svæð-
um verði lokað tímabundið til 2-3 ára.
Af þessum sextán svæðum eru níu
svæði ný og þar er lagt til að lokunin
gildi hluta úr ári, en á sjö svæðum
eru reglugerðir nú þegar í gildi og
þar eru fimm svæði lokuð hluta úr ári
en tvö svæði lokuð allt árið.
Samráð og saga skyndilokana
Tillögurnar voru gerðar í samráði
og samstarfi við Hafrannsóknastofn-
un, Fiskistofu, Landssamband smá-
bátaeigenda (LS), Samtök fyrir-
tækja í sjávarútvegi (SFS) og Sam-
tök smærri útgerða (SSÚ). Í hluta
draganna er farið alfarið eftir tillög-
um heimamanna en hluti draganna
byggist á sögu skyndilokana og öðr-
um gögnum þar sem engar tillögur
frá heimamönnum bárust eða sam-
starfsvilji þeirra var lítill, segir í
kynningu í samráðsgáttinni.
Samhliða er lagt til að viðmiðunar-
mörkum vegna lokana veiðisvæða
verði breytt samkvæmt tillögu Haf-
rannsóknastofnunar.
Sýndarmennska?
Fjallað er um fyrirhugaðar breyt-
ingar á lokunum veiðisvæða á heima-
síðu Landssambands smábátaeig-
enda. Þar segir að benda megi á að
lítið tillit hafi verið tekið til athuga-
semda sem gerðar voru eftir að
starfshópurinn sem fjallaði um end-
urskoðun á regluverkinu skilaði
skýrslu til ráðherra í september
2018, en reglugerðin sé samin með
hliðsjón af tillögum starfshópsins.
„Fjöldi athugasemda var gerður
við tillögur starfshópsins og því
spurning hvort ekki sé eingöngu um
sýndarmennsku að ræða að setja
þessa reglugerð nú í samráðsgátt-
ina,“ segir á heimasíðu LS.
Svæðalokanir
komi í stað
skyndilokana
Breytingar kynntar á reglugerðum
um lokanir, dragnót og rækjuveiðar
Á línu Skyndilokunum hefur fækkað
á djúpslóð, en fjölgað á grunnslóð.
ÚR BÆJARLÍFINU
Albert Eymundsson
Höfn
Úthlutun menningarverðlauna, umhverf-
isviðurkenninga og styrkja er árlegur viðburður
hjá Sveitarfélaginu Hornafirði. „Það er mikil-
vægt að fagna fjölbreyttri menningu, umhverf-
isvitund og frumkvöðlastarfi í sveitarfélaginu,“
sagði bæjarstjórinn Matthildur Ásmundsdóttir
af þessu tilefni. Alltaf fylgir því nokkur eftir-
vænting að sjá hverjir hljóta viðurkenningar og
styrki. Alls voru veittir 25 styrkir til ýmissa fé-
lagasamtaka, stofnana og einstaklinga, sem
staðfestir mikla grósku á þessum sviðum.
Eva Bjarnadóttir í Öræfum hlaut menn-
ingarverðlaunin fyrir óeigingjarnt starf en hún
hefur gert upp gamalt sláturhús á Fagurhóls-
mýri og er þar nú vinnustofa fyrir listsköpun.
Viðurkenningar umhverfisnefndar hlutu:
Ragnhildur Eymundsdóttir fyrir fallega og
snyrtilega lóð við heimili sitt að Holti í Nesjum,
Guðrún Sturlaugsdóttir fyrir einstaklings-
framtak og að hvetja íbúana til að huga að um-
hverfinu í víðu samhengi og leikskólinn Sjón-
arhóll hlaut viðurkenningu í flokki fyrirtækja og
stofnana fyrir endurgerð húsnæðis skólans og
leikvallar.
Fílamaðurinn í leikstjórn Stefáns Sturlu
Sigurjónssonar, sem nemendur framhaldsskól-
ans og félagar í leikfélaginu settu á svið, hefur
fengið einstaklega góðar viðtökur áhorfenda.
Sýningin er öllum sem að henni standa til sóma
og sýnir vel hvað ungt fólk getur afrekað þegar
það fær tækifæri og aðstöðu til að sýna hvað í
því býr.
Stækkun hjúkrunarheimilisins Skjólgarðs
sem komið er í ákveðið ferli er mikið fagnaðar-
efni fyrir íbúa héraðsins enda hefur fram-
kvæmdinni verið frestað í áratug. Núverandi
húsnæði var komið til ára sinna og orðið tíma-
bært að bæta aðbúnað til að koma til móts við
þær kröfur sem gerðar eru til slíkrar starfsemi í
dag.
Mokfiskirí hefur verið hjá netabátum
undanfarið svo elstu menn muna vart annað
eins. Dæmi eru um allt að 70-80 tonnum í róðri.
Þó vel gangi á netavertíðinni þá bætir það ekki
skaðann vegna loðnubrests og hruns í hum-
arstofninum. Hefur það áhrif á samfélagið í
heild en er alvarlegast fyrir sjómennina, fisk-
verkafólkið og fyrirtækin. Margir, meðal ann-
arra veitingafólk, hafa áhyggjur af því hvort
humarbærinn standi undir nafni í ár enda
humarréttir vinsælir á matseðlinum.
Farfuglarnir flykkjast nú til landsins og
mikill fjöldi þeirra hefur viðkomu í héraðinu eft-
ir langt flug til landsins. Fuglarnir vekja jafnan
áhuga fólks og vel er fylgst með komu þeirra.
Þar fara fremstir Brynjúlfur Brynjólfsson og
Björn Arnarson hjá Fuglaathugunarstöð Suð-
austurlands, sem eru óþreytandi að merkja
fugla og miðla upplýsingum daglega á netinu á
síðunni fuglar.is. Þó eru ekki allir ánægðir með
ágang stóru grasbítanna, álfta og gæsa, sem
valda tjóni á túnum bænda.
Ljósmynd/Menningarmiðstöð Hornafjarðar
Verðlaunahafar Handhafar menningarverðlauna og umhverfisviðurkenninga Hornafjarðar.
Fjölbreytt menning og frumkvöðlastarf verðlaunuð