Morgunblaðið - 17.04.2019, Side 28

28 FRÉTTIRErlent
MORGUNBLAÐIÐ MIÐVIKUDAGUR 17. APRÍL 2019
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
VILTU TAKAVIÐ
GREIÐSLUMÁNETINU?
KORTA býður uppá fjölbreytta þjónustu sem hentar
bæði minni og stærri fyrirtækjum. Kannaðu málið.
Suðurlandsbraut 30, 108 Reykjavík, 558 8000 / korta@korta.is / korta.is
Anna Lilja Þórisdóttir
annalilja@mbl.is
Dómstóll í Moskvu dæmdi í gær
Frode Berg, norskan landamæravörð
á eftirlaunum, í 14 ára fangelsi fyrir
að hafa njósnað um rússneska kjarn-
orkukafbáta. Fyrrverandi lögreglu-
maður í Rússlandi, sem talinn er vera
samverkamaður Bergs og sagður
hafa afhent honum gögn frá rúss-
neska sjóhernum, var fyrir nokkru
dæmdur í 13 ára fangelsi. Berg segist
saklaus af njósnum, hann hafi nokkr-
um sinnum verið sendill fyrir norsku
leyniþjónustuna og staðið í þeirri trú
að hann væri að flytja fé. Hann var
handtekinn í Moskvu í desember 2017
og hefur síðan þá setið í Lefortovo-
fangelsinu í Moskvu sem rekið er af
rússnesku öryggislögreglunni, FSB.
Ilya Novikov, annar tveggja lög-
manna Bergs, sagði að skjólstæðing-
ur sinn hefði ekki í hyggju að áfrýja
dómnum. „Hann var afvegaleiddur og
vissi ekki hvað var um að vera,“ sagði
Novikov við fréttamenn, að því er
AFP-fréttastofan greinir frá.
Hann sagði að ólíklegt væri að
Berg yrði langlífur í fangelsi í Rúss-
landi. „Hann er 63 ára og sé tekið tillit
til aðstæðna í rússneskum fangelsum
samsvarar dómurinn lífstíðar-
fangelsi.“ Í samtali við norska dag-
blaðið Aftenposten sagði Novikov að
Berg væri hjartveikur og viðbúið
væri að hann fengi takmarkaða lækn-
isþjónustu í fangelsinu.
Á vef norska ríkissjónvarpsins,
NRK, segir að sendiráð Noregs í
Rússlandi hefði boðist til að leigja
íbúð í Moskvu þar sem halda mætti
Berg í stofufangelsi og veita honum
betri aðbúnað, en það hafi ekki fengist
samþykkt.
Fangaskipti ólíkleg
Það er mat bæði Novikovs og hins
lögmanns Bergs, Norðmannsins
Brynjulf Risnes, að norska leyniþjón-
ustan hafi átt hlut að máli. „Þetta er
pólitískt hneykslismál,“ sagði Risnes.
Hann bætti við að ríkisstjórnir kæm-
ust gjarnan að samkomulagi um að
skipta á föngum sem hefðu verið
dæmdir fyrir njósnir, en engir Rússar
væru í haldi Norðmanna fyrir slíkar
sakir og því kæmi slík lausn ekki til
greina.
Norski blaðamaðurinn Trine
Hamran hefur skrifað bók um málið.
„Enn og aftur slær það mig hversu al-
varlegt þetta mál er,“ sagði hún eftir
dóminn. „Það er afar ósanngjarnt að
hann skuli þurfa að taka skellinn fyrir
misheppnaða norska njósnaaðgerð.“
Rússneski lögmaðurinn og mann-
réttindasinninn Ivan Pavlov hefur
sérhæft sig í málum þeirra sem hafa
verið ákærðir fyrir njósnir og land-
ráð. Hann segir í samtali við AFP að
vel megi vera að Berg verði veitt upp-
gjöf saka. „Það eru fordæmi fyrir
slíku,“ sagði Pavlov.
Novikov sagði að helsta verkefnið
væri nú að komast að diplómatískri
lausn þannig að Berg fengi að fara til
Noregs. „Líklega eru rússnesk yfir-
völd ekkert sérlega áfjáð í að hann
sitji í árafjöld í rússnesku fangelsi.“
AFP
Dæmdur Frode Berg, inni í svokölluðu sakamannabúri, við dómsuppkvaðninguna í Moskvu í gærmorgun.
Norskur landamæravörður
dæmdur fyrir njósnir í Rússlandi
 Frode Berg fékk 14 ára dóm  Pólitískt hneykslismál, segir lögmaður hans
Indónesar bera atkvæðaseðla yfir á
til þorpsins Matinggi í Suður-
Sulawesi-héraði vegna þing- og for-
setakosninga sem fara fram í
Indónesíu í dag. Landið er þriðja
fjölmennasta lýðræðisríki heims, á
eftir Indlandi og Bandaríkjunum.
Rúmlega 190 milljónir manna eru á
kjörskrá og 245.000 í framboði.
AFP
Kosið í þriðja fjölmennasta lýðræðisríkinu
Lögreglan í London hafði í gær hand-
tekið rúmlega 200 þátttakendur í
mótmælum hreyfingar sem berst fyr-
ir því að gerðar verði ráðstafanir þeg-
ar í stað til að stemma stigu við hlýn-
un jarðar. Flestir þeirra voru hand-
teknir fyrir að loka vegum í miðborg
London. Lögreglan sagði að breyta
hefði þurft 55 strætisvagnaleiðum
vegna mótmælanna sem hefðu rask-
að ferðum um hálfrar milljónar
manna.
Sadiq Khan, borgarstjóri London,
kvaðst hafa miklar áhyggjur af
áformum mótmælendanna um að
raska ferðum jarðlesta í borginni í
dag og sagði að mikilvægt væri að fá
fleiri til að nota almenningssam-
göngur til að stemma stigu við losun
lofttegunda sem valda loftslagsbreyt-
ingum. „Aðgerðir sem beinast að al-
menningssamgöngum skaða málstað
okkar sem viljum aðgerðir gegn lofts-
lagsbreytingum, auk þess sem öryggi
borgarbúa er stefnt í hættu.“
AFP
Vegum lokað Lögregluþjónar
handtaka mótmælanda í London.
Yfir 200
handteknir
í London
 Krefjast aðgerða
gegn hlýnun jarðar