Morgunblaðið - 17.04.2019, Blaðsíða 53

ÍÞRÓTTIR 53
MORGUNBLAÐIÐ MIÐVIKUDAGUR 17. APRÍL 2019
Opið virka daga 10.00-18.15, laugardaga 11.00-14.00 | Gnoðarvogi 44, 104 Reykjavík | Sími 588 8686
Gómsætir og girnilegir réttir
í fiskborði beint í ofninn
Glæný stórlúða
Glæný smálúða
Stór humar
Túnfiskur
Klausturbleikja
Humarsúpa
 Knattspyrnukonan Edda María
Birgisdóttir hefur tekið fram skóna á
ný eftir nokkurra ára hlé og mun leika
með Stjörnunni í sumar. Edda hefur
ekkert spilað frá vetrinum 2014-15
þegar hún lék með Anderlecht í Belgíu
en hún á að baki 99 leiki í efstu deild
með Stjörnunni, Aftureldingu, ÍBV og
Fjölni og hefur orðið bæði Íslands- og
bikarmeistari með Garðabæjarliðinu.
 Fjölnismenn, sem leika í 1. deild
karla í knattspyrnu í ár, hafa fengið
miðvörðinn Rasmus Christiansen lán-
aðan frá Val. Rasmus fótbrotnaði í júní
2018 og missti af meirihluta tímabils-
ins fyrir vikið. Um tímabundið lán er
að ræða þannig að varnarmaðurinn
reyndi gæti verið kallaður aftur á Hlíð-
arenda eftir nokkrar vikur.
 Pétur Rúnar Birgisson mun leika
áfram með körfuknattleiksliði Tinda-
stóls en tilkynnt var í gær að hann
hefði framlengt samning sinn við fél-
agið. Hann hefur verið lykilmaður liðs-
ins undanfarin ár. Enn fremur hafa fyr-
irliðinn Helgi Rafn Viggósson, Axel
Kárason, Viðar
Ágústsson, Hannes
Másson, Friðrik Þór
Stefánsson
og Örvar
Freyr Harð-
arson allir
framlengt
samninga sína.
Brynjar Þór
Björnsson er hins
vegar farinn eins
og áður hefur
komið fram,
sem og Israel
Martin þjálfari.
Eitt
ogannað
yfir landamærin og samdi við Bo-
russia Dortmund.
Sorglegt hjá Dortmund í vetur
„Árin sjö hafa verið afar lær-
dómsrík og að mörgu leyti
skemmtileg þar sem dvölin hjá
Leipzig stendur tvímælalaust upp
úr ef ég þarf að gera upp á milli lið-
anna. Hinsvegar er hálf sorglegt
það sem hefur gerst hjá Dortmund
í vetur,“ segir Hildigunnur og bæt-
ir við:
„Þjálfarinn sem byrjaði með okk-
ur í upphafi keppnistímabilsins
hætti í september. Gríðarleg
óánægja er innan liðsins með þann
sem tók við af honum. Óánægjan
hefur að einhverju leyti endur-
speglast í árangri liðsins. Við erum
um þessar mundir í sjötta sæti með
aðeins 23 stig sem er talsvert undir
væntingum. Segja má að það hafi
verið talsvert bras á okkur allt
keppnistímabilið og fyrir vikið hef-
ur ekki verið eins gaman og vonir
stóðu til. Það til viðbótar ýtir undir
þá löngun að láta gott heita hér
ytra og flytja heim,“ segir Hildi-
gunnur sem hefur ekki verið í
landsliðinu í síðustu verkefnum en
á að baki 79 A-landsleiki.
Bietigheim og Thüringen eru yf-
irburðalið í þýsku 1. deildinni um
þessar mundir og sitja í tveimur
efstu sætunum, sautján stigum á
undan Dortmund, svo dæmi sé tek-
ið.
Tilbúin til að miðla reynslunni
„Ætli maður fari ekki í að skipta
sér eitthvað af boltanum heima og
reyna um leið að miðla af reynsl-
unni til yngri leikmanna. Eftir sjö
ár í atvinnumennsku þá býr mað-
ur yfir ákveðinni reynslu og þekk-
ingu sem ég hlakka til að miðla af
nú þegar maður er orðin eldri og
reyndari,“ segir Hildigunnur Ein-
arsdóttir handknattleikskona létt í
bragði.
Sjö skemmtileg og lær-
dómsrík ár erlendis
 Hildigunnur Einarsdóttir yfirgefur Dortmund í sumar og setur stefnuna heim
Ljósmynd/Dortmund
Mark Hildigunnur Einarsdóttir skorar í leik með Borussia Dortmund sem er í sjötta sæti í Þýskalandi.
HANDBOLTI
Ívar Benediktsson
iben@mbl.is
„Eins og staðan er í dag þá er ekki
útlit fyrir annað en að ég flytji
heim í sumar,“ sagði Hildigunnur
Einarsdóttir handknattleikskona í
samtali við Morgunblaðið. Í sumar
hefur hún verið úti í sjö ár sem at-
vinnukona í handknattleik. Í vetur
hefur Hildigunnur leikið með Bo-
russia Dortmund í efstu deildinni í
Þýskalandi. Enn er rúmur mán-
uður eftir af keppnistímabilinu en
Hildigunnur segir ljóst að hún
verði ekki áfram í herbúðum Dort-
mund-liðsins sem hefur leikið undir
væntingum á keppnistímabilinu.
„Ég þarf að minnsta kosti að
detta niður á eitthvað æðislega gott
til þess að vera áfram úti. Nú um
stundir er ekkert spennandi í boði
auk þess sem eitt og annað er farið
að toga í mig heim. Þess vegna er
kannski best að láta gott heita,
flytja heim og takast á við lífið
þar,“ segir Hildigunnur sem er alls
ekki að hætta í handboltanum. Enn
er þó óljóst hjá hvaða liði hún
stingur við stafni verði af heimferð
eins og margt bendir til.
Topplið í Þýskalandi
og titlar í Austurríki
Hildigunnur lék með Val áður en
hún gekk til liðs við Tertnes í Nor-
egi fyrir nærri sjö árum. Eftir
Tertnes-árin flutti hún sig um
skamman tíma til Svíþjóðar, en lék
síðan um tveggja ára skeið með
einu fremsta félagsliði Evrópu á
þeim tíma, Leipzig í Þýskalandi.
Þar næst gekk hún til liðs við Hypo
í Austurríki sumarið 2017 þegar
Leipzig varð óvænt gjaldþrota.
Með Hypo varð Hildigunnur aust-
urrískur meistari og bikarmeistari
fyrir ári áður en hún flutti sig á ný
Í kvöld kemur í ljós hvort það verður
Keflavík eða Stjarnan sem mætir Val í
úrslitaeinvíginu um Íslandsmeistara-
titil kvenna í körfuknattleik en liðin
mætast í oddaleik í Keflavík. Staðan í
einvíginu er 2:2 eftir að Stjarnan vann
fyrstu tvo leikina en Keflavík jafnaði
metin með því að vinna þriðja og
fjórða leik. Stjarnan freistar þess að
komast í úrslit í fyrsta skipti í sög-
unni, en Keflavík hefur átján sinnum
komist í úrslitaeinvígið eftir að núver-
andi keppnisfyrirkomulag var tekið
upp árið 1993. Keflavík varð síðast
meistari árið 2017 og vann þá titilinn í
sextánda sinn. vs@mbl.is
Stjarnan í úrslitin
í fyrsta sinn?
Morgunblaðið/Eggert
Oddaleikur Í kvöld ræðst hvaða lið
mætir Val í úrslitaeinvíginu.
Los Angeles Clippers vann í fyrri-
nótt ótrúlegan útisigur á meisturum
Golden State Warriors, 135:131, í
öðrum leik liðanna í fyrstu umferð
úrslitakeppni NBA í körfubolta.
Clippers vann upp 31 stigs forskot
Warriors og það er met í úrslita-
keppninni. Liðið jafnaði metin í 1:1
og getur nú heldur betur gert meist-
urunum skráveifu á sínum heima-
velli í næsta leik. Lou Williams skor-
aði 36 stig fyrir Clippers og Danilo
Gallinari, sem lék með Ítalíu gegn
Íslandi á EM í Berlín 2015, skoraði
24. Stephen Curry var með 29 stig
fyrir Golden State.
Met hjá Clippers í
mögnuðum sigri
AFP
Ítali Danilo Gallinari lék vel í sigri
Clippers gegn Golden State.