Fréttablaðið - 01.06.2019, Blaðsíða 6

ALÞINGI Á sex ára tímabili, frá
marsmánuði 2013 til apríl 2019,
sendu íslensk stjórnvöld 317 börn
úr landi eftir ákvörðun þess efnis
að neita þeim um efnislega meðferð
eða hafna ósk þeirra um alþjóðlega
vernd. Vitað er að einhver hluti
barnanna var sendur án foreldra
sinna, eftirlitslaus úr landi.
Þetta kemur fram í svari Þórdísar
Kolbrúnar Reykfjörð Gylfadóttur
dómsmálaráðherra við fyrirspurn
Jóns Þórs Ólafssonar, þingmanns
Pírata, um börn sem vísað hefur
verið úr landi. Þar kemur fram að
„mikill meirihluti“ barna hafi verið
í fylgd með foreldrum sínum.
Jón Þór segir þetta svar alls ekki
nægilega skýrt. „Þarna fáum við
að vita að börn hafi verið send úr
landi eftirlitslaus. Það er ekki gott
að fá óskýr svör þegar þingmaður,
sem sinnir eftirlitshlutverki sínu,
spyr. Það er hins vegar alvanalegt
að við fáum léleg svör,“ segir Jón Þór.
„Þetta kallar auðvitað á að ég þurfi
að spyrja öðru sinni um hversu
mörgum börnum hafi verið vísað úr
landi út í óvissuna, eftirlitslausum.“
Jón Þór segir að íslensk stjórn-
völd hafi samþykkt lög um rétt-
indi barnsins. Meginreglur réttar
flóttamanna á bæði við um börn og
fullorðna en einnig er að finna laga-
grein um börn á flótta í samningi SÞ
um réttindi barnsins. Einnig voru
sett ný lög um útlendinga sem áttu
að tryggja aukin réttindi umsækj-
enda um vernd hér á landi og þá sér-
staklega fylgdarlausra barna.
„Ég get ekki séð annað en að
hér sé þá á þessu tímabili verið að
brjóta á réttindum barna sem leita
hér skjóls,“ segir Jón Þór. „Sam-
kvæmt lögum á að setja réttindi
barna í forgang en túlkun laganna
Fylgdarlausum börnum vísað
úr landi á síðustu sex árum
Fram kemur í svari dómsmálaráðherra við fyrirspurn þingmanns Pírata að börnum án fylgdar
hafi verið vísað úr landi á síðustu sex árum. Lög um réttindi barna á flótta fjalla um að setja
réttindi og aðstæður barna í forgang. 317 börnum hefur verið vísað úr landi síðustu sex ár.
Stjórnvöld vísuðu rúmlega þrjú hundruð börnum úr landi á árunum 2013 til apríl 2019. FRÉTTABLAÐIÐ/ERNIR
Þarna fáum við að
vita að börn hafi
verið send úr landi eftirlits-
laus.
Jón Þór Ólafsson,
þingmaður Pírata
Skráning er á skatar.felog.is
Frekari upplýsingar á ulfljotsvatn@skatar.is
SUMARBÚÐIR Á ÚLFLJÓTSVATNI
• Sumarbúðir í Útilífsmiðstöð skáta Úlfljótsvatni fyrir 13-16 ára
• Tvær vikur í boði, 17- 23. júní og 24 - 30. júní
• Vikan kostar 45.000, - hægt er að vera báðar vikurnar
-Innifalið: rútuferðir, dagskrá, allt fæði og tjaldbúnaður
• Fjölbreytt og ævintýraleg dagskrá!
hefur ætíð verið í þá átt að senda
börn út í óvissuna. Umboðsmaður
barna hefur talað um að við höfum
samþykkt lög um réttindi barna á
f lótta en nú þurfum við að fara að
framfylgja lögunum. Það er því mitt
verkefni nú að þrýsta á aukin svör
og þrýsta á stjórnvöld að vernda
réttindi barna sem hvað verst
standa.“
Fréttablaðið reyndi að fá svör
um afstöðu dómsmálaráðherra til
þeirra laga sem hér sé unnið eftir en
án árangurs. Einnig reyndi Frétta-
blaðið að fá svör við því hversu
mörg fylgdarlaus börn hefðu verið
send úr landi á tímabilinu, einnig án
árangurs. sveinn@frettabladid.is
LEIÐRÉTTING.
Í forsíðufrétt gærdagsins gleymdist
að greina frá því að Jón Viðar
Matthíasson, slökkviliðsstjóri SHS,
hefði fyrst viðrað áhyggjur sínar
í viðtali við Sjómannadagsblaðið
2019 sem nýkomið er út.
UMHVERFISMÁL Skíðaráð Reykja-
víkur er gáttað á ummælum Arn-
dísar Óskar Ólafsdóttur Arnalds,
forstöðumanns hjá Veitum ohf.,
í Fréttablaðinu í vikunni. Arn-
dís varaði við því að fyrirhuguð
uppbygging á skíðasvæðinu í Blá-
fjöllum ógni vatnsbólum höfuð-
borgarsvæðisins ef slys verður á
bágbornum Bláfjallalvegi. Ingi
Rafnar Júlíusson, formaður ráðsins,
segir í yfirlýsingu að undanfarin ár
hafi allar framkvæmdir og viðhald
verið á bið á meðan hugsanleg áhrif
á vatnsvernd voru skoðuð. Í kjölfar
skýrslu sem unnin var fyrir sveitar-
félögin á höfuðborgarsvæðinu hafi
þau loks samþykkt að hefjast handa
í Bláfjöllum og Skálafelli.
„Þau áform hafa tafist og er aðal
ástæðan fyrir þeim töfum bið eftir
samþykki Skipulagsstofnunar, sem
nú liggur fyrir. Til að mæta eðli-
legum sjónarmiðum um vatns-
vernd hafa málsaðilar unnið í sam-
einingu að mótvægisaðgerðum. Ein
meginaðgerðin felst í endurbótum á
Bláfjallavegi, sem Vegagerðin lagði
fram fyrir Skipulagsstofnun.“
Ingi segir þær endurbætur sem
ráðist verði í séu einmitt forsenda
samþykkis Skipulagsstofnunar.
„Við hjá Skíðaráði Reykjavíkur
erum því gáttuð á að forstöðu-
maður hjá Veitum kjósi að tala um
mögulega „katastrófu“ vegna upp-
byggingarinnar, sem er löngu orðin
tímabær.“ Endurbætur á veginum
hafi verið samþykktar af öllum
aðilum. Ráðið vísar til sex skýrslna
sem fjalli um vatnsvernd frá liðnum
árum og sérkennilegt sé því að
Veitur tali um að frekari rannsókn
sé þörf. „Er það ef til vill þannig að
það verði alltaf óskað eftir nýjum
rannsóknum þar til loksins einhver
kemur með niðurstöðu sem hentar
fyrirfram gefinni afstöðu embættis-
mannsins?“ spyr Ingi Rafnar og
skíðaráðið að lokum. – smj
Skíðaráð gáttað á vatnsverndaráhyggjum Veitna í Bláfjöllum
DÓMSMÁL Landsréttur mildaði í
gær dóm Héraðsdóms Reykjaness
yfir Þorsteini Halldórssyni úr sjö
ára fangelsi í fimm og hálfs árs. Þor-
steinn var í maí í fyrra dæmdur í sjö
ára fangelsi fyrir ítrekuð kynferðis-
brot gegn ungum pilti og fyrir að
hafa tælt hann með gjöfum, fíkni-
efnum og peningum.
Í dómi Landsréttar er Þorsteini
gert að greiða piltinum 3,5 milljónir
króna í miskabætur.
Í dómi héraðsdóms í fyrra segir að
Þorsteinn hafi „verið fundinn sekur
um gróf og langvarandi kynferðis-
brot gegn brotaþola, sem þá var barn
á viðkvæmu þroska- og mótunar-
skeiði, auk brota á nálgunarbanni“.
Drengurinn var á aldrinum 15 til 18
ára þegar brotin áttu sér stað.
Dómarinn taldi Þorstein hafa
nýtt sér yfirburði sína vegna aldurs-
og þroskamunar og tælt piltinn til
kynferðismaka með peningum og
gjöfum, fíkniefnum og lyfjum. Var
hann sakfelldur fyrir að hafa nauðg-
að piltinum sem átti sér enga vörn
undir áhrifum fíkniefna og lyfja.
Brotin hafi verið til þess fallin að
valda piltinum andlegri vanlíðan.
Hann hafi verið 15 ára og Þorsteinn
54 ára þegar brotin hófust.
Pilturinn kvaðst fyrir dómi hafa
ánetjast fíkniefnum sem Þorsteinn
gaf honum í skiptum fyrir kyn-
mök. – dfb
Níðingur fær
styttri dóm
39
ára aldursmunur var á Þor-
steini og piltinum þegar
brotin hófust.
Þórdís Kolbrún
Reykfjörð
Gylfadóttir,
dómsmálaráð-
herra.
1 . J Ú N Í 2 0 1 9 L A U G A R D A G U R6 F R É T T I R ∙ F R É T T A B L A Ð I Ð
0
1
-0
6
-2
0
1
9

0
7
:3
7
F
B
1
0
4
s
_
P
0
9
9
K
.p
1
.p
d
f
F
B
1
0
4
s
_
P
0
9
4
K
.p
1
.p
d
f
F
B
1
0
4
s
_
P
0
0
6
K
.p
1
.p
d
f
F
B
1
0
4
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
3
2
4
-5
A
0
4
2
3
2
4
-5
8
C
8
2
3
2
4
-5
7
8
C
2
3
2
4
-5
6
5
0
2
7
5
X
4
0
0
.0
0
1
5
B

F
B
1
0
4
s
_
3
1
_
5
_
2
0
1
9
C
M
Y
K