Dagblaðið Vísir - DV - 29.03.2019, Page 60

60 FÓKUS - VIÐTAL 29. mars 2019
G
uðrúnu Veigu Guðmunds-
dóttur kannast margir Ís-
lendingar við en um árabil
hefur hún skemmt tugþús-
undum manna í gegnum Snapchat.
Þar er hún gjarnan þekkt fyrir lang-
dregnar lygar, háfleygar samræður
og vandræðalegan sannleik.
Síðan Guðrún Veiga „opnaði“
heimili sitt fyrir fólki hefur það lík-
lega ekki farið fram hjá neinum sem
henni fylgja að hún er forfallinn
nammigrís, mikil rauðvínsdrykkju-
kona og almenn sófakartafla sem
gefur lítið fyrir hreyfingu af hvers
kyns tagi. Fyrir ekki svo löngu
fór Guðrún Veiga skyndilega að
predika fyrir fylgjendum sínum
mikilvægi þess að hreyfa sig og
borða hollt. Þá eru margir sem eiga
erfitt með að kaupa þessa nýju lífs-
stílsbreytingu hennar vegna fyrri
sögu Guðrúnar og fékk blaðakona
hana til þess að sitja fyrir svörum í
eitt skipti fyrir öll.
Jæja Guðrún Veiga … hvað er að
frétta?
„Ég er bara alveg eldspræk og
skínandi sæl – í augnablikinu.
Skipti reyndar skapi mjög hratt og
gæti verið kúplandi klikkuð eftir
korter.“
Nú hefur það borist í tal að þú
sért farin að æfa crossfit?
„Það passar! Er að klára þriðja
mánuðinn. Nei, ég hef aldrei
stundað neina hreyfingu samfleytt
í þrjá mánuði – ef þú varst að gæla
við að spyrja að því næst. Þannig að
þetta er nýtt persónulegt met.“
Og þér líkar við það?
„Hef alltaf fyrirlitið allar tegund-
ir hreyfingar en crossfit er einfald-
lega af öðrum heimi. Ég hef aldrei
upplifað það áður að geta bara
ekki beðið eftir að komast á æfingu
eða grenja þegar ég næ ekki að fá
pössun – og missi þar af leiðandi
af æfingu. Það er meira að segja
snarundarlegt að segja þetta upp-
hátt. Þetta hljómar svo ólíkt mér
að ég geri meira að segja sjálfa mig
hissa.“
Er þetta ekki bara ein mjög
langdregin lygi?
„Bara aldrei slíku vant er mér
fúlasta alvara og að vinna með há-
heilagan sannleik!“
Líklega takmörk fyrir því hversu
oft má svíkja vini sína
Hvernig kom þetta til?
„Hildur Karen, vinkona mín og
hraustmenni með meiru, hefur
um árabil reynt að sannfæra mig
um ágæti þess að hreyfa sig. Og
gert ítrekaðar tilraunir til þess að
rífa mig upp úr sófanum. Sauður-
inn sem ég er segi alltaf já og amen
þegar hún leggur til að við prófum
eitthvað, bara til að þagga niður
í henni og fá hana til að hætta að
áreita mig með þessum tillögum,
en svo hætti ég alltaf við þegar á
hólminn er komið. Ég mæti ekk-
ert og skil hana eftir eina. Hún tók
til dæmis grunnnámskeið í cross-
fit fyrir þremur árum. Ég var líka
skráð og þóttist ætla með, þar til
rétt fyrir mætingu. Þá forðaði ég
mér. Hildur virðist seint ætla að
gefast upp á mér af því að hún bað
mig í fyrrahaust að koma í cross-
fit, þá í janúar á þessu ári. Ég sagði
auðvitað já, en hugsaði svo „ég
kem mér út úr þessu“. En síðan
heyrðist mér á vinkonu minni að
það væri ekki í boði að þessu sinni.
Ég áttaði mig á að ef ég myndi ekki
hypja með henni í þetta sinn þá
yrðum við kannski ekkert vinkon-
ur mikið lengur. Það eru líklega
takmörk fyrir því hversu oft má
svíkja vini sína. Þannig að ég ákvað
að taka þetta bölvaða grunnnám-
skeið af hálfum huga og láta mig
svo hverfa – hún gæti ekkert fett
fingur út í það. En sú varð nú held-
ur betur ekki raunin.“
Ert þú bara byrjuð að mauka
spínat og búin að henda kartöflu-
salatinu?
„Neih! Það verður seint. Ég lifi
til þess að borða og mun aldrei
verða týpan sem borðar til þess að
lifa.“
Nú hefur þú lengi verið þekkt
fyrir að borða pítsu, drekka vín
Smiðjuvegur 4C - 202 Kópavogur - S 587 2202
Ryðga ekki
Brotna ekki
HAGBLIKK
Álþakrennur & niðurföll
Litir á lager:
Svart, hvítt, ólitað, rautt, silvurgrátt og dökkgrátt
n Úr sófanum og í crossfit n Sleppir samt ekki rauðvíni og kartöflusalati
Aníta Estíva Harðardóttir
anita@dv.is
MYNDIR: HANNA/DV
Hin nýja Gveiga kemur
öllum í opna skjöldu