Skessuhorn - 25.03.2015, Blaðsíða 28

28 MIÐVIKUDAGUR 25. MARS 2015
Nafn: Guðbjörg Björnsdóttir.
Starfsheiti/fyrirtæki: Leirlistar-
kona og nemandi í Myndlistaskól-
anum í Reykjavík.
Fjölskylduhagir/búseta: Ég á
þrjú börn, Auðunn, Helgu og
Margréti. Ég er Dalakona, búsett
í Sælingsdalstungu en hef verið í
námi í Reykjavík í vetur og dvel
eins og er í Grafarvogi hjá kærast-
anum mínum.
Áhugamál: Leirlist.
Vinnudagurinn: 23. mars 2015.
Klukkan hvað vaknaðirðu og
hvað var það fyrsta sem þú
gerðir? Ég vaknaði klukkan 7:10,
kúrði til 7:30 og fór svo í sturtu.
Hvað borðaðirðu í morgunmat?
Hafragraut.
Hvenær fórstu til vinnu og
hvernig? Ég fór af stað í skólann
kl. 8:30, keyrandi á bílnum mín-
um.
Hvað varstu að gera klukkan
10? Hella postulínsmassa í gifs-
mót.
Hvað gerðirðu í hádeginu? Var
að læra og keyrði svo í Tækniskól-
ann, var í tímum þar frá kl. 12:45
til kl. 15:00, fór þá aftur í Mynd-
listaskólann í Reykjavík að vinna
að verkefni þar.
Hvað varstu að gera klukkan
14? Var í hönnunarsögu hjá Elísa-
betu V. Ingvarsdóttur.
Hvenær hættirðu og hvað var
það síðasta sem þú gerðir í
vinnunni? Ég hætti í skólanum
kl. 19:00, það síðasta sem ég gerði
var að setja leirbrennsluofninn af
stað.
Hvað var í kvöldmat og hver
eldaði? Ofnbakaður silungur með
kartöflum, sætum kartöflum og
salati. Ég eldaði.
Hvernig var kvöldið? Eftir kvöld-
mat fór ég að læra, ég á að skila
rannsóknarskýrslu í glerungaefna-
fræði hjá Bjarnheiði Jóhannsdótt-
ur á fimmtudaginn, var svo nærri
sofnuð yfir þættinum um George
Harrison.
Hvað stendur upp úr eftir dag-
inn? Hvað það er alltaf gaman í
skólanum, get verið þar allan dag-
inn fram á kvöld.
Dag ur í lífi...
Leirlistarkonu
Átakið „plastpokalaus Stykkishólm-
ur“ þar sem skipt hefur verið úr
notkun plastpoka í verslunum yfir
í margnota burðarpoka hefur notið
velgengni í bænum frá því það var
innleitt í byrjun vetrar. Nú hefur
bæjarráð Stykkishólms ákveðið að
bærinn stígi ákveðin skref til þess
að hætta notkun plastpoka í sín-
um rekstri. Sett hefur verið upp að-
gerðaáætlun í sjö liðum, sem sam-
þykkt hefur verið af bæjarráðinu.
Boðaður verður sameiginlegur 1.
fundur bæjarstjóra, umhverfis-
nefndar og forstöðumanna stofn-
ana sveitarfélagsins til að ræða
leiðir að minni notkun plasts.
Í ársbyrjun 2015 verður gerð ein-2.
föld úttekt á núverandi notkun
plastpoka á hverri stofnun sveit-
arfélagsins og í kjölfarið lögð
fram áætlun um úrbætur. Þeirri
áætlun verður hrint í framkvæmd
og síðla árs gerð úttekt á árangr-
inum.
Reynt verður að hætta innkaup-3.
um á einnota plastpokum hjá öll-
um stofnunum bæjarins nema í
undantekningartilvikum þar sem
forstöðumaður stofnunar þarf að
gera grein fyrir notkun þeirra,
t.d. við byggingarfulltrúa. Leit-
að verður allra leiða til að hætta
notkun plastpoka.
Hver stofnun fær eftir þörfum 4.
einn eða fleiri merkta fjölnota
burðarpoka til að nota við inn-
kaup. Ef margnota poki gleym-
ist þegar keypt er inn, skal kaupa
maíspoka, nota pappakassa eða
aðrar fjölnota lausnir undir
vörur.
Alfarið verður hætt að nota plast-5.
poka undir almennt sorp og í
þeirra stað notaðir maíspokar.
Til mótvægis við að maíspokar
eru dýrari í innkaupum verður
unnið að því að auka hlutfall úr-
gangs sem fer til endurvinnslu og
minnka þar með óflokkað sorp
og þörf fyrir poka undir það.
Hætt verður notkun einnota 6.
plastpoka til að fjarlægja sleg-
ið gras og annan garðaúrgang á
vegum sveitarfélagsins. Áhalda-
húsi, í samráði við byggingarfull-
trúa, verður falið að finna lausn-
ir sem fela í sér margnota ílát eða
sekki.
Ruslafötum fyrir óflokkaðan úr-7.
gang verður fækkað á stofnun-
um en þess í stað leitast við að
gera flokkunarílát aðgengilegri.
Almenna reglan verður að hafa
ekki sorpílát fyrir óflokkaðan
úrgang á skrifstofum eða öðr-
um rýmum þar sem færri en þrír
starfsmenn hafa aðsetur, nema
þar sem öðrum lausnum verð-
ur ekki komið við. Bæjarstjórn,
bæjarstjóri, forstöðumenn stofn-
ana og annað starfsfólk Stykkis-
hólmsbæjar skal verða leiðandi í
að draga úr notkun plasts. Þeir
hvetji aðra íbúa til að hætta notk-
un plastpoka. Lausnin felst í að
nota helst margnota poka en að
öðrum kosti maíspoka. Í þeim
tilfellum þar sem ekki verður hjá
því komist að nota plast, skal því
komið til endurvinnslu að notk-
unartíma loknum.
mþh
Út er komin skýrsla þar sem kynnt-
ar eru meginniðurstöður viðhorfs-
könnunar sem gerð var meðal
ferðamanna á átta vinsælum nátt-
úruskoðunarstöðum á Suður- og
Vesturlandi síðasta sumar. Ferða-
málastofa fjármagnaði rannsókn-
ina sem stýrt var af dr. Önnu Dóru
Sæþórsdóttur, dósent í ferðamála-
fræði við Háskóla Íslands. Ástæða
þess að Ferðamálastofa ákvað að
ráðast í verkið var sú að vegna mik-
illar fjölgunar ferðamanna hér á
landi, og þess álags sem af henni
skapast, hafa vaknað spurningar um
hvort ferðamenn séu nú þegar of
margir á vinsælustu áfangastöðum
landsins. Þannig er reynt að fylgj-
ast með þolmörkum ferðamanna-
staða. Staðirnir sem valdir voru
til skoðunar voru Djúpalónssand-
ur, Geysir, Hakið á Þingvöllum,
Hraunfossar, Húsadalur í Þórs-
mörk, Jökulsárlón, Seltún og Sól-
heimajökull. Markmið rannsóknar-
innar var að kanna hvert aðdráttar-
afl staðanna er, hvernig ferðamenn
skynja staðina, hversu ánægðir þeir
eru með heimsókn sína, hvort aðr-
ir ferðamenn hafi áhrif á upplifun
þeirra og hvort ferðamenn sjái um-
merki um skemmdir á náttúrunni
vegna ferðamennsku. Kannað var
hvort greina megi árstíðabundinn
mun á fyrrgreindum atriðum.
Könnunin sýndi að þrátt fyrir að
fjöldi erlendra ferðamanna hingað
til lands hafi aukist mjög ört und-
anfarin ár eru langflestir ánægð-
ir með náttúruna og dvölina á
stöðunum sem til skoðunar voru.
Ánægja er einnig mikil með göngu-
stíga, en hún er ekki eins mikil með
aðra innviði og þjónustu. Gestir
eru þó síður ánægðir með innviði
og þjónustu við Geysi og Jökulsár-
lón, auk þess sem umhverfi Geysis
þykir manngerðara en hinna stað-
anna. Almennt þykir hreint á svæð-
unum en þó síst við Jökulsárlón.
Fáir hafa orðið varir við skemmdir
á náttúrunni af völdum ferðamanna
sem og rusl, skemmdir á jarðmynd-
unum og gróðurskemmdir. Sú um-
hverfisröskun sem ferðamenn taka
helst eftir er rof úr göngustígum og
þá sérstaklega í Þórsmörk og við
Geysi.
Jökulsárlón og Geysir
skera sig úr
Meirihluti ferðamanna á áfanga-
stöðunum átta finnst fjöldi ferða-
manna hæfilegur. Jökulsárlón og
Geysir skera sig þó úr hvað þetta
varðar þar sem um 40% ferðamanna
þar þykir vera of mikið af hópferða-
mönnum. Um þriðjungi svarenda
þar finnst of mikið af ferðamönn-
um almennt. Á Þingvöllum fannst
20% þátttakenda vera of mikið af
ferðamönnum almennt og 18%
gesta í Þórsmörk voru á sama máli.
Um 8-11% við Seltún, Sólheima-
jökul og Djúpalónssand fannst of
mikið af ferðamönnum.
Ákveðnir markhópar nálgast
hugsanlega þolmörk
Í skýrslunni segir að liggja þyrftu
fyrir skýr markmið um hvaða upp-
lifun stöðum er ætlað að veita og
eða til hvaða markhópa þeir eiga
að höfða til í skipulagi ferðamanna-
staða. Slík markmið hafa ekki verið
sett fyrir rannsóknastaðina átta og
því ekki er hægt að fullyrða hvort
félagslegum þolmörkum ferða-
manna sé náð. Niðurstöður þess-
arar rannsóknar gefa þó ákveðna
vísbendingu um að ákveðnir mark-
hópar við Geysi og Jökulsárlón séu
mögulega að nálgast þessi þolmörk
en aðrir staðir virðast í betra horfi.
Skilgreina þolmörk fyrir
hvert svæði
„Til að náttúruskoðunarstaðir haldi
áfram að vera auðlind fyrir ferða-
þjónustuna verður að meðhöndla
þá í samræmi við það. Mikilvægt
er að þolmörk séu skilgreind fyr-
ir hvert svæði fyrir sig, og þar með
ákvörðuð staðsetning svæðisins
innan afþreyingarrófsins. Með því
móti næst hámarksnýting á land-
inu fyrir fjölbreytta ferðamennsku,
styrkari stoðum er rennt und-
ir ferðaþjónustu og betur er stuðl-
að að sjálfbærri þróun greinarinn-
ar. Þannig verður hægt að taka við
sem flestum ferðamönnum, af mis-
munandi gerðum, án þess að ganga
meira en nauðsyn krefur á þær auð-
lindir sem ferðamennska byggir á,“
segir meðal annars í skýrslunni.
mm
Geysir í Haukadal og Jökulsárlónið eru í skýrslunni sögð hugsanlega nálgast
þolmörk ferðamannastaða.
Vísbendingar eru um að fjölsóttir ferðamannastaðir nálgist þolmörk
Theódóra Matthíasdóttir er
starfsmaður verkefnisstjórnar um
plastpokalausan Stykkishólmsbæ. Þar
eru plastpokarnir á hröðu undanhaldi.
Herða tökin á plastpokalaus-
um Stykkishólmi
Hagvangur opnar skrifstofu í Borgarnesi
Hagvangur hefur opnað skrifstofu
í Borgarnesi og hefur Geirlaug Jó-
hannsdóttir verið ráðin til að ann-
ast starfsemina. Skrifstofan er til
húsa á Bjarnarbraut 8. „Markmið-
ið með opnun skrifstofunnar er að
sinna auknum verkefnum á lands-
byggðinni. Sérstaklega mun skrif-
stofan annast verkefni í Norðvest-
urkjördæmi auk verkefna annars
staðar á landinu,“ segir í tilkynn-
ingu. Hagvangur hyggst styrkja
þjónustu við núverandi viðskipta-
vini á svæðinu. „Allir ráðgjafar
Hagvangs auk Geirlaugar munu
koma að verkefnum og hafa að-
setur á skrifstofunni eftir því sem
þurfa þykir. Jafnframt mun Geir-
laug sinna verkefnum á skrifstofu
Hagvangs í Reykjavík eftir þörf-
um.“
Geirlaug hefur lokið MBA námi
frá Háskólanum í Reykjavík með
áherslu á mannauðsstjórnun og BS
í rekstrarfræðum frá Háskólanum
í Bifröst. Hún hefur undanfarin
tíu ár starfað við Háskólann á Bif-
röst og er nú í hlutastarfi sem að-
júnkt við viðskiptasvið skólans og
kennir þar m.a. mannauðsstjór-
nun. Áður starfaði Geirlaug við
Háskólann á Bifröst sem forstöðu-
maður símenntunar og verkefna-
stjóri tilraunaverkefnis um hækkað
menntunarstig í Norðvesturkjör-
dæmi. Þar áður starfaði Geirlaug
sem fræðslustjóri Alcan á Íslandi.
Geirlaug hefur setið í sveitarstjórn
Borgarbyggðar frá 2010 ásamt
því að sitja í ýmsum stjórnum og
nefndum. Geirlaug býr í Borgar-
nesi og er gift Stefáni Sveinbjörns-
syni, framkvæmdastjóra VR, og
eiga þau þrjú börn. mm
MT: Geirlaug mun hafa aðstöðu í skrifstofu að Bjarnarbraut 8. Ljósm. eha.