Skessuhorn - 11.11.2015, Side 32

MIÐVIKUDAGUR 11. NÓVEMBER 201532
Mikilvægt að tengingar
séu áreiðanlegar
Umsjón með tölvukerfi grunn-
skóla sveitarfélagsins er einn lið-
ur í starfi Gests. „Tölvuumsjón-
in hefur í raun fullt af útibúum.
Þau eru Ráðhúsið, Grunnskólinn
í Borgarnesi og grunnskólarnir í
Borgarfirði. Skólarnir í sveitinni
eru samreknir að hluta til en annað
er sjálfstætt. Í gegnum tíðina hef-
ur ekkert samstarf verið um upp-
byggingu á þessum stöðum og því
ekki við öðru að búast en að ástand
kerfanna sé mismunandi,“ segir
hann. Eins og áður kom fram er
vinna þegar hafin við samræmingu
kerfanna með það fyrir augum að
ná fram hagkvæmari rekstri. „Net
eru orðin það góð að hægt er að
stýra kerfunum með fjartengingu.
Kerfin verða rekin meira saman
sem ein heild og einfölduð,“ bæt-
ir hann við.
Hann segir að þrátt fyrir að net-
tengingar í dag séu almennt góð-
ar megi alltaf gera betur. „Mín
reynsla er sú að fólk er alltaf jafn
lengi á netinu, sama hvort net-
tengingin er góð eða slæm. Mun-
urinn er hins vegar sá að fólk kem-
ur svo miklu meira í verk ef það er
með góða tengingu,“ segir Gest-
ur. Mikilvægast af öllu sé hins veg-
ar að betri tengingar eru áreiðan-
legri en aðrar. „Í skólum er mikið
álag, sérstaklega á haustin og raun-
ar fram á vorið. Það er gríðarlega
mikilvægt að tengingar séu áreið-
anlegar.“
Alls staðar þörf á góð-
um tengingum
Sem liður í því að bæta netteng-
ingar landsmanna fagnar Gest-
ur ljósleiðaravæðingu landsins.
Hann segir Gagnaveituna vera að
fara af stað með ljósleiðarateng-
ingu í Borgarbyggð. „Það verður
byrjað í þéttbýlinu, Borgarnesi og
öðrum kjörnum í sveitarfélaginu.
Farið verður í þarfagreiningu og
svo ákveðið hvar verður lagt fyrst.
Borgarbyggð þarf svo að skoða og
vinna að undirbúningi tenginga í
sveitirnar um allt dreifbýlið,“ seg-
ir hann og kveðst oft hafa spurt
sig hvers vegna sveitarfélög hafi í
gegnum tíðina ekki gert meira af
því að undirbúa lagningu ljósleið-
ara með því að nýta tækifærið þeg-
ar lagt er vatn eða rafmagn. „Þó
ekki væri nema bara að leggja rör-
in utan um ljósleiðarann um leið
og það er verið að leggja vatn eða
rafmagn. Þá er hægt að blása ljós-
leiðaranum í seinna með tiltölu-
lega lítilli fyrirhöfn,“ segir Gestur.
Hann segir þörfina á áreiðanleg-
um nettengingum ekki síður mik-
ilvæga í sveitum landsins en í þétt-
býli. „Nú þurfa bændur til dæm-
is að skila stórum hluta af sín-
um skýrslum rafrænt og þeir kúa-
bændur sem eru með róbótaf-
jós þurfa að hafa góða tengingu
til að geta fylgst með og stýrt
mjólkurframleiðslunni. Þá er al-
gerlega óþolandi ef tengingar eru
ekki áreiðanlegar,“ segir hann.
Krakkar opnir fyrir því
að vinna á tölvur
Þegar hér er komið sögu vík-
ur Gestur aftur að tölvumálum í
grunnskólum og kennslu í upplýs-
ingatækni. „Internetið er bara hluti
af því að vera til í dag. Það er gott
að krakkar séu vel læsir í tölvu-
heiminum,“ segir hann; „og í því
samhengi er mikilvægt að uppfæra
búnað svo það megi eftir fremsta
megni koma því við að tölvubún-
aður í skólum sé í sama formi og
krakkarnir vinna við heima. Hann
má ekki vera úreldur. Það er til lít-
ils að kenna krökkum til verka á úr-
eltar tölvur ef þau koma svo heim
til sín strax eftir skóla og vinna á
nýlegan búnað með allt öðru við-
móti.“
Fyrirtækjum og stofnunum er
frjálst að færa grunnskólum gjafir
sé ekki um beinar auglýsingar að
ræða. Það gerði Arion banki nú í
haust þegar forsvarsmenn bankans
færðu Borgarbyggð tölvubúnað til
nota í grunnskólum sveitarfélags-
ins. „Ég vissi ekki að þetta mætti
fyrr en ég byrjaði hér. En mér
fannst frábært að fá að taka þátt í
þessu og sjá hvernig svona gjafir
nýtast,“ segir Gestur. Hann bætir
því við að ekkert tölvuver hafi ver-
ið í grunnskólanum í Borgarnesi
fram að þessu sökum plássleys-
is. „Á næstunni fer í gang teikn-
ing að viðbyggingu við skólann.
Við þurfum að auka plássið því það
vantar eldhús í skólann, tölvuver,
húsnæði fyrir tónlistarskólann og
fleira,“ segir Gestur.
„En með tölvugjöf sinni um dag-
inn er Arion banki að búa til að-
stöðu sem annars væri ekki til og
það er fyrsta skrefið í að krakkarn-
ir verði tölvulæsir. Ég hef fulla trú
á að framtak sem þetta geti skilað
sér til fyrirtækja í framtíðinni þeg-
ar börnin vaxa úr grasi og koma
út í atvinnulífið, ef kennsla er góð
og praktísk,“ segir hann og bæt-
ir því við að Eðalfiskur hafi gert
svipaða hluti fyrir ári síðan þegar
fyrirtækið færði skólanum í Borg-
arnesi iPada eins og eru notað-
ir við framleiðsluna hjá þeim. „Ég
tók eftir því þegar ég endursetti
iPadana í haust að krakkarnir taka
þeim sem sjálfsögðum hlut. Þeir
nota spjaldtölvurnar eins og aðra
höndina á sér og eru mjög opnir
fyrir að læra á og vinna með þessi
tæki. Möguleikarnir í þessu eru al-
veg gríðarlegir og ég er þess full-
viss að fyrirtæki sem eru opin fyr-
ir því að styrkja skóla með þessum
hætti eiga eftir að uppskera helling
í framtíðinni.“
Lestur skiptir
mestu máli
Aðspurður hvað hann eigi við með
góðri og praktískri kennslu í upp-
lýsingatækni nefnir Gestur sér-
staklega leitarvélar. „Mín skoðun
er sú að það yrði verulega til góða
að efla krakka til muna við notk-
un leitarvéla. Ef maður er flinkur
að nota leitarvélar er hægt að gera
nánast hvað sem er. Gegnum þær
er hægt að afla sér bæði sérhæfðrar
og almennrar þekkingar. Hver sá
sem er klár á leitarvélar á sér sterkt
bakland í hverju sem hann tek-
ur sér fyrir hendur,“ segir Gestur.
„Það er nefnilega þannig að fjöld-
inn allur af fólki, alls staðar í heim-
inum, er að glíma við sömu vanda-
mál og maður sjálfur. Af þeim eru
margir sem hafa metnað fyrir því
að koma lausnum sínum á fram-
færi með aðgengilegum hætti. Það
þarf aðeins að vita hvar og hvernig
á að leita,“ bætir hann við.
Markviss leit með hjálp leitar-
véla er að hans mati stór þáttur í
tölvulæsi fólks. „Lesturinn skipt-
ir alveg ofboðslega miklu máli. Ef
þú hittir einhvern sem er mjög fær
í upplýsingatækni þá er hann fyrst
og fremst gríðarlega vel lesinn,“
segir Gestur; „og lestur af tölvu-
skjá er þjálfun eins og allt annað,“
segir hann að lokum.
kgk
Á fimmtudaginn í síðustu viku komu
20 slóvakískir framhaldsskólanemar
í heimsókn í Fjölbrautaskóla Vest-
urlands á Akranesi. Nemendurn-
ir verða hér í tíu daga og kynna sér
sjálfbærni og sjálfbæra orkuöflun. Á
sunnudaginn og mánudaginn fóru
þau ásamt jafnmörgum nemend-
um FVA um Suðurland og skoð-
uðu meðal annars sýningu Lands-
virkjunar í Ljósafossvirkjun, Hellis-
heiðarvirkjun og Flúðasveppi. Einn-
ig var farið að Gullfossi og Geysi og
á Þingvelli. Í gær hitti Stefán Gísla-
son umhverfisstjórnunarfræðingur
hópinn og hélt fyrirlestur um sjálf-
bærni og þá hugmyndafræði sem
hún byggir á. Framundan eru ferðir
Borgarfjörð og til Reykjavíkur. Gest-
irnir fara svo til síns heima á sunnu-
dag. Verkefnið er styrkt af EFTA og
slóvöskum stjórnvöldum og er ætlað
að miða að því að auka skilning ungs
fólks á mikilvægi sjálfbærni á öllum
sviðum samfélagsins.
mm/fr/ Ljósm. jbb.
Slóvakar í heimsókn á Akranesi
Í síðustu viku gróðursettu gestirnir ásamt nemendur í FVA tré við þjóðveginn til
Akraness. Félagar í Skógræktarfélagi Akraness aðstoðuðu við verkið sem þótti
takast afar vel og ekki spillti veðrið.
Myndarleg greniplanta á leið í gróðursetningu.
„Ég byrjaði hér í ágúst eftir að
ný staða var búin til og hef um-
sjón með öllum tölvum, netteng-
ingum og í raun allri upplýsinga-
tækni sveitarfélagsins,“ segir Gest-
ur Andrés Grjetarsson, umsjónar-
maður tölvumála hjá Borgarbyggð.
Hann er þeirrar skoðunar að brýn
þörf hafi verið á þessari nýju stöðu
hjá sveitarfélaginu. „Kerfið er frek-
ar stórt og dreift og vinna er þegar
hafin við að einfalda það, endurnýja
búnað, samræma og samnýta hluti
svo hægt sé að og auka hagkvæmn-
ina.“ Gestur Andrés er eldri en tvæ-
vetur í heimi upplýsingatækninnar
og þaulreyndur á því sviði. Hann
stofnaði Islandia internet á sínum
tíma, fór næst yfir til Nýherja og
þaðan til Íslandssíma.
„Þar fékk ég það frábæra verkefni
að byggja upp netþjóninn þeirra,
sem heitir Vodafone í dag,“ segir
Gestur. „Ég kom að stofnun strik.
is, tsl.is og yx.is, fyrstu frínetanna.
Árið 1999 var nefnilega gríðarlegur
vilji og metnaður hjá stjórnendum
Íslandssíma að vera á undan Bún-
aðarbankanum að bjóða upp á frí-
net, svo sem fríar upphringingar og
tölvupóst. Áður var þessi þjónusta í
rándýrri áskrift. Fyrstu tíu þúsund
frínetsnotendurnir fengu aðgang-
inn sinn afhentan á aðfangadag
1999,“ segir Gestur og brosir.
Þegar verkefnum hans hjá Ís-
landssíma var lokið færði hann sig
til Íslenskrar erfðagreiningar. „Þar
fékk ég það verkefni að byggja upp
tölvuklasakerfi í líftækni notað við
erfðarannsóknir. Það var frábært
verkefni og dásamleg reynsla að
fást við það og taka þátt í því.“ Að
því verkefni loknu starfaði Gest-
ur sem verktaki og sjálfstæður at-
vinnurekandi allt þar til hann tók
við nýrri stöðu hjá Borgarbyggð. „Í
þessu starfi nýtist öll sú reynsla sem
ég hef viðað að mér í gegnum árin,“
segir hann.
Unir sér vel í
Borgarnesi
Gestur Andrés er ættaður frá Akra-
nesi en ólst upp í Reykjavík. Kona
hans er Guðbjörg Guðmundsdóttir,
forstöðumaður búsetuþjónustunn-
ar í Borgarbyggð. Saman eiga þau
dótturina Unni Lilju, níu ára. Fjöl-
skyldan er búsett í Borgarnesi. „Við
byrjuðum okkar búskap í Reykja-
vík og bjuggum þar til ársins 2008
þegar hún fékk vinnu hér í Borg-
arnesi. Ég lét slag standa og flutti
með henni hingað,“ segir Gestur
og kveðst ekki sjá eftir því. „Mér
finnst æðislegt að hafa flutt, alveg
príma. Hér getum við nálgast allt
sem okkur vantar og það er stutt til
Reykjavíkur ef við þurfum að fara
þangað. Umhverfið er afslappað og
heimurinn er ekkert að farast,“ seg-
ir hann. „Hér er alveg dásamlegt að
vera með barn. Án þess að ég þekki
það annars staðar frá þá þykir mér
nándin í samskiptum við aðra for-
eldra og skólann alveg frábær.“
Internetið er hluti af því að vera til í dag
Spjallað við Gest Andrés kerfisstjóra hjá Borgarbyggð um kvikult starf töluvmannsins
Gestur Andrés Grjetarsson, umsjónarmaður tölvumála hjá Borgarbyggð.