Skessuhorn - 27.01.2016, Blaðsíða 9
MIÐVIKUDAGUR 27. JANÚAR 2016 9
Silicor opnar
upplýsingasíðu
GRUNDARTANGI: Silicor
Materials hefur sett upp upp-
lýsingasíðu; silicormaterials.is,
um uppbyggingu sólarkísilvers
á Grundartanga. Á síðunni er
að finna lykilupplýsingar um
áformað sólarkísilver. Þar er
einnig að finna svör við öllum
helstu spurningum um verk-
efnið og geta lesendur einnig
sent inn spurningar. „Silicor
Materials hefur hafið útgáfu
reglulegs fréttabréfs um sólar-
kísilver á Grundartanga. Í því
verður fjallað um framvindu
verkefnisins og ýmislegt sem
því tengist. Þetta fyrsta frétta-
bréf er sent á valinn hóp við-
takenda og geta þeir sem vilja
afþakka fréttabréfið afskráð
sig neðst í fréttabréfinu,“ segir
í tilkynningu. –mm
Ferðamenn í
ógöngum
BORGARFJ: Lögregla fékk
tilkynningu um ítalska ferða-
menn sem höfðu fest bíla-
leigubíl sinn í snjó, eftir að
þeir höfðu ekið stuttan spöl
frá Húsafelli inn Kaldadals-
veg sem var ófær öllum öðr-
um ökutækjum en trukkum
og stórum jeppum. Vel bún-
ir jeppamenn náðu að losa bíl
ferðafólksins og var aðstoðar-
beiðni því afturkölluð en búið
var að ræsa út björgunarflokk
frá Ok. –mm
Minnsta
atvinnuleysi
frá 2007
LANDIÐ: Samkvæmt Vinnu-
markaðsrannsókn Hagstofu Ís-
lands voru að jafnaði 188.500
manns á aldrinum 16-74 ára
á vinnumarkaði í desember
2015, sem jafngildir 81% at-
vinnuþátttöku. Af þeim voru
184.900 starfandi og 3.600 án
vinnu og í atvinnuleit. Hlut-
fall starfandi af mannfjölda
var 79,4% og hlutfall atvinnu-
lausra af vinnuafli var 1,9%.
Atvinnuleysi hefur ekki mælst
lægra í mælingum Hagstofu
Íslands síðan í nóvember 2007
þegar það mældist 1,3%.
–mm
Stór hluti síldar-
innar týndur
MIÐIN: Fiskifræðingar Haf-
rannsóknarstofnunar reyndu
nú í janúar að framkvæma mæl-
ingu á íslensku sumargotssíld-
inni vestur af landinu en urðu
fyrir vonbrigðum. Mæling-
in skilaði mun lægri tölum en
búist var við svo jafnvel mun-
ar helmingi. Síldin var dreifð
í smátorfum og lítið sem ekk-
ert um stórar og þéttar torfur
eins og algengt er um hávet-
urinn. Mest var af síld í Kollu-
ál og Jökuldýpi. Þetta kemur
fram í Fiskifréttum. Það virð-
ist því einsýnt að um helming-
ur þessa síldarstofns er týndur.
Íslenska sumargotssíldin hefur
gert garðinn frægan á undan-
förnum með frægum göngum
inn í Kolgrafafjörð á Snæfells-
nesi sem í tvígang hefur end-
að með firnum og fáheyrðum
síldardauða.
-mþh
Bændasamtök Íslands hafa látið
gera úttekt á þáttum sem hafa áhrif
á matvöruverð hér á landi. Meðal
þess sem úttektin leiðir í ljós er að
lækkun gjalda, hagstæð þróun á
gengi íslensku krónunnar og lægra
innkaupsverð, hefur ekki skil-
að sér með eðlilegum hætti með
lægra verði til neytenda, heldur
hafi ágóðinn að mestu runnið til
fyrirtækja í verslunarrekstri. „Það
er mat Bændasamtakanna, þeg-
ar horft er til þess sem hefur áhrif
á verðlag matvöru til neytenda á
Íslandi, að mögulegt sé að lækka
matvöruverð á Íslandi.“
Bændasamtökin telja að til þess
að árangur náist þurfi í fyrsta lagi
að tryggja aukna samkeppni á
dagvörumarkaði og þar þurfi Sam-
keppniseftirlitið að beita sér í aukn-
um mæli, með þeim úrræðum sem
stofnunin hefur. Í öðru lagi þurfi
að tryggja að þegar gjöld og álögur
eru lækkaðar skili ágóðinn sér til
neytenda, bæði af hálfu stjórnvalda
og með áframhaldandi öflugu að-
haldi launþegahreyfingarinnar
í landinu. Loks þurfi að tryggja
að þegar árangur næst í hagræð-
ingu í íslenskum landbúnaði skili
ágóðinn sér til neytenda og bænda,
en ekki bara til fyrirtækja í versl-
unarrekstri.
Skýrsla BÍ verður kynnt ítarlega
á blaðamannafundi síðar í dag og í
fjölmiðlum í kjölfarið.
mm/ Ljósm. eo.
Skortur á samkeppni á matvörumarkaði
leiðir til hærra vöruverðs
WEST ICELAND
Travel
Ferðast um Vesturland 2016
Published by Skessuhorn - www.skessuhorn.is
Your guide to West Iceland
Fullt af fróðleik á ensku og íslensku um ferðaþjónustu á
Vesturlandi.
Ekki láta þetta frábæra auglýsingatækifæri fram
hjá þér fara.
Auglýsingapantanir þurfa að berast fyrir 11. mars 2016 í
síma 433-5500 eða á netfangið auglysingar@skessuhorn.is
Kemur út í lok apríl 2016!